You are here

തണുത്ത്​ വിറച്ചാലും ആധാർ കാർഡില്ലാതെ യു.പി അഭയകേന്ദ്രത്തിൽ പ്രവേശനമില്ല

12:27 PM
13/01/2018
no-entry-to-night-shelters-without-aadhar

ലക്​നോ: കനത്ത തണുപ്പിൽ വലയുകയാണ്​ ഉത്തരേന്ത്യ. തണുപ്പിൽ ഉത്തരേന്ത്യൻ നഗരങ്ങളിലെത്തുന്നവർക്ക് പലപ്പോഴും ​ ആശ്വാസം പകരുന്നത്​  രാത്രി അഭയകേന്ദ്രങ്ങളാണ്​. എന്നാൽ, ഉത്തർപ്രദേശിൽ ഇത്തരംഅഭയകേന്ദ്രങ്ങളിൽ ഇപ്പോൾ പ്രവേശിക്കണമെങ്കിൽ ആധാർ കാർഡ് വേണമെന്നാണ്​ പുതിയ നിബന്ധന.

യു.പിയിലെ സ്വകാര്യ, സർക്കാർ ഉടമസ്ഥതയിലുള്ള രാത്രി അഭയകേന്ദ്രങ്ങളിൽ ഒരുപോലെ ആധാർ കാർഡ്​ നിർബന്ധമാക്കിയെന്നാണ്​ വാർത്ത. മറ്റ്​ സംസ്ഥാനങ്ങളിൽ നിന്ന്​ യു.പിയിലെത്തുന്ന ഡ്രൈവർമാരുൾപ്പടെയുള്ളവർക്ക്​ അഭയം ലഭിക്കണമെങ്കിൽ ആധാർ കാർഡ്​ വേണ്ട സ്ഥിതിയാണ്​ നിലവിലുള്ളത്​. പുതിയ സാഹചര്യത്തിൽ രാത്രികാലത്ത്​  കൊടും തണുപ്പിൽ തെരുവിൽ കിടന്നുറങ്ങേണ്ട ഗതികേടാണ്​​ ഇവർക്കുള്ളത്​.

അതേ സമയം, എല്ലാവരിൽ നിന്നും ആധാർ കാർഡ്​ വാങ്ങാറില്ലെന്ന്​ യു.പിയിൽ രാത്രി അഭയകേന്ദ്രത്തി​​െൻറ ഉടമസ്ഥൻ പ്രതികരിച്ചു. തങ്ങൾക്ക്​ സംശയമുള്ളവരിൽ നിന്ന്​ മാത്രമാണ്​ ആധാർ ആവശ്യപ്പെടുന്നതെന്നും അദ്ദേഹം പറഞ്ഞു.

COMMENTS