സേവനങ്ങളുമായി ആധാർ ബന്ധിപ്പിക്കുന്നത്​ ക്രിമിനൽ കുറ്റമാക്കണമെന്ന്​ സ്​നോഡൻ

ന്യൂഡൽഹി: ഇന്ത്യയിൽ വിവിധ സേവനങ്ങൾ ആധാറുമായി ബന്ധിപ്പിക്കുന്നതിനെ ക്രിമിനൽ കുറ്റമാക്കണമെന്ന്​ മുൻ സി.ഐ.എ ഉദ്യോഗസ്ഥനും കംപ്യൂട്ടർ വിദഗ്ധനുമായ എഡ്വേര്‍ഡ് സ്‌നോഡന്‍. ട്വിറ്ററിലാണ്​ സ്​നോഡ​​​െൻറ പ്രതികരണം. സേവനങ്ങൾക്കുള്ള അനുചിതമായ വഴിയാണ്​ ആധാർ എന്നായിരുന്നു സ്​നോഡ​​​െൻറ ട്വീറ്റ്​. 

ഇന്ത്യൻ ചാര സംഘടന ‘റോ’യുടെ മുൻ ​മേധാവിയായിരുന്ന കെ.സി വർമയുടെ ഒാൺലൈൺ ലേഖനവുമായി ബന്ധപ്പെട്ടാണ്​​​ സ്​നോഡ​​​െൻറ പ്രതികരണം. ‘മുൻ ഇൻറലിജൻസ്​ മേധാവികളും ഞാനും പറഞ്ഞിരുന്ന കാര്യം ഇന്ത്യയുടെ റോ ഉദ്യോഗസ്​ഥനും അംഗീകരിച്ചിരിക്കുന്നു. ആധാർ, ബാങ്കുകളും ടെലികോമുകളുമടക്കമുള്ളവർ ചൂഷണം ചെയ്യുകയാണെന്നും എല്ലാ സേവനങ്ങളും ആധാറുമായി ബന്ധിപ്പിക്കാൻ ജനങ്ങളെ നിർബന്ധിതരാക്കുന്നത്​ ക്രിമിനൽ കുറ്റമാണെന്നും’ മുൻ റോ ഉദ്യോഗസ്​ഥൻ പറയുന്നതായാണ്​ സ്​നോഡ​​​െൻറ ട്വീറ്റ്​.

Rarely do former intel chiefs and I agree, but the head of India's RAW writes #Aadhaar is being abused by banks, telcos, and transport not to police entitlements, but as a proxy for identity–an improper gate to service. Such demands must be criminalized. https://t.co/rRSn42XLlQ

— Edward Snowden (@Snowden) January 21, 2018

That might be true if banks, landlords, hospitals, schools, telephone & internet companies were prohibited by law from asking for your #Aadhaar number. But any Indian can tell you they're asked for their number by non-government entities––and those companies have databases too. https://t.co/WsKC9wR6sj

— Edward Snowden (@Snowden) January 21, 2018

ആധാറുമായി ബന്ധപ്പെട്ട സ്​നോഡ​​​െൻറ ഇൗ മാസത്തെ മൂന്നാമത്തെ ട്വീറ്റാണിത്​. 500 രൂപ നല്‍കിയാല്‍ ആധാര്‍ വിവരങ്ങള്‍ ചോര്‍ത്തിക്കിട്ടുമെന്ന വാര്‍ത്ത പുറത്തുകൊണ്ടുവന്ന പത്രപ്രവര്‍ത്തകക്ക്​ അവാര്‍ഡ് നൽകണമെന്ന്​ സ്​നോഡൻ മുമ്പ്​ ട്വീറ്റ്​ ചെയ്​തിരുന്നു. ട്രിബ്യൂണ്‍ ദിനപത്രമായിരുന്നു അന്വേഷണാത്മക വാർത്ത റിപ്പോര്‍ട്ട് ചെയ്തത്.

സർക്കാർ നീതിയിൽ ഉത്‌കണ്‌ഠാകുലരാണെങ്കിൽ , ദശലക്ഷകണക്കിന്​ ഇന്ത്യൻ പൗരൻമാരുടെ സ്വകാര്യ വിവരങ്ങൾ ചോരുന്ന ഇൗ നയത്തിൽ മാറ്റം വരുത്തണം. അതിന്​ ഉത്തരവാദികളായവരെ അറസ്​റ്റു ചെയ്യണം. അവരെ യു.ഐ.ഡി.എ.ഐ എന്ന്​ വിളിക്കാമെന്നുമായിരുന്നു സ്​നോഡ​​​െൻറ  ട്വീറ്റ്​.