ബംഗളൂരുവിൽ തട്ടിക്കൊണ്ടുപോയ മലയാളി വിദ്യാർഥിയെ കൊലപ്പെടുത്തി

ബംഗളൂരു: പത്തു ദിവസം മുമ്പ്​ നഗരത്തിൽനിന്ന്​ തട്ടിക്കൊണ്ടുപോയ വിദ്യാർഥിയെ കൊന്നു​ കുഴിച്ചുമൂടിയ നിലയിൽ കണ്ടെത്തി. മലയാളിയായ ആദായ നികുതി വകുപ്പ്​ ഉദ്യോഗസ്​ഥൻ നിരഞ്​ജൻ കുമാറി​​െൻറ മകൻ ശരത്​ (19) ആണ്​ കൊല്ലപ്പെട്ടത്​. തട്ടിക്കൊണ്ടുപോകലുമായി ബന്ധപ്പെട്ട കേസ്​ അന്വേഷിക്കുന്ന ജ്​ഞാനഭാരതി പൊലീസ്​ വ്യാഴാഴ്​ച രാത്രി ആറു പ്രതികളെ പിടികൂടിയിരുന്നു. ഇവരിൽനിന്ന്​ ലഭിച്ച വിവരപ്രകാരം രാമൊഹള്ളി തടാകക്കരയിലെ അജ്ജനഹള്ളിയിൽനിന്ന്​ വെള്ളിയാഴ്​ച രാവിലെയാണ്​ മൃതദേഹം കണ്ടെത്തിയത്​. കേസിൽ ശരത്തി​​െൻറ സുഹൃത്ത്​ വിശാൽ (21), വിക്കി (24), കരൺ പൈ എന്ന കർണ (22), വിനോദ്​ കുമാർ (24), ശാന്തകുമാർ, വിനയ്​ പ്രസാദ്​ എന്നിവരാണ്​ പിടിയിലയത്​. വർഷങ്ങളായി ബംഗളൂരുവിൽ താമസിക്കുകയാണ്​ നിരഞ്​ജ​​​െൻറ കുടുംബം. നിരഞ്​ജ​​െൻറ മാതാപിതാക്കൾ പാലക്കാട്​ പറളി മാങ്കുറുശ്ശിയിൽനിന്ന്​ ബംഗളൂരുവിലേക്ക്​ കുടിയേറിയവരാണ്​. ആചാര്യ എൻജിനീയറിങ്​ കോളജിൽ ഒാ​േട്ടാമൊബൈൽ എൻജിനീയറിങ്​ വിദ്യാർഥിയാണ്​ ശരത്​. 

സെപ്​റ്റംബർ 12നാണ്​ കേസിന്​ ആസ്​പദമായ സംഭവം. കെ​േങ്കരി ഉള്ളാലയിലെ വീട്ടിൽനിന്ന്​ വൈകീട്ട്​ ആറരയോടെ കൂട്ടുകാരെ കാണാൻ ബൈക്കിൽ പോയ ശരത്തിനെ പിന്നീട്​ കാണാതാവുകയായിരുന്നു. രാത്രി വൈകിയിട്ടും തിരിച്ചെത്താത്തതിനെ തുടർന്ന്​ വീട്ടുകാർ ഫോണിൽ ബന്ധപ്പെ​െട്ടങ്കിലും മറുപടിയുണ്ടായില്ല. ​ൈവകാതെ അമ്മയുടെയും സഹോദരിയുടെയും ഫോണുകളിലേക്ക്​ ശരത്തി​​െൻറ വാട്ട്​സ്​ ആപ്​ വിഡിയോ സന്ദേശം ലഭിച്ചു. താൻ ഒരു സംഘത്തി​​െൻറ തടവിലാണെന്നും അരക്കോടി രൂപ അവർ മോചനദ്രവ്യം ആവശ്യപ്പെടുന്നുണ്ടെന്നുമായിരുന്നു സന്ദേശം. രണ്ടാമത്​  ലഭിച്ച വിഡിയോയിൽ, സംഘത്തി​​െൻറ പക്കൽ ആയുധങ്ങളുണ്ടെന്നും മോചനദ്രവ്യം നൽകി തന്നെ രക്ഷിക്കണമെന്നും ശരത്​ മാതാപിതാക്കളോട്​ അഭ്യർഥിച്ചു. സഹോദരിയെയാണ്​ സംഘം അടുത്തതായി ലക്ഷ്യമിടുന്നതെന്നും സന്ദേശത്തിൽ സൂചിപ്പിച്ചിരുന്നു. ഇതോടെ, മാതാപിതാക്കൾ ജ്​ഞാനഭാരതി പൊലീസ്​ സ്​റ്റേഷനിൽ പരാതി നൽകി.  


എന്നാൽ, പരാതി നൽകിയതറിഞ്ഞ സംഘം തട്ടി​​​ക്കൊണ്ടുപോയ അന്നുരാത്രി കാറിൽവെച്ച്​ ശരത്തിനെ കൊലപ്പെടുത്തിയതായി പൊലീസ്​ പറഞ്ഞു. മൃതദേഹത്തിൽ കല്ലുവെച്ച്​ കെട്ടിയശേഷം രാമൊഹള്ളി തടാകത്തിലെറിഞ്ഞു. തടാകത്തിൽ നിത്യസന്ദർശനം നടത്തിയ സംഘം മൃതദേഹം പൊന്തിവന്നപ്പോൾ അജ്ജനഹള്ളി ഭാഗത്ത്​ തടാകക്കരയിൽ കുഴിച്ചിടുകയായിരുന്നു. അറസ്​റ്റിലായ പ്രതികളുമായി പൊലീസ്​ സംഭവസ്​ഥലത്ത്​ തെളിവെടുപ്പ്​ നടത്തി. 

