കിതച്ചും കുതിച്ചും വാഹന വിപണി

ഇന്ത്യൻ വാഹന വിപണിയെ സംബന്ധിച്ചിടത്തോളം സംഭവ ബഹുലമായിരുന്നു 2017. ജി.എസ്​.ടി, ബി.എസ്​-3 പോലുള്ള കേന്ദ്ര സർക്കാർ നയങ്ങൾ മറ്റു​ മേഖലകളെ പോലെ വാഹന വിപണിയെയും സ്വാധീനിച്ചു. ഇതിനൊപ്പം പരിസ്ഥിതി സൗഹാർദ വാഹനങ്ങളെ സംബന്ധിച്ച ചർച്ചകൾ കൂടുതൽ സജീവമായി. പ്രമുഖ വാഹന നിർമാതാക്കളെല്ലാം ഇലക്​ട്രിക്​ വാഹനങ്ങളെ കുറിച്ച്​ ചിന്തിച്ചു തുടങ്ങിയതും ഇൗ വർഷത്തി​​െൻറ പ്രത്യേകതയാണ്​. എസ്​.യു.വി, എം.യു.വി പ്രേമം വിപണിക്ക്​ ഇത്തവണ കലശലായിരുന്നു. 

ബി.എസ്​-3 വാഹനങ്ങളുടെ നിരോധനം
2017 മാർച്ച്​ മുതൽ ബി.എസ്​​-3 വാഹനങ്ങളുടെ നിർമാണവും വിൽപനയും നിർത്തിവെച്ചതായിരുന്നു കഴിഞ്ഞ വർഷ​ത്തെ പ്രധാന സംഭവങ്ങളിലൊന്ന്​. ബി.എസ്​-3യിൽ നിന്ന്​ ബി.എസ്​-6ലേക്ക്​ ചുവടുമാറ്റുന്നതി​​െൻറ ഭാഗമായായിരുന്നു നിരോധനം. തീരുമാനം വിപണിക്ക്​ 12,000 കോടി രൂപയുടെ നഷ്​ടമുണ്ടാക്കിയെന്ന്​ കണക്കുകൾ പറയുന്നു. വൻ വിലക്കിഴിവിൽ ബി.എസ്​-3 വാഹനങ്ങൾ വിറ്റഴിച്ചതും കഴിഞ്ഞ വർഷം വാർത്തകളിൽ ഇടം നേടിയ സംഭവമാണ്​​. 

ജി.എസ്​.ടിയും വാഹന വിപണിയെയും സ്വാധീനിച്ചു
എകീകൃത നികുതിയായ ജി.എസ്​.ടി വാഹന വിപണിയിലും കാര്യമായ ചലനങ്ങൾ ചെലുത്തി. ഹൈബ്രിഡ്​ കാറുകൾക്ക്​ നൽകിയിരുന്ന പ്രത്യേക ഇളവ്​ ജി.എസ്​.ടിയിൽ ഇല്ലാതാക്കി. ഇത്​ പരിസ്ഥിതി സൗഹാർദ വാഹനങ്ങൾ പുറത്തിറക്കുന്നതിന്​ ചെറിയ പ്രതിസന്ധി സൃഷ്​ടിച്ചു. ആഡംബര വാഹനങ്ങൾക്കും എസ്​.യു.വികൾക്കും ജി.എസ്​.ടി പ്രകാരം ആദ്യം നികുതി കുറവായിരുന്നു. ഇതിൽ വിമർശനങ്ങളുയർന്നപ്പോൾ അധിക സെസ്​ ഏർപ്പെടുത്താൻ കേന്ദ്രസർക്കാർ നിർബന്ധിതമായി. ജി.എസ്​.ടി കാര്യമായ പ്രതിസന്ധി ഉണ്ടാക്കിയില്ലെങ്കിലും നിരക്കുകൾ ഇടക്കിടക്ക്​ മാറിയത്​ വിപണിക്ക്​ ചെറിയ തിരിച്ചടി നൽകി.

