കുൽഭൂഷൻ ജാദവ്​ ദയാഹരജി നൽകി

ന്യൂഡൽഹി: ചാരവൃത്തി ആരോപിച്ച്​ പാകിസ്​താൻ വധശിക്ഷക്ക്​ വിധിച്ച മുൻ ഇന്ത്യൻ നാവികസേന ഉദ്യോഗസ്ഥൻ കുൽഭൂഷൻ ജാദവ് ദയാഹരജി സമർപ്പിച്ചുവെന്ന്​ പാക് സൈനിക​ മേധാവി. ജനറൽ ഖമർ ജാദവ്​ ബജ്​വ മുമ്പാകെയാണ്​ ദയാഹരജി സമർപ്പിച്ചരിക്കുന്നത്​. ത​​​​െൻറ പ്രവൃത്തി മൂലം നിരപരാധികളായ ആളുകളുടെ ജീവൻ നഷ്​ടപ്പെട്ടതിൽ കുൽഭൂഷൻ ഖേദം പ്രകടിപ്പിച്ചതായി പാകിസതാൻ അവകാശപ്പെട്ടു.

കുൽഭൂഷൻ കുറ്റം സമ്മതിക്കുന്ന വീഡിയോയും പാകിസ്​താൻ പുറത്ത്​ വിട്ടിട്ടുണ്ട്​. 2017 ഏപ്രിലിലാണ്​ വീഡിയോ ചിത്രീകരിച്ചിരിക്കുന്നത്​​​. ദയാഹരജിയിൽ താൻ നടത്തിയ തീവ്രവാദ പ്രവർത്തനങ്ങളിൽ ​കുൽഭൂഷൻ ഖേദം പ്രകടിപ്പിച്ചുവെന്നാണ്​ പാക്​ സൈനിക മേധാവിയുടെ അവകാശവാദം. 

നിലവിൽ നൽകിയിരിക്കുന്ന ദയാഹരജി നിരസിച്ചാലും പാക്​ പ്രസിഡൻറിന്​ മുമ്പാകെ ഒരിക്കൽ കൂടി ഹരജി സമർപ്പിക്കാൻ കുൽഭൂഷന്​ സാധിക്കും.