ജീവകാരുണ്യ പ്രവർത്തനത്തിനായി കാർ ലേലം ചെയ്​ത്​ മക്​ലാരൻ

സൂപ്പർ കാർ സെന്നയുടെ അവസാന മോഡൽ കാരുണ്യ പ്രവർത്തനങ്ങൾക്കായി ലേലം ചെയ്​ത് ബ്രീട്ടിഷ്​ സ്​പോർട്​സ്​ കാർ നിർമാതാക്കളായ​ മക്​ലാരൻ. ലേലത്തിൽ 15.20 കോടിക്കാണ്​ കാർ വിറ്റുപോയത്​. സന്നദ്ധ സംഘടനയായ അയ്​ടോൺ സെന്ന ഇൻസ്​റ്റിട്യൂട്ടിനാണ്​​ ലേലത്തിലുടെ ലഭിച്ച തുക മക്​ലാരൻ കൈമാറുക.

500 സെന്ന കാറുകളാണ്​ മക്​ലാരൻ നിർമിച്ചത്​. ഇതിൽ 499 എണ്ണവും വിറ്റുപോയിരുന്നു. അവസാനത്തെ മോഡലാണ്​ ലേലത്തിനായി മാറ്റിവെച്ചത്​. ബ്രസീലിലെ തെരുവിൽ ജീവിക്കുന്ന കുട്ടികളുടെ ക്ഷേമത്തിനായി​ പ്രവർത്തിക്കുന്ന സംഘടനയാണ്​ അയ്​ടോൺ സെന്ന ഇൻസ്​റ്റിട്യൂറ്റ്​.

789 ബി.എച്ച്​.പി കരുത്ത്​ നൽകുന്ന വി.8 ടർബോ എൻജിനാണ്​ സെന്നക്ക്​ കരുത്ത്​ പകരുക. നിലവിൽ 5.70 കോടിക്കാണ്​ സെന്ന ആഗോളവിപണിയിൽ ലഭ്യമാകുന്നത്​.