ഡിസംബറിൽ കാർ വാങ്ങാം; വരാനിരിക്കുന്നത് വില വർധന
text_fieldsമുംബൈ: അടുത്ത വർഷം ജനുവരി മുതൽ കാറുകളുടെ വില ഉയരുമെന്ന് സൂചന. നിർമാണ ചെലവിലെ വർധനയാണ് വില ഉയർത്തുന്നതിന് കാരണമായി കമ്പനികൾ ചൂണ്ടിക്കാട്ടുന്നത്. രാജ്യത്തെ മുൻനിര കാർ കമ്പനികളിലൊന്നായ ടോയോട്ട 3 ശതമാനം വരെയാണ് വില വർധിപ്പിക്കുക. ഇതോടെ ടോയോട്ടയുടെ വിവിധ മോഡലുകൾക്ക് 5000 രൂപ മുതൽ 1.1 ലക്ഷം രൂപ വരെ വർധിക്കും.
ജാപ്പനീസ് വാഹനനിർമാതക്കളായ ഹോണ്ട കാറുകളുടെ വില 1 മുതൽ 2 ശതമാനം വരെ വർധിപ്പിക്കുമെന്ന് അറിയിച്ചിട്ടുണ്ട്. വിവിധ മോഡലുകൾക്ക് 25,000 രൂപ വരെ വർധന ഹോണ്ട വരുത്തും. മറ്റൊരു പ്രമുഖ വാഹന നിർമാതാക്കളായ മഹീന്ദ്ര&മഹീന്ദ്ര വിവിധ മോഡലുകൾക്ക് 7,000-30,000 രൂപ വരെ വർധിപ്പിക്കും.
ഇവർക്കൊപ്പം മാരുതി സുസുക്കി, സ്കോഡ, ഇസൂസ് എന്നിവരും വില വർധനയുമായി രംഗത്തെത്തും. വിവിധ മോഡലുകൾക്ക് 1 ലക്ഷം രൂപവരെയായിരിക്കും ഇസൂസ് വർധിപ്പിക്കുക. സ്കോഡ കാറുകളുടെ വില രണ്ട് ശതമാനം വരെ കൂട്ടും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.