MARKET RATES
pavan 19, 720.00
gram 2,465.00
സ്വര്‍ണ ഇറക്കുമതി നിയന്ത്രണത്തില്‍ ഇളവ്

മുംബൈ: കുതിച്ചുയര്‍ന്ന വിദേശ വ്യാപാര കമ്മി നിയന്ത്രിക്കുന്നതിന് കഴിഞ്ഞ വര്‍ഷം ഏര്‍പ്പെടുത്തിയ നിയന്ത്രണങ്ങളില്‍ ഒന്ന് കേന്ദ്ര സര്‍ക്കാര്‍ പിന്‍വലിച്ചു. ഇന്ത്യയിലേക്ക് ഇറക്കുമതി ചെയ്യുന്ന സ്വര്‍ണത്തില്‍ 20 ശതമാനമെങ്കിലും ആഭരണമാക്കിയ ശേഷം കയറ്റുമതി ചെയ്യണമെന്ന ചട്ടമാണ് പിന്‍വലിച്ചത്. ഈ നിയന്ത്രണങ്ങള്‍ ഏര്‍പ്പെടുത്തിയതിനെ തുടര്‍ന്ന് ഇന്ത്യയിലേക്കുള്ള സ്വര്‍ണ കള്ളക്കടത്ത് ഭീമമായി വര്‍ധിച്ചിരുന്നു.
ലോകത്ത് ഏറ്റവും അധികം സ്വര്‍ണാഭരണങ്ങള്‍ വിറ്റഴിക്കപ്പെടുന്ന രാജ്യമാണ് ഇന്ത്യ. അതുകൊണ്ടുതന്നെ ഇറക്കുമതി ചെയ്യുന്ന സ്വര്‍ണത്തില്‍ 20 ശതമാനം കയറ്റുമതി ചെയ്യണമെന്ന ചട്ടം പിന്‍വലിക്കാന്‍ കനത്ത സമ്മര്‍ദവും സര്‍ക്കാറിനുമേലുണ്ടായിരുന്നു.
 

CURRENCYCONVERTER
Source: ExchangeRates.org.uk
ഇന്ത്യന്‍ ഓഹരി വിപണിയില്‍ റെക്കോഡ് നേട്ടം

മുംബൈ: വാരാരംഭത്തില്‍ ഇന്ത്യന്‍ ഓഹരി വിപണിയില്‍ റെക്കോഡ് നേട്ടം. ബോംബെ സൂചികയായ സെന്‍സെക്സ് 148.98 പോയന്‍റ് ഉയര്‍ന്ന് 28,483.61 പോയന്‍റിലെത്തി. 0.53 ശതമാനം ഉയര്‍ച്ചയാണ് രേഖപ്പെടുത്തിയത്.

ദേശീയ സൂചിക നിഫ്റ്റി 50.40 പോയന്‍റ് ഉയര്‍ന്നാണ് റെക്കോഡിട്ടത്. 8,527.75 പോയന്‍റിലാണ് വ്യാപാരം പുരോഗമിക്കുന്നത്. ചരിത്രത്തില്‍ ആദ്യമായി നിഫ്റ്റി 8,500 പോയന്‍റിന് മുകളിലെ ത്തി.

ആഗോള വിപണിയിലെ മുന്നേറ്റവും ഏഷ്യന്‍ വിപണികളിലുണ്ടായ കുതിപ്പുമാണ് ഇന്ത്യന്‍ ഓഹരി വിപണിലെ ഉയര്‍ച്ചക്ക് വഴിവെച്ചത്. പാര്‍ലമെന്‍റ് ശീതകാല സമ്മേളനത്തില്‍ സാമ്പത്തിക പരിഷ്കരണ പ്രഖ്യാപനങ്ങള്‍ ഉണ്ടാകുമെന്ന വിലയിരുത്തലും വിപണിയിലെ കയറ്റത്തിന് കാരണമായി.