ലക്ഷ്യമിട്ടത്​ പണം; ആസൂത്രണം ചെയ്​തത്​ ഉറ്റ സുഹൃത്ത്​
ബംഗളൂരുവിൽ മലയാളിയുടെ മകനെ പണത്തിനായി തട്ടിക്കൊണ്ടുപോയ സംഭവം ആസൂത്രണം ചെയ്​തത്​ ഉറ്റ സുഹൃത്തെന്ന്​ പൊലീസ്​. ശരത്തുമായും കുടുംബവുമായും നല്ല ബന്ധത്തിലായിരുന്ന വിശാൽ ആണ്​ സംഭവത്തി​​െൻറ സൂത്രധാരൻ. ശരത്തി​െൻറ മൂത്ത സഹോദരിയുടെ സഹപാഠി കൂടിയാണ്​ ഇയാൾ. 
നാലു ലക്ഷം രൂപ കടമുണ്ടായിരുന്ന വിശാൽ ഇത്​ സംഘടിപ്പിക്കാനായാണ്​ ത​​െൻറ സുഹൃത്തുക്കളുടെ സഹായത്തോടെ തട്ടിക്കൊണ്ടുപോകൽ ആസൂത്രണം ചെയ്​തത്​. ഇതിനായി ശരത്തി​​െൻറ നീക്കങ്ങൾ ഇയാൾ നിരീക്ഷിച്ചിരുന്നു. ത​​െൻറ പുതിയ ബൈക്ക്​ സുഹൃത്തുക്കളെ കാണിക്കാനും മധുരം വാങ്ങിക്കാനുമായാണ്​ സെപ്​റ്റംബർ 12ന്​ വൈകുന്നേരം ശരത്ത്​​ വീട്ടിൽനിന്നിറങ്ങുന്നത്​. പിന്നീട്​ ശരത്തിനെ വീട്ടുകാർക്ക്​ ബന്ധപ്പെടാൻ കഴിഞ്ഞിട്ടില്ല. ശരത്ത്​​ കാറിലിരുന്ന്​ അയച്ച നിലയിലുള്ള രണ്ടു വിഡിയോ സന്ദേശങ്ങളാണ്​ രാത്രി പത്തോടെ വീട്ടുകാർക്ക്​  ലഭിച്ചത്​.  മോചനദ്രവ്യം ആവശ്യപ്പെട്ടുള്ള വിഡിയോ സന്ദേശത്തിൽ പൊലീസിനെ വിവരമറിയിക്കരുതെന്നും അത്​ തനിക്കും കുടുംബത്തിനും അപകടം വരുത്തുമെന്നും സൂചിപ്പിച്ചിരുന്നു. ഇൗ സന്ദേശം ലഭിച്ച ശേഷം ശരത്തി​​െൻറ സഹോദരിയെ വിശാൽ ഫോണിൽ ബന്ധപ്പെട്ടു. വീട്ടുകാരുടെ നീക്കങ്ങൾ അറിയാനായിരുന്നു ഇത്​. വീട്ടുകാർ പൊലീസിൽ പരാതി നൽകാൻ പോയതായി സഹോദരി അറിയിച്ചതോടെ ഭയചകിതരായ വിശാലും സംഘവും തെളിവ്​ നശിപ്പിക്കാൻ ശരത്തിനെ കഴുത്തുഞെരിച്ച്​ കൊലപ്പെടുത്തുകയായിരുന്നെന്ന്​ ബംഗളൂരു സിറ്റി പൊലീസ്​ കമീഷണർ ടി. സുനീൽ കുമാർ പറഞ്ഞു. മൃതദേഹം ഉപേക്ഷിക്കാൻ രാത്രി മുഴുവൻ കാറിൽ കറങ്ങി. ഒടുവിൽ തടാകത്തിൽ കല്ലുകെട്ടി തള്ളുകയായിരുന്നു. 

കേസ്​ അന്വേഷണത്തിനായി നിയോഗിച്ച ആറംഗ സംഘം, മൊബൈൽഫോൺ സന്ദേശം കേന്ദ്രീകരിച്ച്​ നടത്തിയ അന്വേഷണത്തിൽ സംഭവത്തിന്​ പിന്നിൽ പരിചയക്കാരാണെന്ന നിഗമനത്തിൽ എത്തിയിരുന്നു. വ്യാഴാഴ്​ച രാത്രി വിശാലിനെ ചോദ്യം ചെയ്യാൻ പൊലീസ്​ കസ്​റ്റഡിയിലെടുത്തു. ഇയാളെ ചോദ്യം ചെയ്​തതോടെയാണ്​ ഗൂഢാലോചനയുടെ ചുരുളഴിഞ്ഞത്​. ശരത്തി​െൻറ സുഹൃത്തായിരുന്ന വിശാലി​നെ ഒരു തരത്തിലും ബന്ധുക്കൾ സംശയിച്ചിരുന്നില്ലെന്നും പിറ്റേദിവസങ്ങളിൽ അന്വേഷണത്തി​​െൻറ വിവരങ്ങളറിയാൻ ഇയാൾ ശരത്തി​​െൻറ വീട്ടിലെത്തിയിരുന്നെന്നും ​കമീഷണർ ചൂണ്ടിക്കാട്ടി.