Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഗാന്ധിജിയെ...

ഗാന്ധിജിയെ പിന്നിലാക്കി മഹാരാഷ്​ട്ര സർക്കാർ മോദിയെ കുറിച്ച്​ പുസ്​തകങ്ങൾ വാങ്ങി കൂട്ടുന്നു. 

text_fields
bookmark_border
ഗാന്ധിജിയെ പിന്നിലാക്കി മഹാരാഷ്​ട്ര സർക്കാർ മോദിയെ കുറിച്ച്​ പുസ്​തകങ്ങൾ വാങ്ങി കൂട്ടുന്നു. 
cancel

മുംബൈ: ഏഴ്​, ഒമ്പത്​ ക്ലാസുകളിലെ പുസ്​തകത്തിൽ നിന്ന്​ മുഗൾ ചരിത്രം വെട്ടിമാറ്റിയ മഹാരാഷ്​ട്ര സർകാർ, നരേന്ദ്ര മോദിയെ കുറിച്ചുള്ള ഒന്നര ലക്ഷം പുസ്​തകങ്ങൾ വിദ്യാർഥികൾക്കായി വാങ്ങാനൊരുങ്ങുന്നു. രാഷ്​ട്രപിതാവ്​ മഹാത്മാ ഗാന്ധിയെ കുറിച്ച്​ വെറും 4,343 പുസ്​തകത്തിന് മാത്രമാണ്​​ ഒാർഡർ നൽകിയത്​.​ പ്രഥമ പ്രധാനമന്ത്രി ജവഹർ ലാൽ നെഹ്​റുവിനെ കുറിച്ചുള്ള പുസ്​തകങ്ങളും വാങ്ങുന്നുണ്ട്​. എന്നാൽ ഒന്ന്​ മുതൽ എട്ട്​ വരെയുള്ള കുട്ടികൾക്കായി വാങ്ങുന്നത്​ 1635 പുസ്​തകങ്ങൾ മാത്രം.

മഹാത്മാ ഗാന്ധിയുടെയും ജവഹർ ലാൽ നെഹ്​റുവി​​​െൻറയും ഡോ. ബി.ആർ അംബേദ്​കറി​​​െൻറയും ജീവ ചരിത്ര പുസ്​തകങ്ങൾ വിതരണം ചെയ്യുന്നവയിൽ ഉണ്ടെങ്കിലും എണ്ണത്തിൽ മോദിയെ കുറിച്ചുള്ളവയിൽ നാലിലൊന്നുപോലും ഇല്ല എന്നതാണ്​ വിവാദമായത്​. 

അംബേദ്​കറി​​​െൻറ 79,388 പുസ്​തകങ്ങൾ. മുൻ പ്രധാനമന്ത്രി അടൽ ബിഹാരി വാജ്​പേയെ കുറിച്ച്​ 76,703 പുസ്​തകങ്ങൾ, മുൻ രാഷ്​ട്രപതി എ.പി.ജെ അബ്​ദുൽ കലാമിനെ കുറിച്ച്​ 3,21,328 പുസ്​തകങ്ങളും ഒാർഡർ ചെയ്​തിട്ടുണ്ട്​. സ്വകാര്യ പബ്ലിഷറിൽ നിന്നാണ്​ പുസ്​തകങ്ങളെല്ലാം വാങ്ങുന്നത്​.

സുതാര്യമായാണ്​ പുസ്​തകങ്ങളുടെ പർച്ചേസ്​ ഒാർഡർ നടത്തിയതെന്നും വിദഗ്​ധ​ സമിതിയുടെ നിർദ്ദേശപ്രകാരമാണ്​ പുസ്​തകങ്ങൾ ഒാർഡർ ചെയ്​തതെന്നും വിദ്യാഭ്യാസ മന്ത്രി വിനോദ്​ തൗഡെ പറഞ്ഞു. 

അതേ സമയം ബി.ജെ.പി സർകാറി​​​െൻറ നീക്കത്തിനെതിരെ പ്രതിപക്ഷം രംഗത്ത്​ വന്നു. സ്വയം പുകഴ്​ത്തി കറുത്ത ഭൂത കാലം മറച്ച്​ പിടിക്കാനുള്ള ശ്രമമാണ്​ ഇതിലൂടെ ബി.ജെ.പി നടത്തുന്നതെന്ന്​ മഹാരാഷ്​ട്ര പ്രദേശ്​ കോൺഗ്രസ്​ കമ്മിറ്റി നേതാവ്​ അശോക്​ ചവാൻ പറഞ്ഞു. അവരുടെ പാർട്ടിക്കും നേതാക്കൻമാർക്കും ഒരു കറുത്ത ഭൂത കാലമുണ്ടെന്നും അവർക്ക്​ മാനസിക ശുശ്രൂഷ നൽകണമെന്നും ചവാൻ പ്രതികരിച്ചു.

രാജ്യത്തിന്​ വേണ്ടി ജീവൻ ത്യജിച്ചവരുടെ പുസ്​കങ്ങൾ ഒഴിവാക്കി, ദീൻ ദയാൽ ഉപാധ്യായയെ പോലുള്ള രാജ്യത്തിന്​ വേണ്ടി ഒന്നും ചെയ്യാത്ത ബി.ജെ.പി നേതാക്കൻമാരുടെ പുസ്​തകങ്ങൾ വിതരണം ചെയ്യുകയാണെന്നും അദ്ദേഹം കൂട്ടിച്ചേർത്തു.
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:booksnarendra modimahatma gandhimaharashtra govtmalayalam news
News Summary - Maharashtra education dept shopping 1.5 lakh books on modi
Next Story