മുഖം മിനുക്കുന്ന ഡസ്​റ്ററും എക്കോസ്​പോർട്ടും

ടി. ഷബീർ
22:54 PM
17/09/2017
Duster-vs-Ecosport

ഇന്ത്യയുടെ പ്രിയ എസ്​.യു.വികളിൽ മുമ്പന്മാരായ റെനോ ഡസ്​റ്ററും ഫോർഡ്​ എക്കോ സ്​പോർട്ടും മാറ്റത്തി​​െൻറ പാതയിലാണ്​. കുഞ്ഞൻ എസ്​.യു.വികളിൽ സമ്പൂർണനെന്ന്​ അറിയപ്പെടുന്ന ഡസ്​റ്റർ രൂപത്തിലും ഭാവത്തിലും മാറുകയാണ്​. എസ്​.യു.വികൾക്ക്​ ചേർന്ന രൂപമാണെങ്കില​ും ഡസ്​റ്റർ ആധുനികനല്ലെന്ന പരാതി വ്യാപകമാണ്​. പ്രത്യേകിച്ചും അകത്തളത്തിലെ ആഡംബരക്കുറവ്​ ഉപഭോക്​താക്കളെ അകറ്റുന്നുണ്ട്​. കുഞ്ഞൻ കാറുകളിൽ​പോലും തൊട്ട്​ പ്രവർത്തിപ്പിക്കാവുന്ന സംവിധാനങ്ങൾ വരുന്ന പുതിയകാലത്ത്​ റെനോക്ക്​ ​ൈകയുംകെട്ടി ​േനാക്കിയിരിക്കാവുന്ന സ്​ഥിതിയില്ല. ​

Renault-Duster

 

പുതിയ ഡസ്​റ്റർ ഫ്രാങ്ക്​ഫർട്ട്​ മോ​േട്ടാർഷോയിലാണ്​ അവതരിപ്പിച്ചത്​. മുൻവശത്തിന്​ കാര്യമായ മാറ്റമുണ്ട്​. ഗ്രില്ലുകളും ഹെഡ്​ലൈറ്റുകളും മാറി. ടെയിൽലൈറ്റുകളുടെ രൂപത്തിൽ മാറ്റം വരുത്തുകയും സ്​ഥാനം കൂടുതൽ അറ്റത്തേക്ക്​ നീക്കുകയും ചെയ്​തു​. ഇപ്പോൾ അവതരിപ്പിച്ചിരിക്കുന്ന വാഹനത്തിൽ അന്താരാഷ്​ട്രവിപണിക്ക്​ വേണ്ടിയുള്ള പ്രത്യേകതകളാണ്​ ഇണക്കിച്ചേർത്തിരിക്കുന്നത്​. ഡാഷ്​ബോർഡ്​ പുനർനിർമിച്ചിട്ടുണ്ട്​. നാവിഗേഷൻ സിസ്​റ്റം അൽപം മുകളിലേക്ക്​ മാറുകയും ഒന്നിലധികം കാമറകൾ വരുകയും ചെയ്​തു. ഒാ​േട്ടാമാറ്റിക്​ എയർകണ്ടീഷൻ, ഹെഡ്​ലൈറ്റ്​ എന്നിവയുമുണ്ട്​. പ്ലാറ്റ്​ഫോം പഴയത്​ തന്നെയാണ്​. എൻജിനിലും ഗിയർബോക്​സിലും മാറ്റമുണ്ടാകില്ലെന്നാണ്​ സൂചന. പുതിയ ഡസ്​റ്റർ ഇന്ത്യയിൽ അവതരിപ്പിക്കുന്ന കൃത്യമായ തീയതിയൊന്നും റെനോ പറഞ്ഞിട്ടില്ല. 2018 ഡൽഹി ഒാ​േട്ടാ എക്​സ്​പോയിൽ പുറത്തിറക്കുമെന്ന്​ പ്രതീക്ഷിക്കാം. നിലവിൽ തങ്ങളുടെ ഡസ്​റ്റർ അടിസ്​ഥാനപ്പെടുത്തിയുള്ള കാപ്​ച്യൂർ ക്രോസ്​ ഒാവറി​​െൻറ അവതരണത്തിനൊരുങ്ങുകയാണ്​ റെനോ.