ജിന്‍ഡാല്‍ സ്റ്റീല്‍, മണിവെല്‍ ഓട്ടോ, എം.ടി.എന്‍.എല്‍, ഗാത്തി, ജെ.കെ ടെയേഴ്സ് ആന്‍ഡ് ഇന്‍ഡസ്ട്രീസ് തുടങ്ങിയ കമ്പനികള്‍ നേട്ടം കൊയ്തു. സ്പൈസ് ജെറ്റ്, ഡി.സി.എം ശ്രീറാം, എസാര്‍ ഓയില്‍, സി. മഹേന്ദ്ര എക്സ് തുടങ്ങിയവ നഷ്ടത്തില്‍

വരുന്നു, ശരീഅ മ്യൂച്വല്‍ ഫണ്ട്

ന്യൂഡല്‍ഹി: രാജ്യത്ത് ആദ്യമായി സര്‍ക്കാറിനു കീഴിലുള്ള ധനകാര്യ സ്ഥാപനം ശരീഅ ഇക്വിറ്റി ഫണ്ട് സമാഹരിക്കാന്‍ തീരുമാനിച്ചതോടെ ഇന്ത്യ ഒൗദ്യോഗികമായി പലിശരഹിത ഇസ്ലാമിക് ഫിനാന്‍സിലേക്ക്. സര്‍ക്കാറിനു കീഴിലുള്ള രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യയാണ് എസ്.ബി.ഐ ശരീഅ ഇക്വിറ്റി ഫണ്ട് എന്ന പേരില്‍ പ്രത്യേക മ്യൂച്വല്‍ ഫണ്ടിന് തുടക്കം കുറിച്ചത്.

ഇസ്ലാമിക ശരീഅത്തിന്‍െറ അടിസ്ഥാനത്തില്‍ നിക്ഷേപം ആഗ്രഹിക്കുന്നവരെ ലക്ഷ്യമിട്ട് ഡിസംബര്‍ ഒന്നിനാണ് ആദ്യമായി എസ്.ബി.ഐ ഒരു ഇസ്ലാമിക് ഫിനാന്‍സ് ഉല്‍പന്നം ഓഹരി വിപണിയിലിറക്കുന്നത്. ഇന്ത്യന്‍ ഓഹരി വിപണി നിയന്ത്രിക്കുന്ന കേന്ദ്ര സര്‍ക്കാര്‍ ഏജന്‍സിയായ സെക്യൂരിറ്റീസ് ആന്‍ഡ് എക്സ്ചേഞ്ച് ബോര്‍ഡ് ഓഫ് ഇന്ത്യ(സെബി)യുടെ അംഗീകാരത്തോടെയാണ് എസ്.ബി.ഐയുടെ ചുവടുവെപ്പ്. ഡിസംബര്‍ ഒന്നിന് ഇന്ത്യന്‍ ഓഹരി വിപണിയിലിറക്കുന്ന ശരീഅ ഇക്വിറ്റി ഫണ്ട് ഡിസംബര്‍ 15ന് ക്ളോസ് ചെയ്യും. തുടര്‍ന്ന്  ഡിസംബര്‍ 26 മുതല്‍ വീണ്ടും ശരീഅ ഇക്വിറ്റി ഫണ്ടില്‍ നിക്ഷേപം സ്വീകരിച്ചുതുടങ്ങുമെന്ന് എസ്.ബി.ഐ അറിയിച്ചു.

