ദീപാവലി: അർഹർക്കെല്ലാം മെഡിക്കൽ വിസ

ന്യൂഡൽഹി: ദീപാവലി പ്രമാണിച്ച്​ അർഹരായ എല്ലാവർക്കും ഇന്ത്യയിലേക്ക്​ മെഡിക്കൽ വിസ അനുവദിക്കുമെന്ന്​ വിദേശകാര്യ മന്ത്രി സുഷമ സ്വരാജ്​. നേരത്തേ അനുമതി നൽകാതിരുന്ന അപേക്ഷകൾ ഇൗ സമയത്ത്​ പരി​േശാധിച്ച്​ നടപടി സ്വ​ീകരിക്കും. നിരവധി പാകിസ്​താൻ പൗരന്മാരുടെ അപേക്ഷകളോട്​​ അനുകൂലമായി പ്രതികരിച്ചാണ്​ മന്ത്രി ഇക്കാര്യം അറിയിച്ചത്​. കഴിഞ്ഞ ഏതാനും ദിവസത്തിനിടെ നിരവധി പാക്​ പൗരന്മാർക്ക്​ വിസ അനുവദിച്ചു​. 

പാക്​ വനിത അംന ശമി​​​െൻറ അപേക്ഷ പരിഗണിച്ച സുഷമ, ഉടൻ ഇസ്​ലാമാബാദിലെ ഇന്ത്യൻ ഹൈകമീഷനിൽ ബന്ധപ്പെടാൻ നിർദേശിച്ചു. ഡൽഹിയിൽ ചികിത്സയിലുള്ള പിതാവി​നെ സന്ദർശിക്കാനാണ്​ അംന ശമിൻ വിസക്ക്​ അപേക്ഷിച്ചത്​. ബുധനാഴ്​ച പാക്​ ബാലൻ അബ്​ദുല്ലക്കും കുടുംബത്തിനും മെഡിക്കൽ വിസ അനുവദിക്കാൻ സുഷമ നിർദേശിച്ചിരുന്നു. നേരത്തേ കരൾ മാറ്റിവെച്ച അബ്​ദുല്ലയുടെ തുടർ ചികിത്സക്കാണ്​ കുടുംബം വരുന്നത്. മരുന്ന്​ തീരാറായെന്ന്​ കാണിച്ച്​ പിതാവ്​ കാശിഫ്​ സുഷ​മയെ ആവശ്യം അറിയിക്കുകയായിരുന്നു. 

റഫീഖ്​ മേമൻ എന്ന യുവാവ്​ മാതാവി​​​െൻറ കരൾമാറ്റ ശസ്​ത്രക്രിയക്ക്​ വിസ അനുവദിക്കാൻ നൽകിയ അപേക്ഷയും അംഗീകരിക്കപ്പെട്ടു. ഒരുവർഷമായി വിസ കാത്തിരിക്കുന്ന പാകിസ്​താനിലെ നാസിർ അഹ്​മദ്​ എന്ന എട്ടു വയസ്സുകാര​​​​െൻറ കാര്യത്തിലും അനുകൂല തീരുമാനമുണ്ടായി.