Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightവാഹനപ്രേമികളുടെ ഹൃദയം...

വാഹനപ്രേമികളുടെ ഹൃദയം കവരാൻ സാൻട്രോ അടുത്ത വർഷമെത്തും

text_fields
bookmark_border
hyundai-santro-xing
cancel

21ാം നൂറ്റാണ്ടിൽ മാരുതിയുടെ മോഡലുകൾക്കൊപ്പം മധ്യവർഗ ഇന്ത്യക്കാര​​െൻറ കാറായിരുന്നു സാൻട്രോ. ഹ്യുണ്ടായിക്ക്​ ഇന്ത്യൻ വിപണിയിൽ സ്വാധീനം ഉറപ്പിക്കാൻ സഹായിച്ച മോഡലുകളിലൊന്ന്​. എന്നാൽ 2014ൽ കമ്പനി കാറിനെ വിപണിയിൽ നിന്ന്​ പിൻവലിക്കുകയായിരുന്നു. കഴിഞ്ഞ വർഷം തന്നെ സാൻട്രോ തിരിച്ചെത്തുമെന്ന്​ വാർത്തകളുണ്ടായിരുന്നു.  എന്നാൽ ഇപ്പോഴാണ്​ ഇതുസംബന്ധിച്ച്​ കൂടുതൽ വ്യക്​തത വരുന്നത്​. പുതിയ റിപ്പോർട്ടുകളനുസരിച്ച്​ 2018 മധ്യത്തോടെ കാർ വിപണിയിലെത്തുമെന്നാണ്​ പ്രതീക്ഷിക്കപ്പെടുന്നത്​.

പുതിയ വെർണയുടെ ലോഞ്ചിങ്​  സമയത്ത്​ കമ്പനി സി.ഇ.ഒ വൈ.കെ.കൂ ആണ്​ പുതിയ ഹാച്ച്​ബാക്ക്​ പുറത്തിറക്കുമെന്ന്​ അറിയിച്ചിരിക്കുന്നത്​. അടിമുടി പുതിയ രൂപത്തിൽ പിറവിയെടുത്ത സാൻട്രോയാകും പുതിയ ഹാച്ച്​ബാക്കെന്നാണ്​ സൂചന.

ഹ്യുണ്ടായിയുടെ ഹാച്ച്​ബാക്കി​​െൻറ കൺസെപ്​റ്റ്​ മോഡൽ
 

ടോൾ ബോയ്​ ഡിസൈൻ അടിസ്ഥാനമാക്കിയാണ്​ ഹ്യൂണ്ടായ്​ സാൻട്രോയെ  ആദ്യം വിപണിയിലെത്തിച്ചത്​​. എന്നാൽ ഫ്ലുയിഡിക്​ ഡിസൈനാവും പുതുതായി പുറത്തിറങ്ങുന്ന മോഡലിനുണ്ടാവുക. ഒാ​േട്ടാമാറ്റിക്​ മാനുവൽ ട്രാൻസ്​മിഷനുകളിൽ പുതിയ കാർ വിപണിയിലെത്തും. നേരത്തെ കമ്പനി അവതരിപ്പിച്ച മോഡലുകളേക്കാൾ നീളവും വീതിയും പുതിയ ​കാറിന്​ കൂടുതലായിരിക്കും. 1/1.6 ലിറ്റർ എഞ്ചിൻ വേരിയൻറുകളിലാവും കാറെത്തുക. 4 മുതൽ 6 ലക്ഷം വരെയായിരിക്കും വില.

സാൻട്രോ പിൻവലിച്ചതിനെ തുടർന്നാണ്​ ഹ്യുണ്ടായ്​ ​ഇയോൺ, ​െഎ10, ഗ്രാൻഡ്​ ​െഎ10 എന്നീ മോഡലുകൾ വിപണിയിൽ അവതരിച്ചത്​. എങ്കിലും സാൻട്രോയോടുള്ള പ്രണയം വാഹനപ്രേമികൾ അവസാനിപ്പിച്ചിരുന്നില്ല. നിലവിൽ ​െഎ10നെ ഹ്യുണ്ടായ്​ വിപണിയിൽ നിന്ന്​ പിൻവലിക്കുകയാണ്​. ഇൗ സാഹചര്യത്തിൽ ഇയോണിനും ഗ്രാൻഡ്​ ​െഎ10ന്​ ഇടയിലുള്ള വിടവ്​ നികത്തുക എന്നത്​ കമ്പനിയെ സംബന്ധിച്ചട​ുത്തോളം നിർണായകമാണ്​. ഇതാണ്​ സാൻട്രോയെ വീണ്ടും വിപണിയിലെത്തിക്കാൻ കമ്പനിയെ പ്രേരിപ്പിക്കുന്നത്​.
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hyundaiautomobilemalayalam newscarsSantroHatchback
News Summary - Hyundai Santro could soon be back-Hotwheels
Next Story