ശരീഅ അടിസ്ഥാനമാക്കി നിക്ഷേപമിറക്കുന്നവര്‍ക്ക് മാത്രമല്ല, സാമൂഹിക തിന്മകളില്ലാത്ത നിക്ഷേപങ്ങളില്‍ പണമിറക്കാന്‍ ആഗ്രഹിക്കുന്ന മറ്റു ദീര്‍ഘകാല നിക്ഷേപകര്‍ക്കും അനുയോജ്യമാണ് ശരീഅ ഇക്വിറ്റി ഫണ്ട് എന്ന് എസ്.ബി.ഐ വ്യക്തമാക്കി. ഈ നിക്ഷേപം ഹൈ റിസ്ക് ഗണത്തിലാണ് സ്റ്റേറ്റ് ബാങ്ക് ഉള്‍പ്പെടുത്തിയിട്ടുള്ളത്. സാധാരണ മ്യൂച്വല്‍ ഫണ്ടുകളുടെ കാര്യത്തിലെന്ന പോലെ നിക്ഷേപകര്‍ തങ്ങളുടെ ധനകാര്യ ഉപദേശകരുമായി കൂടിയാലോചിച്ചാണ് നിക്ഷേപം ഇറക്കേണ്ടതെന്നും എസ്.ബി.ഐ ഉപദേശിച്ചു. പൊതുജനങ്ങളില്‍ നിന്ന് നിക്ഷേപങ്ങള്‍ സമാഹരിച്ച് ഓഹരി വിപണിയിലിറക്കാന്‍ സ്റ്റേറ്റ് ബാങ്ക് ഓഫ് ഇന്ത്യ രൂപവത്കരിച്ച എസ്.ബി.ഐ ഫണ്ട് മാനേജ്മെന്‍റ് പ്രൈവറ്റ് ലിമിറ്റഡ് ആയിരിക്കും  നിക്ഷേപങ്ങള്‍ കൈകാര്യം ചെയ്യുക.

സമാഹരിക്കുന്ന നിക്ഷേപം ഇന്ത്യന്‍ ശരീഅ ബോര്‍ഡിന്‍െറ അംഗീകാരമുള്ള കമ്പനികളിലായിരിക്കും നിക്ഷേപിക്കുക. ഏത് കമ്പനിയാണ് ശരീഅ നിയമങ്ങള്‍ക്ക് അനുസൃതമായി നിക്ഷേപിക്കുന്നതെന്ന് സാക്ഷ്യപ്പെടുത്താന്‍ ഇസ്ലാമിക പണ്ഡിതര്‍ അടങ്ങുന്ന ശരീഅ ബോര്‍ഡ് ഫത്വ പുറപ്പെടുവിക്കും. നിക്ഷേപങ്ങള്‍ ശരീഅ നിയമങ്ങള്‍ അംഗീകരിക്കുന്നുണ്ടോ എന്ന് നിരീക്ഷിക്കാനും അന്താരാഷ്ട്ര മാനദണ്ഡങ്ങള്‍ അവലംബിക്കും. അഖിലേന്ത്യാ മുസ്ലിം വ്യക്തി നിയമ ബോര്‍ഡ് സെക്രട്ടറിയും ഇസ്ലാമിക് ഫിഖ്ഹ് അക്കാദമി സെക്രട്ടറി ജനറലുമായ മൗലാന ഖാലിഖ് സൈഫുല്ലാ റഹ്മാനി, ബംഗളൂരുവിലെ ജാമിഅ ഇസ്ലാമിയ മസീഹുല്‍ ഉലൂം റെക്ടര്‍  മുഫ്തി മുഹമ്മദ് ശുഐബുല്ലാ ഖാന്‍ എന്നിവരാണ് നിലവില്‍ ഇന്ത്യന്‍ ശരീഅ ബോര്‍ഡിന്‍െറ ഫത്വ നല്‍കുക. ഡയറക്ട് പ്ളാന്‍, റെഗുലര്‍ പ്ളാന്‍ എന്നീ പേരുകളില്‍ രണ്ട് പദ്ധതികള്‍ ഫണ്ടിന് കീഴിലുണ്ടാകും. രണ്ട് പദ്ധതികളും മൂലധനവര്‍ധനയും ലാഭവിഹിതവും വാഗ്ദാനം ചെയ്യുന്നുണ്ട്.

ഇന്ത്യന്‍ ഇ^കൊമേഴ്സ് വിപണിയിലേക്ക് ആലിബാബയും?

