സെക്​സ്​ റാക്കറ്റ്​ നടത്തിപ്പ്​; ബി.ജെ.പി നേതാവ്​ അറസ്​റ്റിൽ

ഭോപാൽ: സെക്​സ്​ റാക്കറ്റ്​ നടത്തിവന്ന ബി​.ജെ.പി നേതാവും മറ്റ്​ എട്ടുപേരും മധ്യപ്രദേശ്​ സൈബർ ക്രൈം പൊലീസി​​​െൻറ പിടിയിലായി. പാർട്ടിയുടെ പട്ടികജാതി വിഭാഗമായ അനുസൂചിത്​ ജാതി മോർച്ചയുടെ മാധ്യമ വക്​താവ്​ നീരജ്​ ശാകിയയും കൂട്ടാളികളുമാണ്​ പിടിയിലായത്​. വെബ്​സൈറ്റ്​ വഴിയാണ്​ റാക്കറ്റ്​ നടത്തിയിരുന്നതെന്ന്​ പൊലീസ്​ പറഞ്ഞു. രഹസ്യവിവരത്തെതുടർന്ന്​ അരേരയിലെ ഫ്ലാറ്റിൽ നടത്തിയ റെയ്​ഡിൽ നാല്​ യുവതികളെ മോചിപ്പിച്ചതിനൊപ്പമാണ്​ ഒമ്പതുപേരെയും അറസ്​റ്റ്​ ചെയ്​തത്​. തൊഴിൽ സൈറ്റുകളിൽ അപേക്ഷ നൽകുന്ന പെൺകുട്ടികളെയാണ്​ പലവിധ കബളിപ്പിക്കലിലൂടെ ഇവർ സെക്​സ്​ റാക്കറ്റിൽ എത്തിച്ചിരുന്നതെന്ന്​ കണ്ടെത്തിയിട്ടുണ്ട്​.