ഡൽഹിയിൽ പെട്രോൾ ടാങ്കർ മറിഞ്ഞു: ​റോഡിൽ 20,000 ലിറ്റർ ഇന്ധനം ഒഴുകി

ന്യൂഡൽഹി: ഡൽഹിയിലെ റിങ്​ റോഡിലെ മൂൽചന്ദ്​ അണ്ടർപാസിൽ ടാങ്കർ ലോറി മറിഞ്ഞ്​ 20,000 ​​​ത്തോളം ലിറ്റർ പെട്രോൾ ഒഴുകി. അപകടത്തിൽ ടാങ്കർ ഡ്രൈവർക്കും സഹായിക്കും  പരിക്കേറ്റു. 
ടാങ്കറിൽ നിന്ന്​ പെട്രോൾ റോഡിലൊഴുകിയത്​ ആശങ്കയുണ്ടാക്കി. തുടർന്ന്​ ഇതുവഴിയുള്ള ഗതാഗതം താൽക്കാലികമായി നിർത്തി പൊലീസും ഫയർഫോഴ്​സും സ്ഥലത്തെത്തി ഇന്ധനം റോഡിൽ നിന്നും നീക്കം ചെയ്​തു. മറിഞ്ഞ ടാങ്കർ ക്രെയിനുപയോഗിച്ച്​ സ്ഥലത്തു നിന്ന്​ മാറ്റിയിട്ടുണ്ട്​.