​ കോംപസിനെ ജീപ്പ്​ തിരിച്ച്​ വിളിക്കുന്നു

അമേരിക്കൻ വാഹന നിർമാതാക്കളായ ജീപ്പ്​ എസ്​.യു.വിയായ കോംപസിനെ തിരിച്ചുവിളിക്കുന്നു. സുരക്ഷാ പ്രശ്​നങ്ങൾ മൂലമാണ്​ വാഹനത്തെ തിരിച്ച്​ വിളിക്കുന്നത്​. കോംപസി​​​െൻറ ​ മുൻഭാഗത്തെ എയർ ബാഗിലെ തകരാറാണ്​ പ്രശ്​നം സൃഷ്​ടിച്ചത്​. എയർ ബാഗ്​ അസംബ്ലിങ്​ പ്രക്രിയക്കിടെ പ്രശ്​നങ്ങൾ ഉണ്ടായെന്നാണ്​ ജീപ്പി​​​െൻറ കണ്ടെത്തൽ.

ലോകവിപണിയിൽ ആകെ വിറ്റ കോംപസുകളിൽ ഒരു ശതമാനം മാത്ര​മേ തിരിച്ച്​ വിളിക്കുന്നുള്ളൂയെന്ന്​ ജീപ്പ്​ വ്യക്​തമാക്കിയിട്ടുണ്ട്​. ഇന്ത്യയിൽ പുറത്തിറക്കിയതിന്​ ശേഷം 8000 കോംപസ്​ യൂണിറ്റുകളാണ്​ ജീപ്പ്​ വിറ്റഴിച്ചത്​. ഇതിൽ 1200 യൂണിറ്റുകളിൽ മാത്രമാണ്​ പ്രശ്​നം കണ്ടെത്തിയതെന്ന്​  കമ്പനി പറയുന്നു​.

എയർബാഗുകൾ മാറ്റി നൽകുന്നതിനായി ഉപഭോക്​താക്കളുമായി ജീപ്പ്​ ഡീലർമാർ ആശയവിനിമയം നടത്തുന്നുണ്ട്​. പ്രശ്​നം കണ്ടെത്തിയ മുഴുവൻ വാഹനങ്ങൾക്കും വൈകാതെ തന്നെ എയർബാഗ്​ മാറ്റി നൽകാനാവുമെന്നാണ്​  കമ്പനിയുടെ പ്രതീക്ഷ.  എയർബാഗുകൾ മാറ്റി നൽകുന്നത്​ പണമിടാക്കില്ലെന്നും കമ്പനി അറിയിച്ചു​. നിർമാണ പിഴവുള്ള എയർബാഗുകളുടെ വിന്യാസം മൂലം ആർക്കെങ്കിലും പരിക്കേറ്റതായി റിപ്പോർട്ടുകളില്ലെന്നും കമ്പനി അറിയിച്ചു.