ചൈനയിൽ കുടുങ്ങിയ ഡോക്​ടർമാർക്ക്​ ഇന്ത്യൻ കോൺസുലേറ്റ്​ തുണയായി

മും​ബൈ:  വി​നോ​ദ​യാ​ത്ര​ക്കി​ടെ ചൈ​ന​യി​ൽ കു​ടു​ങ്ങി​യ മും​ബൈ​യി​ലെ ഡോ​ക്​​ട​ർ​മാ​ർ​ക്ക്​ തു​ണ​യാ​യി ഇ​ന്ത്യ​ൻ കോ​ൺ​സു​ലേ​റ്റ്. ന​ഗ​ര​ത്തി​ലെ മ​ലാ​ഡ്​ മെ​ഡി​ക്ക​ൽ അ​സോ​സി​യേ​ഷ​ൻ (എം.​എം.​എ) അം​ഗ​ങ്ങ​ളാ​യ 25 ഡോ​ക്​​ട​ർ​മാ​രാ​ണ്​ കു​ടും​ബ​ത്തോ​ടൊ​പ്പം കു​ടു​ങ്ങി​യ​ത്. ട്രാ​വ​ൽ​സ്​ ന​ട​ത്തി​പ്പു​കാ​ർ ത​മ്മി​ലെ പ​ണ​മി​ട​പാ​ട്​ ത​ർ​ക്ക​മാ​ണ്​ ഡോ​ക്​​ട​ർ​മാ​ർ​ക്ക്​ വി​ന​യാ​യ​ത്.

വി​സ ന​ട​പ​ടി​ക​ൾ, യാ​​ത്ര, താ​മ​സം, ഭ​ക്ഷ​ണം എ​ന്നി​വ​ക്കാ​യി ഒ​രാ​ൾ​ക്ക്​​ 92,500 രൂ​പ നി​ര​ക്കി​ൽ ബോ​രി​വ​ലി​യി​ലെ ഒ​പെ​ക്​​സ്​ ഹോ​ളി​ഡേ​സി​ന്​ എം.​എം.​എ  ന​ൽ​കി​യി​രു​ന്നു. എ​ന്നാ​ൽ, തു​ക​യു​ടെ 30 ശ​ത​മാ​നം മാ​ത്ര​മാ​ണ്​ ചൈ​ന​യി​ലെ കാ​ര്യ​ങ്ങ​ൾ ഏ​റ്റെ​ടു​ത്ത അ​വി​ട​ത്തെ ഫ്രീ​ഡം ട്രാ​വ​ൽ​സി​ന്​ ഒ​പെ​ക്​​സ്​ ഹോ​ളി​ഡേ​സ്​ ന​ൽ​കി​യ​ത്. മു​ഴു​വ​ൻ തു​ക​യും അ​ട​ക്കാ​ത്ത​തി​നെ തു​ട​ർ​ന്ന്​ ചൈ​ന​യി​ലെ ട്രാ​വ​ൽ​സ്​ ഉ​ട​ക്കി. താ​മ​സി​ച്ച ഹോ​ട്ട​ലു​ക​ളി​ൽ​നി​ന്ന്​ ശ​നി​യാ​ഴ്​​ച ഡോ​ക്​​ട​ർ​മാ​രെ​യും കു​ടും​ബ​ത്തെ​യും പു​റ​ത്താ​ക്കി.

ര​ണ്ടു ദി​വ​സം സെ​ൻ​ഷ​നി​ലെ ഹോ​ട്ട​ലി​​​െൻറ സ്വീ​ക​ര​ണ മു​റി​യി​ലാ​യി​രു​ന്നു ഇ​വ​ർ ക​ഴി​ഞ്ഞ​ത്. പ​ണം ല​ഭി​ച്ചി​ല്ലെ​ങ്കി​ൽ പൊ​ലീ​സി​ൽ പ​രാ​തി​ന​ൽ​കി അ​ക​ത്താ​ക്കു​മെ​ന്നാ​യി​രു​ന്നു ട്രാ​വ​ൽ​സ്​ ഉ​ട​മ​യു​ടെ ഭീ​ഷ​ണി. തി​ങ്ക​ളാ​ഴ്​​ച കോ​ൺ​സു​ലേ​റ്റ്​ ഉ​ദ്യോ​ഗ​സ്​​ഥ​ർ ഇ​ട​പ്പെ​ട്ട​തോ​ടെ ഡോ​ക്​​ട​ർ​മാ​രും കു​ടും​ബ​വും മ​കാ​വു​വി​ലേ​ക്ക്​ പോ​യ​താ​യി ബ​ന്ധ​പ്പെ​ട്ട വൃ​ത്ത​ങ്ങ​ൾ അ​റി​യി​ച്ചു.

മും​ബൈ​യി​ലെ ഒ​പെ​ക്​​സ്​ ഹോ​ളി​ഡേ​സി​ന്​ എ​തി​രെ എം.​എം.​എ പൊ​ലീ​സി​ൽ പ​രാ​തി ന​ൽ​കു​ക​യും ഇ​ട​പെ​ട​ൽ ആ​വ​ശ്യ​പ്പെ​ട്ട്​ കേ​ന്ദ്ര വി​ദേ​ശ​കാ​ര്യ മ​ന്ത്രി സു​ഷ​മ സ്വ​രാ​ജി​ന്​ അ​പേ​ക്ഷ ന​ൽ​കു​ക​യും ചെ​യ്​​തു. ​ട്രാ​വ​ൽ​സ്​ ഉ​ട​മ ഒ​ളി​വി​ലാ​ണെ​ന്നാ​ണ്​ പൊ​ലീ​സ്​ വൃ​ത്ത​ങ്ങ​ൾ പ​റ​യു​ന്ന​ത്.