MARKET RATES
pavan 20,240.00
gram 2,530.00
സൂചികകള്‍ താഴ്ന്നു

മുംബൈ: ലാഭമെടുപ്പിനെ തുടര്‍ന്ന് ഓഹരി സൂചികകള്‍ താഴ്ന്നു. ബി.എസ്.ഇ സെന്‍സെക്സ് 62.52 പോയന്‍റ് താഴ്ന്ന് 26,567.99ലാണ് വ്യാപാരം അവസാനിച്ചത്. എന്‍.എസ്.ഇ നിഫ്റ്റി 19.25 പോയന്‍റ് താഴ്ന്ന് 7,945.55ല്‍ വ്യാപാരം അവസാനിപ്പിച്ചു. ലാഭമെടുപ്പും വരും ദിവസങ്ങളില്‍ അവധിയാണെന്നതും വിപണിക്ക് തിരിച്ചടിയായി. ഇനി അടുത്ത ചൊവ്വാഴ്ചയാണ് വിപണി പ്രവര്‍ത്തിക്കുക. സെന്‍സെക്സിലെ 20 ഓഹരികളും നഷ്ടത്തിലാണ് അവസാനിച്ചത്. ആര്‍.ഐ.എല്‍, ഒ.എന്‍.ജി.സി, ഗെയില്‍ എന്നിവയായിരുന്നു നഷ്ടത്തില്‍ മുന്നില്‍. ടി.സി.എസ്, വിപ്രോ, ഹീറോ മോട്ടോര്‍ കോര്‍പ്സ് എന്നിവ ഉയര്‍ന്നു.

CURRENCYCONVERTER
Source: ExchangeRates.org.uk
ബി.എസ്.ഇ: ഓഹരികളുടെ വിപണിമൂല്യം 100 ലക്ഷം കോടി

ന്യൂഡല്‍ഹി: ബോംബെ ഓഹരിസൂചികയിലെ (ബി.എസ്.ഇ) ഓഹരികളുടെ മൊത്തം വിപണിമൂല്യം 100 ലക്ഷം കോടിയെന്ന നാഴികക്കല്ലിലേക്കടുക്കുന്നു. ബി.എസ്.ഇയില്‍ ലിസ്റ്റ് ചെയ്ത കമ്പനികളുടെ നിലവിലെ ഓഹരിമൂല്യം 96,25,517 കോടി രൂപയാണ്. ഈ വര്‍ഷമിതുവരെ സെന്‍സെക്സ് (ബോംബെ ഓഹരി സൂചിക) 5,890.36 പോയന്‍റ് നേട്ടമാണുണ്ടാക്കിയത് -27.82 ശതമാനം. ഇത് നിക്ഷേപകര്‍ക്ക് ഗുണം ചെയ്തു. ടി.സി.എസ്, ഒ.എന്‍.ജി.സി, ആര്‍.ഐ.എല്‍, ഐ.ടി.സി, കോള്‍ ഇന്ത്യ, ഇന്‍ഫോസിസ്, എച്.ഡി.എഫ്.സി ബാങ്ക്, എസ്.ബി.ഐ, ഐ.സി.ഐ.സി.ഐ ബാങ്ക്, സണ്‍ ഫാര്‍മ, ഭാരതി എയര്‍ടെല്‍, എച്.ഡി.എഫ്.സി, വിപ്രോ, ടാറ്റാ മോട്ടേഴ്സ് തുടങ്ങിയവയാണ് ഓഹരിമൂല്യം ലക്ഷം കോടിയിലേറെയുള്ള ബ്ളൂചിപ് ഓഹരികള്‍. ഇവയില്‍ മുന്നില്‍നില്‍ക്കുന്നത് ടി.സി.എസും.
 

കാമ്പസ് സെലക്ഷന്‍: ഗൂഗ്ള്‍ വാഗ്ദാനം ചെയ്തത് 1.4 കോടി

ജയ്പൂര്‍: രാജസ്ഥാനിലെ പിലാനിയില്‍ സ്ഥിതിചെയ്യുന്ന ബിര്‍ല ഇന്‍സ്റ്റിറ്റ്യൂട്ട് ഓഫ് ടെക്നോളജി ആന്‍ഡ് സയന്‍സിന്‍െറ (ബി.ഐ.ടി.എസ്) കാമ്പസില്‍നിന്ന് ഉദ്യോഗാര്‍ഥികളെ തെരഞ്ഞെടുത്ത ഗൂഗ്ള്‍ പ്രതിവര്‍ഷം ഒരു കോടി നാല്‍പതു ലക്ഷം രൂപ ശമ്പളം വാഗ്ദാനം ചെയ്തു. കഴിഞ്ഞ വര്‍ഷം ഫേസ്ബുക് ബിറ്റ്സിലെ ഒരു വിദ്യാര്‍ഥിക്ക് 1.44  കോടി രൂപ ശമ്പളം വാഗ്ദാനം ചെയ്തിരുന്നു.
ആഗസ്റ്റ് 18നാണ് ഗൂഗ്ള്‍ ഉദ്യോഗാര്‍ഥികളെ തെരഞ്ഞെടുക്കുന്നതിന്‍െറ ആദ്യഘട്ടം പൂര്‍ത്തിയാക്കിയത്.

സ്പൈസ് ജെറ്റ് രണ്ടാം സ്ഥാനത്തേക്ക്

ന്യൂഡല്‍ഹി: ഇന്ത്യയിലെ സ്വകാര്യ വിമാന കമ്പനികളില്‍ വിപണി പങ്കാളിത്തത്തിന്‍െറ കാര്യത്തില്‍ സ്പൈസ് ജെറ്റ് രണ്ടാം സ്ഥാനത്ത്. ജെറ്റ് എയര്‍വേസിനെ പന്തള്ളിയാണ് സ്പൈസ് രണ്ടാം സ്ഥാനത്തെത്തിയത്. വിവരം പുറത്തുവന്നതിനെ തുടര്‍ന്ന് സ്പൈസ് ജെറ്റ് ലിമിറ്റഡിന്‍െറ ഓഹരി വില അഞ്ചു ശതമാനത്തോളം ഉയര്‍ന്നു.

ജൂലൈ മാസത്തെ കണക്കുകള്‍ പ്രകാരം സ്പൈസ് ജെറ്റിന് 20.9 ശതമാനം വിപണി പങ്കാളിത്തമാണുള്ളത്. ജൂണില്‍ ഇത് 19 ശതമാനമായിരുന്നു. അതേസമയം ജെറ്റ് എയര്‍വേയ്സിന്‍െറ വിപണി പങ്കാളിത്തം മുന്‍ മാസത്തെ 19.6 ശതമാനത്തില്‍ തന്നെ തുടരുകയും ചെയ്തു.

30.7 ശതമാനം വിപണി പങ്കാളിത്തമുള്ള ഇന്‍ഡിഗോ ആണ് ഇപ്പോഴും ഒന്നാം സ്ഥാനത്ത്. അതേസമയം ജൂണില്‍ ഇന്‍ഡിഗോയ്ക്ക് 31.7 ശതമാനം വിപണി പങ്കാളിത്തമുണ്ടായിരുന്നു.