രാ​ഹു​ൽ ഗാ​ന്ധി​ക്ക് തെ​ര​ഞ്ഞെ​ടു​പ്പ് ക​മീ​ഷ​ൻ അ​യ​ച്ച നോ​ട്ടീ​സ് പി​ൻ​വ​ലി​ച്ചു

ന്യൂ​ഡ​ൽ​ഹി: ചാ​ന​ലി​ന് അ​ഭി​മു​ഖം ന​ൽ​കി​യ​തി​ന്‍റെ പേ​രി​ൽ കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​ക്ക് തെ​ര​ഞ്ഞെ​ടു​പ്പ് ക​മീ​ഷ​ൻ അ​യ​ച്ച നോ​ട്ടീ​സ് പി​ൻ​വ​ലി​ച്ചു. തിരഞ്ഞെടുപ്പ് പെരുമാറ്റച്ചട്ടം നിലവിലുള്ളപ്പോൾ ഗുജറാത്തി ടി.വിക്ക് അഭിമുഖം നൽകിയതിനാണ് തെരഞ്ഞെടുപ്പ് കമീഷൻ രാഹുലിന് കാരണംകാണിക്കൽ നോട്ടിസ് അയച്ചത്. ബി​ജെ​.പി​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ലാ​യി​രു​ന്നു നോ​ട്ടീ​സ്. 

ന​വ​മാ​ധ്യ​മ​ങ്ങ​ളു​ടെ​യും ഡി​ജി​റ്റ​ൽ സാ​ങ്കേ​തി​ക വി​ദ്യ​യു​ടെ​യും കാ​ല​ത്ത് പെ​രു​മാ​റ്റ​ച്ച​ട്ടം പു​ന​ർ​നി​ർ​വ​ചി​ക്കേ​ണ്ട​ത് ആ​വ​ശ്യ​മാ​ണെ​ന്നു ചൂ​ണ്ടി​ക്കാ​ട്ടി​യാ​ണു കമീ​ഷ​ൻ നോ​ട്ടീ​സ് പി​ൻ​വ​ലി​ക്കു​ന്ന​തെ​ന്ന് എ​.എ​ൻ​.ഐ റി​പ്പോ​ർ​ട്ട് ചെ​യ്യു​ന്നു. പെ​രു​മാ​റ്റ​ച്ച​ട്ട​ത്തി​ൽ ആ​വ​ശ്യ​മാ​യ മാ​റ്റ​ങ്ങ​ൾ ഉ​ട​ൻ​വ​രു​ത്തും. ഇ​തി​നാ​യി ക​മ്മി​റ്റി​യെ നി​യോ​ഗി​ച്ച​താ​യും ഈ ​ക​മ്മി​ഷ​ൻ ആ​വ​ശ്യ​മാ​യ മാ​റ്റ​ങ്ങ​ളെ സം​ബ​ന്ധി​ച്ച് റി​പ്പോ​ർ​ട്ടു ന​ൽ​കു​മെ​ന്നും തെ​ര​ഞ്ഞെ​ടു​പ്പ് ക​മ്മി​ഷ​ൻ അ​റി​യി​ച്ചു. 

ഡിജിറ്റൽ, ഇലക്ട്രോണിക് മാധ്യമങ്ങൾ വളരെയധികം വർധിച്ചതിനാൽ നിലവിലെ മാതൃകാ പെരുമാറ്റച്ചട്ടത്തിനു ചില പോരായ്മകളുണ്ട്. നിലവിലെ വെല്ലുവിളികളെ നേരിടാൻ തക്ക മാറ്റങ്ങൾ ചട്ടങ്ങളിൽ കൊണ്ടുവരേണ്ടതുണ്ടെന്നും തിരഞ്ഞെടുപ്പ് കമീഷൻ വാർത്താക്കുറിപ്പിൽ അറിയിച്ചു. ഇതിനായി രാഷ്ട്രീയപാർട്ടികൾ, മാധ്യമങ്ങൾ, നാഷനൽ ബ്രോഡ്‌കാസ്റ്റേഴ്സ് അസോസിയേഷൻ (എൻബിഎ) തുടങ്ങിയവരിൽനിന്നു നിർദേശങ്ങൾ ആരായും.