സുരക്ഷ സേനയുമായുള്ള ഏറ്റുമുട്ടലിൽ ഏഴ്​ നക്​സലുകൾ കൊല്ലപ്പെട്ടു

റായ്​പൂർ: ചത്തീസ്​ഘഢിൽ സുരക്ഷ സേനയുമായുള്ള ഏറ്റമുട്ടലിൽ ഏഴ്​ നക്​സലുകൾ കൊല്ലപ്പെട്ടു. നാരായണപൂർ ജില്ലയിലെ ​പുഷ്​പാൽ ഗ്രാമത്തിലാണ്​ നക്​സലുകൾക്ക്​ നേരെ സു​രക്ഷസേന വെടിയുതിർത്തതെന്ന്​ സ്​പെഷ്യൽ ഡയറക്​ടർ ജനറൽ ഒാഫ്​ പൊലീസ്​ ഡി.എം.അശ്വതി പറഞ്ഞു.  

ഇന്ന്​ രാവിലെ ചത്തീസ്​ഘഢിലെ രണ്ട്​ ജില്ലകളിൽ സുരക്ഷ സേന സംയുക്​തമായി നക്​സലുകൾക്കായി തിരച്ചിൽ നടത്തിയിരുന്നു. പരിശോധനക്കിടെ പുഷ്​പാൽ ഗ്രാമത്തിൽ നിന്ന്​ നക്​സലുകൾ സു​രക്ഷ സേനക്ക്​ നേരെ വെടിയുതിർക്കുകയുമായിരുന്നു. സുരക്ഷ സേനയുടെ പ്രത്യാക്രമണത്തിലാണ്​ ഏഴ്​ നക്​സലുകൾ കൊല്ലപ്പെട്ടത്​.