മുംബൈ: രാജ്യാന്തര ഇ^കൊമേഴ്സ് ഭീമനായ ആമസോണിന് പിറകെ ചൈനീസ് കമ്പനിയായ ആലിബാബയും ഇന്ത്യയില്‍ ബിസിനസ് വ്യാപിപ്പിക്കാന്‍ ഒരുങ്ങുന്നു. അടുത്തകാലത്ത് 2,500 കോടി ഡോളറിന്‍െറ പ്രഥമ ഓഹരി വില്‍പ്പനയുമായി ന്യൂയോര്‍ക്ക് സ്റ്റോക്ക് എക്സ്ചേഞ്ചില്‍ ലിസ്റ്റ് ചെയ്ത് വാര്‍ത്തകളില്‍ ഇടം നേടിയ ആലിബാബയുടെ സി.ഇ.ഒ ജാക് മാ ഇതു സംബന്ധിച്ച് സൂചന നല്‍കുകയും ചെയ്തു. 100 അംഗ ചൈനീസ് ബിസിനസ് പ്രതിനിധി സംഘത്തോടൊപ്പം ഇന്ത്യാ സന്ദര്‍ശനത്തിനത്തെിയതായിരുന്നു ജാക് മാ.

ആഗോള തലത്തില്‍ ബിസിനസ് വ്യാപിപ്പിക്കുന്നതിനാവും വരും വര്‍ഷങ്ങളില്‍ ആലിബാബ പ്രാമുഖ്യം നല്‍കുകയെന്ന മാ പറഞ്ഞു. ഇന്ത്യാ^ചൈന ബിസിനസ് ബന്ധങ്ങള്‍ വ്യാപിപ്പിക്കുന്നതിന് ഉചിതമായ സമയമാണ് ഇതെന്നും അദ്ദേഹം പറഞ്ഞു. ഇന്ത്യയില്‍ കൂടുതല്‍ നിക്ഷേപങ്ങള്‍ നടത്താന്‍ താല്‍പ്പര്യമുണ്ടെന്നും മാ പറഞ്ഞു.

നിലവില്‍ ഇന്ത്യയിലെ ഉത്പാദകരില്‍ നിന്ന് ഉല്‍പ്പന്നങ്ങള്‍ വാങ്ങുക മാത്രമാണ് ആലിബാബ ചെയ്യുന്നത്. ചൈനയിലെ ഉത്പാദകര്‍ കഴിഞ്ഞാല്‍ ഏറ്റവും അധികം ഉല്‍പ്പന്നങ്ങള്‍ ആലിബാബ വാങ്ങുന്നതും ഇന്ത്യയിലെ നിര്‍മാതാക്കളില്‍ നിന്നാണ്. നാലു ലക്ഷത്തോളം ചൈനാക്കാര്‍ ആലിബാബയുടെ പ്ളാറ്റ്ഫോം വഴി ഇന്ത്യയില്‍ നിന്ന് തേയില, ചോക്ളേറ്റ് തുടങ്ങിയ ഉല്‍പ്പന്നങ്ങള്‍ വാങ്ങുന്നുണ്ടെന്നാണ് കണക്ക്.

അതിനിടെ ഇന്ത്യയില്‍ ബിസിനസ് വ്യാപിപ്പിക്കുന്നതിന്‍െറ ഭാഗമായി ആലിബാബ ഇന്ത്യന്‍ കമ്പനിയായ സ്നാപ് ഡീലിനെ ഏറ്റെടുക്കുമെന്നും ഇപ്പോഴത്തെ ഇന്ത്യാ സന്ദര്‍ശനത്തില്‍ ഇതു സംബന്ധിച്ച ചര്‍ച്ചകള്‍ നടക്കുമെന്നും പറഞ്ഞിരുന്നു. എന്നാല്‍ ഇത്തരത്തില്‍ കൂടിക്കാഴ്ച്ച ഉണ്ടായിട്ടില്ളെന്ന് സ്നാപ്ഡീല്‍ വ്യത്തങ്ങള്‍ അറിയിച്ചു. സന്ദര്‍ശനത്തിനിടെ ചൈനീസ് പ്രതിനിധി സംഘം ഇന്ത്യയിലെ സ്ഥാപനങ്ങളുമായി 240 കോടി ഡോളറിന്‍െറ വാണിജ്യകരാറുകള്‍ ഒപ്പുവെച്ചു.