ക്രിമിനലുകളെ ജയിലിലാക്കുകയോ ഏറ്റുമുട്ടലുകളിൽ വധിക്കുകയോ ചെയ്യുമെന്ന്​ യോഗി

ലക്​നോ: ബി.ജെ.പി സർക്കാർ അധികാരത്തിലെത്തിയതിന്​ ശേഷം യു.പിയിലെ ക്രമസമാധാന നില മെച്ചപ്പെട്ടുവെന്ന്​ മുഖ്യമന്ത്രി യോഗി ആദിത്യനാഥ്​. യു.പിയിലെ ക്രിമനലുകളെ ജയിലുകളിൽ അടക്കുകയോ ഏറ്റുമുട്ടലുകളിൽ വധിക്കുകയോ ചെയ്യുമെന്നും ആദിത്യനാഥ്​ വ്യക്​തമാക്കി.

ഗാസിയബാദിലെ രാംലീല മൈതാനിയിൽ നടന്ന റാലിയിൽ സംസാരിക്കുകയായിരുന്നു അദ്ദേഹം. 2017ന്​ മാർച്ചിന്​​ മുമ്പ്​ ഉത്തർപ്രദേശ്​ ക്രമസമാധാന നില തകർന്നിരിക്കുകയായിരുന്നു. ബി.ജെ.പി സർക്കാർ അധികാരത്തിലെത്തിയതിന്​ ശേഷം ഇക്കാര്യത്തിൽ പുരോഗതി ഉണ്ടാക്കാനും നിക്ഷേപം ആകർഷിക്കാനും സാധിച്ചുവെന്നും ആദിത്യനാഥ്​ പറഞ്ഞു.

അതേ സമയം, യോഗി  പ്രസംഗിച്ച ദിവസം തന്നെയാണ്​ മീററ്റിൽ ബജ്​രംദഗൾ പ്രവർത്തകർ പൊലീസ്​ സ്​റ്റേഷൻ ആക്രമിക്കുകയും നാശനഷ്​ടങ്ങൾ വരുത്തുകയും ചെയ്​തത്​.