വിവാഹിതനാകാൻ പരോൾ അനുവദിക്കണമെന്ന്​ അബു സലീം

മുംബൈ: വിവാഹിതനാകാൻ താൽക്കാലിക പരോൾ അനുവദിക്കണമെന്ന്​ മുംബൈ സ്​ഫോടനക്കേസിൽ ശിക്ഷ കാത്തുകഴിയുന്ന അധോലോക തലവൻ അബു സലീം വീണ്ടും ടാഡ കോടതിയിൽ. കേസിൽ കുറ്റക്കാരെന്ന്​ കണ്ടെത്തിയിട്ടും രണ്ടുപേർക്ക്​ േബാംെബ, ഡൽഹി ഹൈകോടതികൾ വിവാഹത്തിന്​ പരോൾ നൽകിയത്​ ചൂണ്ടിക്കാട്ടിയാണ്​ അപേക്ഷ നൽകിയത്​. അപേക്ഷയിൽ കോടതി സി.ബി.െഎയുടെ നിലപാട്​ തേടി. 

2014ൽ കോടതിനടപടികൾക്കായി ഉത്തർപ്രദേശിലേക്ക്​ കൊണ്ടുപോ​കുേമ്പാൾ ട്രെയിനിൽവെച്ച്​ മുംബ്ര നിവാസിയായ പെൺകുട്ടിയുമായി സലീം വിവാഹിതനായെന്ന്​ വാർത്ത വന്നിരുന്നു. സലീമിനൊപ്പം പെൺകുട്ടിയുടെ ചിത്രവും പ്രസിദ്ധീകരിച്ചു. ഇത്​ നിഷേധിച്ച്​ സലീമും പെൺകുട്ടിയും രംഗത്തെത്തി. വാർത്തയെ തുടർന്ന്​ താൻ അപമാനിക്കപ്പെട്ടുവെന്നും മറ്റാരും ഇനി തന്നെ വിവാഹം കഴിക്കില്ലെന്നും സലീമിനെ വിവാഹം ചെയ്യാൻ അനുവദിക്കണമെന്നും ആവശ്യപ്പെട്ട്​ പെൺകുട്ടി ടാഡ കോടതിയെ സമീപിച്ചിരുന്നു. പെൺകുട്ടിക്ക്​ ആരെയും വിവാഹം ചെയ്യാമെന്ന്​ പറഞ്ഞ്​ കോടതി ഹരജി തള്ളി. 2015ൽ അബു സലീമും വിവാഹത്തിന്​ അനുമതി തേടി കോടതിയെ സമീപിച്ചിരുന്നു. ഇത്​ പരിഗണിക്കാത്തതിനാലാണ്​ വീണ്ടും അപേക്ഷ നൽകിയത്​. 

93ലെ മുംബൈ സ്​ഫോടനക്കേസിൽ കോടതി കുറ്റക്കാരനെന്ന്​ കണ്ടെത്തിയ അബു സലീമിനെതിരെ ശിക്ഷാവിധി വരാനിരിക്കെയാണ്​ വിവാഹത്തിനായി പരോളിന്​ അപേക്ഷ നൽകിയത്​. ബിൽഡർ പ്രദീപ്​ ജയിൻ കൊലക്കേസിൽ ഇദ്ദേഹത്തെ ജീവപര്യന്തം തടവിന്​ ശിക്ഷിച്ചിരുന്നു​. 2005ലാണ്​ അബു സലീമിനെയും  മുൻ നടി മോണിക്ക ബേദിയെയും പോർചുഗീസ്​ ഇന്ത്യക്ക്​ കൈമാറിയത്​.