സ്വിഫ്​റ്റ്​ ഇന്നെത്തും

11:06 AM
08/02/2018
swift.

ന്യൂഡൽഹി: ഇന്ത്യൻ വാഹന വിപണി ഏറെ  പ്രതീക്ഷയോടെ കാത്തിരിക്കുന്ന മാരുതിയുടെ സ്വിഫ്​റ്റ്​ ഇ​ന്ന്​ അവതരിപ്പിക്കും. ഡൽഹിയിൽ ഒാ​േട്ടാ എക്​സ്​പോയിൽ നടക്കുന്ന ചടങ്ങിലാവും സ്വിഫ്​റ്റി​​​​െൻറ ലോഞ്ച്​ ഉണ്ടാവുക. കഴിഞ്ഞ ഒരു വർഷത്തിലേറെയായി സ്വിഫ്​റ്റി​​​​െൻറ വരവിനായി കാത്തിരിക്കുകയായിരുന്നു വാഹനലോകം. കാറി​​​​െൻറ  ബുക്കിങ്​ നേരെത്തെ ആരംഭിച്ചുവെങ്കിലും വിലയുൾപ്പടെയുള്ള കാര്യങ്ങൾ പ്രഖ്യാപിച്ചിരുന്നില്ല.

മാരുതിയുടെ ഹേർട്ട്​ടെക്​ട്​ പ്ലാറ്റ്​ഫോം അടിസ്ഥാനമാക്കിയാണ്​ പുതിയ സ്വിഫ്​റ്റെത്തുന്നത്​. എൽ.ഇ.ഡി പ്രൊജക്​ടർ ഹെഡ്​ലാമ്പ്​, ഡേ ടൈം റണ്ണിങ്​ ലൈറ്റുകൾ, ഡയമണ്ട്​ കട്ട്​ ​അലോയ്​ എന്നിങ്ങനെ സ്വിഫ്​റ്റിനെ മനോഹരമാക്കാനുള്ള ചെപ്പടി വിദ്യകളെല്ലാം മാരുതി ഒരുക്കിയിട്ടുണ്ട്​. ഇൻറീരിയറിൽ പുതിയ അപ്​ഹോളിസ്​റ്ററി നൽകിയിരിക്കുന്നത്​. സ്​മാർട്ട്​ പ്ലേ ടച്ച്​ സ്​ക്രീൻ സിസ്​റ്റമാണ്​ ഉൾപ്പെടുത്തിയിരിക്കുന്നത്​. ഇതിനൊപ്പം ആപ്പിൾ കാർ പ്ലേ, ആൻഡ്രോയിഡ്​ ഒാ​േട്ടാ, മിററർലിങ്ക്​ എന്നിവും ഇണക്കിചേർത്തിരിക്കുന്നു. സ്​റ്റിയിറങ്ങിൽ തന്നെ നിയന്ത്രണ സംവിധാനങ്ങളും നൽകിയിട്ടുണ്ട്​. ഡ്യുവൽ എയർബാഗ്​, എ.ബി.എസ്​ തുടങ്ങിയ സുരക്ഷ സംവിധാനങ്ങളും ഉണ്ടാവും.

1.2 ലിറ്റർ കെ സീരിസ്​ എൻജിനും  1.3 ലിറ്റർ ഡീസൽ എൻജിനുമാണ്​ സ്വിഫ്​റ്റിലുണ്ടാകുക. മാനുവൽ, ഒാ​േട്ടാമാറ്റിക്​ ഗിയർബോക്​സുകളുണ്ടാകും. ഏകദേശം ഏഴ്​ മുതൽ എട്ട്​ ലക്ഷം വരെയായിരിക്കും സ്വിഫ്​റ്റി​​​​െൻറ വില.

COMMENTS