Ford-EcoSport

ഫോർഡി​​െൻറ തലവര തിരുത്തിയ കുഞ്ഞൻ എസ്​.യു.വി എക്കോസ്​പോർട്ടും പുതുമകളുമായി എത്തുകയാണ്​. എൻജിനുകളിൽ ഉൾപ്പടെ കാര്യമായ പരിഷ്​കരണങ്ങളാണ്​ കമ്പനി വരുത്തിയിരിക്കുന്നത്​. മുന്നിലെ രൂപത്തിൽ വലിയ മാറ്റങ്ങളുണ്ട്​. ഷഡ്​ഭുജാകൃതിയിലെ ഗ്രില്ലും പുത്തൻ ഹെഡ്​ലൈറ്റുകളും മനോഹരം. ബമ്പറും ഫോഗ്​ലാമ്പുകളും പുനർനിർമിച്ചിട്ടുണ്ട്​. അലോയ്​ വീലുകൾക്കും പുതിയ ഡിസൈനാണ്​. വശങ്ങളും പിൻഭാഗവും വലിയ വ്യത്യാസമില്ലാതെ തുടരുന്നു. ഉള്ളിലെത്തിയാൽ, സ​െൻറർ കൺസോളിൽ വലിയ ടച്ച്​സ്​ക്രീൻ ഇൻഫോടൈൻമ​െൻറ്​ സിസ്​റ്റം സ്​ഥാനം പിടിച്ചു. ഇതിൽ ഫോർഡി​​െൻറ സിങ്ക്​ മൂന്ന്​ സോഫ്​റ്റ്​വെയറും ആപ്പിൾ കാർപ്ലേ, ആൻട്രോയ്​ഡ്​ ഒാ​േട്ടാ തുടങ്ങിയ സംവിധാനങ്ങളുമുണ്ട്​. ഇൻ​സ്​ട്രുമ​െൻറ്​ ക്ലസ്​റ്ററും സ്​റ്റിയറിങ് വീലും മൊത്തത്തിൽ മാറി. ഉൾവശത്ത്​ നേര​േത്ത വെള്ളി നിറത്തിലുണ്ടായിരുന്ന ചെറിയഭാഗങ്ങൾ ഇപ്പോൾ വാഹനത്തി​​െൻറ കളറിലേക്ക്​ മാറി. 

ഫോർഡി​​െൻറ പുതുപുത്തൻ ഡ്രാഗൻ സീരീസ്​ പെ​േട്രാൾ എൻജിനുകളുടെ ഇന്ത്യയിലേക്കുള്ള അരങ്ങേറ്റം എക്കോസ്​പോർട്ടിലൂടെ ആയിരിക്കും. 1.5 ലിറ്റർ മൂന്ന്​ സിലിണ്ടർ എൻജിൻ 120ബി.എച്ച്​.പി കരുത്ത്​ ഉൽപാദിപ്പിക്കും. താഴ്​ന്ന വേരിയൻറുകൾക്ക്​ 1.2ലിറ്റർ മൂന്ന്​ സിലിണ്ടർ എൻജിനുമുണ്ടാകും. ഡീസലിൽ പഴയ 1.5ലിറ്റർ 100ബി.എച്ച്​.പി എൻജിൻ തുടരും. 1.0 ലിറ്റർ എക്കോബൂസ്​റ്റ്​ പെട്രോളും ഒഴിവാക്കാൻ സാധ്യതയില്ല. ക്രുസ്​ കൺട്രോൾ, പിന്നിലെ കാമറ, ഒാ​േട്ടാമാറ്റിക്​ എ.സി എന്നിവയും ഉയർന്ന വിഭാഗത്തിൽ ഉണ്ടാകും. ടാറ്റ നെക്​സൺ, മാരുതി ബ്രെസ തുടങ്ങിയ എതിരാളികളോട്​ പിടിച്ച്​ നിൽക്കുകയാണ്​ ഫോർഡി​​െൻറ പുതിയ അവതാരരഹസ്യം.

COMMENTS