വിപണിക്ക്​ പ്രിയം വലിയ കാറുകളോട്​
എസ്​.യു.വികളോടും എം.യു.വികളോട്​ വാഹന വിപണിക്ക്​ പ്രിയമേറുന്നുവെന്ന്​ സൂചിപ്പിച്ചാണ്​ 2017 കടന്നു പോകുന്നത്​. സെഗ്​മ​െൻറിൽ ഒരു പറ്റം പുതിയ താരങ്ങളാണ്​ വിപണിയി​ലെത്തിയത്​. ജീപ്പി​​െൻറ കോംപസ്​, സ്​കോഡ കോഡിയാക്​, റെനോ ക്യാപ്​ചർ, ടാറ്റ നെക്​സോൺ തുടങ്ങിയ നിരവധി എസ്​.യു.വികളും എം.യു.വികളും ഇൗ വർഷം വിപണിയിലെത്തി. അമേരിക്കൻ വാഹന നിർമാതാക്കളുടെ ജീപ്പി​​െൻറ ആദ്യ എസ്​.യു.വി കോംപസ്​ വില കൊണ്ടും ഡിസൈൻ മികവിനാലും ആരാധകരെ അമ്പരപ്പിച്ചു. സെഗ്​മ​െൻറിൽ പുറത്തിറങ്ങിയ മറ്റ്​ വാഹനങ്ങളുടെ വിൽപനയും തെളിയിക്കുന്നത്​ വിപണിക്ക്​ വലിയ കാറുകളോടുള്ള പ്രിയം തന്നെയാണ്​.

വാർത്തകളിലിടം സ്വിഫ്​റ്റിനും ഡിസയറിനും
മാരുതിയുടെ രണ്ട്​ കാറുകളാണ്​ കഴിഞ്ഞ വർഷം വാർത്തകളിലിടം പിടിച്ചത്​. 2017ൽ പുറത്തിറങ്ങിയ മാരുതി ഡിസയറും ഇനി പുറത്തിറങ്ങാനിരിക്കുന്ന സ്വിഫ്​റ്റും. ഏറെ കാലത്തെ അഭ്യൂഹങ്ങൾക്ക്​ ശേഷമായിരുന്നു ഡിസയറി​​െൻറ ഇന്ത്യൻ അരങ്ങേറ്റം. മാരുതി കാറുകളെ പൊതുവിൽ ഇരുകൈയും നീട്ടി സ്വീകരിക്കുന്ന ഇന്ത്യൻ വിപണി ഡിസയറിനെയും സ്വാഗതം ചെയ്​തു. ജപ്പാനീസ്​ വിപണിയിൽ പുറത്തിറങ്ങിയ സ്വിഫ്​റ്റ്​ ഇന്ത്യയിൽ എപ്പോഴെത്തുമെന്ന പ്രവചനങ്ങളാണ്​ കഴിഞ്ഞ വർഷം നില നിന്നിരുന്ന മറ്റൊരു പ്രധാന സംഭവം. വർഷാവസാനത്തിൽ രണ്ടാം തലമുറ സ്വിഫ്​റ്റ്​ ഇന്ത്യൻ വിപണിയിൽ നിന്ന്​ പിൻവാങ്ങുന്നതിനും വാഹന വിപണി സാക്ഷിയായി.

വിപണിയെ നയിക്കുക ഇലക്​ട്രിക്​ വാഹനങ്ങൾ
പരിസ്ഥിതി മലിനീകരണം സകല സീമങ്ങളും ലംഘിച്ച്​ മുന്നേറു​േമ്പാൾ ഭാവിയിൽ താരങ്ങളാവുക ഇലക്​​ട്രിക്​ വാഹനങ്ങളാണെന്ന സൂചനയും 2017 നൽകുന്നുണ്ട്​.  വോൾവോ അടക്കമുള്ള വാഹന നിർമാതാക്കളും വൈകാതെ തന്നെ ഇലക്​ട്രിക്കാവാനുള്ള ഒരുക്കത്തിലാണ്​. 2018ലെ ഡൽഹി ഒാ​േട്ടാ എക്​സ്​പോയിൽ ഒരുപറ്റം ഇലക്​ട്രിക്​ വാഹനങ്ങളാണ്​ വിപണി കീഴടക്കാൻ എത്തുന്നത്​.