You are here

ഗുജ​റാത്ത്​ നിലനിർത്തിയും ഹിമാചൽ പിടിച്ചെടുത്തും ബി.ജെ.പി

14:56 PM
18/12/2017
  • bjp-lucknow

അഹമ്മദാബാദ്​: പ്രവചനങ്ങളും സർവ്വേകളും ശരിവെച്ച്​ ഗുജ​റാത്തിൽ തുടർച്ചയായി ആറാം തവണയും ബി.ജെ.പി ഭരണം നിലനിർത്തി. അതോടൊപ്പം തെരഞ്ഞെടുപ്പ്​ നടന്ന ഹിമാചലിൽ കോൺഗ്രസി​നെ താഴെയിറക്കി  ബി.ജെ.പി അധികാരത്തിൽ തിരിച്ചെത്തി. ജി.എസ്​.ടിയുടേയും നോട്ട്​ അസാധുവാക്കലി​േൻറയും വിലയിരുത്തലാവുമെന്ന്​ കരുതിയ നിർണായക തെരഞ്ഞെടുപ്പിൽ ഗുജറാത്തിൽ ബി.ജെ.പി കേവല ഭൂരിപക്ഷം ​നേടിയപ്പോൾ ഹിമാചലിൽ കോൺഗ്രസിനെ നിഷ്​പ്രഭമാക്കി കാവി പാർടി അധികാരം തിരിച്ചു പിടിച്ചു. ഇതോടെ രാജ്യത്തെ 15 സംസ്ഥാനങ്ങളിൽ ഒറ്റക്കും നാലിടത്ത് മുന്നണിയായും ബി.ജെ.പി ഭരണത്തിന് കീഴിലായി. 

ഏറ്റവും ഒടുവിൽ റിപോർട്ട്​ ലഭിക്കു​​േമ്പാൾ  182 അംഗ ഗുജറാത്ത്​ നിയമ സഭയിൽ ബി.ജെ.പി 99 സീറ്റ് നേടി. അതേസമയം, രാഹുലി​​​​​െൻറ ​നേതൃത്വത്തിൽ കോൺഗ്രസ്​ ഗുജ​റാത്തിൽ മികച്ച പ്രകടനം​ കാഴ്​ചവെച്ചു. 80 സീറ്റുകളാണ് കോൺഗ്രസ് നേടിയത്. 2012ൽ കോൺഗ്രസിന്​ 61 സീറ്റാണ്​ ലഭിച്ചിരുന്നത്. പാട്ടീദാർ സമുദായത്തി​േൻറയും ഭരണ വിരുദ്ധ വികാരത്തി​േൻറയും ആനുകൂല്യം കോൺ​ഗ്രസിന്​ ലഭിച്ചിട്ടുണ്ട്​. 1985നു ശേഷം കോൺഗ്രസിന് ഗുജറാത്തിൽ ലഭിക്കുന്ന ഏറ്റവും ഉയർന്ന സീറ്റുകളാണ് ഇത്തവണത്തേത്.

പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ കാവിസഖ്യം കഠിനമായി ശ്രമിച്ചിട്ടും കഴിഞ്ഞ തവണ നേടിയ സീറ്റുകൾ നിലിനിർത്താൻ ബി.ജെ.പിക്കായില്ല. 2012ൽ 115 സീറ്റാണ്​ ബി.ജെ.പിക്ക്​ ലഭിച്ചത്​. ​ഇത്തവണ 150 സീറ്റ്​ നേടുമെന്ന ബി.ജെ.പി അധ്യക്ഷൻ അമിത്​ ഷായുടെ പ്രഖ്യാപനത്തിന്​ അടുത്തെത്താൻ ബി.ജെ.പിക്ക്​ സാധിച്ചില്ല. പാർടിയും മോദിയും കാടടച്ച പ്രചരണമാണ്​ ഇക്കുറി നടത്തിയത്​. ​31റാലികളാണ്​ ഗുജ​റാത്തിൽ പ്രധാനമന്ത്രി നടത്തിയത്​. അതേസമയം, സ്വന്തം സംസ്​ഥാനത്ത്​ പാർട്ടിയെ അധികാരത്തിൽ നിലനിർത്താനായത്​ മോദിയുടെ വിജയം തന്നെയാണ്​. സംസ്​ഥാന സർക്കാരി​​​​െൻറ നേട്ടങ്ങളേക്കാളുപരി ഗുജറാത്തി​​​​െൻറ അഭിമാനം, ഗുജ​റാത്തി 'അസ്​മിത' സംരക്ഷിക്കണമെന്നാണ്​ അദ്ദേഹം പ്രസംഗിച്ചത്​. ഇത്​ ഫലം ചെയ്​തു എന്നു വേണം കരുതാൻ. 

അതേസമയം, ദലിത്​ നേതാവും ബി.ജെ.പി വിരുദ്ധനുമായ മേവാനിയു​ടെ വിജയം ഗുജ്​റാത്തിൽ സംഘ്​പരിവാറിനേറ്റ തിരിച്ചടിയാണ്​. സൗരാഷ്​​ട്ര മേഖലയിലെ കോൺഗ്രസി​​​​െൻറ മുന്നേറ്റവും ബി.ജെ.പിയെ തളർത്തുന്നതാണ്​. പാട്ടീദാർ സമുദായത്തി​​​​​െൻറ സർക്കാർ വിരുദ്ധ നിലപാട്​ ഇവിടെ കോണഗ്രസിന്​ തുണയാവുകയായിരുന്നു. 

ഹിമാചലിൽ ശക്​തമായ ഭരണവിരുദ്ധ വികാരമാണ്​ കോൺഗ്രസിനെ തറപറ്റിച്ചത്​. അഴിമതിയും സി.ബി.​െഎ കേസുകളുമാണ്​ ബി.​ജെ.പി ഇവിടെ പ്രചരണായുധമാക്കിയത്​. കോൺഗ്രസി​​​​െൻറ മുഖ്യമന്ത്രി സ്​ഥാനാർഥി വീരഭദ്ര സിങിനും കുടുംബത്തിനുമെതിരായ അഴിമതി കേസുകൾ ഏറെ ചർച്ചചെയ്യപ്പെട്ടു​. വീരഭദ്ര സിങിനെ ജാമ്യത്തിലിറങ്ങിയ സ്​ഥാനാർഥിയെന്നാണ്​ മോദി വിശേഷിപ്പിച്ചത്​. അതേസമയം, കോൺഗ്രസിൽ നിന്ന്​ മറുകണ്ടം ചാടിയ ​ബി.​ജെ.പിയുടെ മുഖ്യമന്ത്രി സ്​ഥാനാർഥി പ്രേം കുമാർ ധുമൽ പരാജയപ്പെട്ടത്​ അവർക്ക്​ തിരിച്ചടിയായി. 68 അംഗ നിയമസഭയിൽ ബി.ജെ.പി 40ലേറെ സീറ്റുകൾ നേടുമെന്നാണ്​ കരുതുന്നത്​. 

COMMENTS