ആധാർ കേസ്​ അഞ്ചംഗ ഭരണഘടനബെഞ്ച് വാദംകേൾക്കും

ന്യൂഡൽഹി: ആധാറി​​​െൻറ ഭരണഘടനാസാധുത ചോദ്യം ചെയ്യുന്ന ഹരജികളിൽ അഞ്ചംഗ ഭരണഘടനബെഞ്ച്​ അടുത്ത ചൊവ്വാഴ്​ച മുതൽ വാദംകേൾക്കുമെന്ന്​ സുപ്രീംകോടതി. രണ്ട്​ വർഷത്തിലേറെയായി നീട്ടിയ ആധാർ കേസ്​ ഒടുവിൽ കേന്ദ്ര സർക്കാർ ആവശ്യപ്പെട്ടപ്പോഴാണ്​ അടുത്തയാഴ്​ച കേൾക്കാമെന്ന്​  ചീഫ്​ ജസ്​റ്റിസ്​ ജെ.എസ്. ​െഖഹാർ ​ അധ്യക്ഷനായ സുപ്രീംകോടതി ബെഞ്ച്​ അറിയിച്ചത്​. ഒരു പൗര​​​െൻറ ബയോമെട്രിക്​ വിവരം സർക്കാർ ശേഖരിക്കുന്നത്​ സ്വകാര്യതയിലേക്കുള്ള കടന്നുകയറ്റമാണോ എന്ന പ്രധാന വിഷയത്തിൽ അഞ്ചംഗ ഭരണഘടനബെഞ്ച്​ തീർപ്പ്​ കൽപ്പിക്കും.

2015 ഒക്​ടോബറിൽ ഭരണഘടനബെഞ്ചിന്​ കേസ്​ വിട്ട ശേഷം ഹരജിയിലെ യഥാർഥ ആവശ്യത്തിൽ വാദം കേൾക്കാതെ മാറ്റിവെക്കുകയായിരുന്നു. ആധാർ നിർബന്ധമാക്കാനാവില്ലെന്ന്​ പലതവണ സുപ്രീംകോടതി ഇടക്കാല ഉത്തരവിറക്കിയിരു​െന്നങ്കിലും നിർബന്ധമാക്കാനുള്ള നിയമനിർമാണം കേന്ദ്രസർക്കാർ പണബില്ലായി രാജ്യസഭയുടെ അനുമതിയില്ലാതെ പാസാക്കിയെടുക്കുകയും ഏതാണ്ടെല്ലാ പദ്ധതികൾക്കും നിർബന്ധമാക്കുകയും ചെയ്​തു. ആദായനികുതി റി​േട്ടൺ സമർപ്പിക്കുന്നതിനും ആധാർ നിർബന്ധമാക്കി. ഇൗ അവസരങ്ങളിലെല്ലാം ആധാർ കേസ്​ കേൾക്കണമെന്ന്​ ഹരജിക്കാരു​െട അഭിഭാഷകർ ആവശ്യപ്പെ​െട്ടങ്കിലും അനന്തമായി നീണ്ടു. 

ബുധനാഴ്​ച ആധാർകേസ്​ അടിയന്തരമായി തീർപ്പാക്കണമെന്ന്​ കേന്ദ്രസർക്കാറിന്​ വേണ്ടി ഹാജരായ അറ്റോണി ജനറൽ കെ.കെ. വേണുഗോപാൽ ആവശ്യപ്പെട്ടു. സുപ്രീംകോടതിയുടെ വലിയ ബെഞ്ച്​ ഇതി​​​െൻറ സാധുത പരി​ശോധിക്കേണ്ടതുണ്ടെന്നും അദ്ദേഹം ബോധിപ്പിച്ചു. ഇൗമാസം ഏഴിന്​ ജസ്​റ്റിസ്​ ചെലമേശ്വറി​​​െൻറ മുന്നിലുള്ള ​ബെഞ്ച്​ മുമ്പാകെ ആധാർകേസ്​ വന്നപ്പോൾ ഭരണഘടനബെഞ്ച്​ എന്നെന്നേക്കുമായി തീർപ്പ്​ കൽപിക്കുമെന്ന്​ അറിയിച്ചതാണെന്ന്​ അഡ്വ. ശ്യാം ദിവാൻ, അഡ്വ. വിപിൻ നായർ, അഡ്വ. പി.ബി. സുരേഷ്​ എന്നിവർ ബോധിപ്പിച്ചു. മിക്കവാറും ഒമ്പതംഗ ബെഞ്ച്​ ആയിരിക്കും അത്​ പരിശോധിക്കുകയെന്നും ജസ്​റ്റിസ്​ ചെലമേശ്വർ സൂചിപ്പിച്ച കാര്യവും അഭിഭാഷകർ ചീഫ്​ ജസ്​റ്റിസിനോട്​ പറഞ്ഞു.

2015ൽ തങ്ങൾ ഇൗ കേസ്​ ഭരണഘടനബെഞ്ചിന്​ വിട്ടിട്ട്​ ഇത്രയും കാലം അത്​ പരിഗണിക്കാത്തത്​ എന്തുകൊണ്ടാണെന്ന്​ ജസ്​റ്റിസ്​ ചെലമേശ്വർ അന്വേഷിക്കുകയും ചെയ്​തു. പൗര​​​െൻറ സ്വകാര്യതക്കുള്ള അവകാശം നിയന്ത്രണങ്ങൾക്ക്​ വിധേയമാണെന്ന്​ സുപ്രീംകോടതി നേര​േത്ത ചില വിധികളിൽ വ്യക്​തമാക്കിയിട്ടുണ്ടെന്ന്​ അറ്റോണി ജനറൽ വാദിച്ചു. അതിനാൽ കേസ്​ പരിഗണിക്കേണ്ടത്​ എത്ര അംഗങ്ങളുള്ള ബെഞ്ചാണെന്ന്​ ആദ്യം തീരുമാനിക്കണമെന്ന്​ വേണുഗോപാൽ ആവശ്യപ്പെട്ടു. ഇതേതുടർന്നാണ്​ അഞ്ചംഗ ബെഞ്ച്​ അടുത്ത ചൊവ്വാഴ്​ച മുതൽ കേസ്​ പരിഗണിക്കുമെന്ന്​ ചീഫ്​ ജസ്​റ്റിസ്​ അറിയിച്ചത്​.