Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightMental Healthchevron_rightഭയത്തെ തോൽപ്പിക്കാൻ...

ഭയത്തെ തോൽപ്പിക്കാൻ കൃത്രിമ ബുദ്ധിയുമായി ഗവേഷകർ

text_fields
bookmark_border
ഭയത്തെ തോൽപ്പിക്കാൻ കൃത്രിമ ബുദ്ധിയുമായി ഗവേഷകർ
cancel

പ്രത്യേക വസ്​തുക്കളോടൊ സംഭവങ്ങോളോടോ ഉള്ള അസാധാരണ ഭയം മൂലം അപകർഷത അനുഭവിക്കുന്നവർക്ക്​ ആശ്വാസമായി ടോക്യോ സർവകലാശാലയിൽ നിന്നുള്ള ഗവേഷകർ. കൃത്രിമ ബുദ്ധിയും തലച്ചോറിനെ സ്​കാൻ ചെയ്യുന്ന വിദ്യയും ഉപയോഗിച്ച്​ ഭയം നീക്കം ചെയ്യാൻ മാർഗം കണ്ടെത്തിയിരിക്കുന്നു.

തലച്ചോർ സ്​കാനർ ഉപയോഗിച്ച്​ ഭയം ഉത്​ഭവിക്കുന്ന ഭാഗം  ക​ണ്ടെത്തുകയും കൃത്രിമബുദ്ധി ഉപയോഗിച്ച്​ തലച്ചോറിലെ മാറ്റങ്ങൾ വായിച്ചെടുക്കുകയും ചെയ്യുന്ന വിദ്യയാണ്​ കണ്ടെത്തിയത്​. ഇത്​ അകാരണ ഭയമുള്ള രോഗികളുടെ ചികിത്​സയിൽ വലിയ കാൽവെപ്പാണ്​.

ആരോഗ്യവാൻമാരായ 17 സന്നദ്ധപ്രവർത്തകരെയാണ്​ ഇൗ പഠനത്തിനായി ഉപയോഗിച്ചിരിക്കുന്നത്​. ഒരു പ്രത്യേക കമ്പ്യൂട്ടർ ചിത്രം കാണു​േമ്പാൾ ഭയം ഉദ്​​പാദിപ്പിക്കുന്ന തരത്തിൽ ഇവർക്ക്​ ആദ്യം ഒരു ചെറിയ ഇലക്​ട്രിക്​ ഷോക്ക്​ നൽകി. പിന്നീട്​ തലച്ചോറിനെ സ്​കാൻ ചെയ്​ത്​ ഇവരുടെ മാനസിക പ്രവർത്തനങ്ങൾ മനസിലാക്കുകയും ഭയം ഉദ്​​പാദിപ്പിക്കു​േമ്പാൾ തലച്ചോറിലുണ്ടാകുന്ന മാറ്റങ്ങൾ തിരിച്ചറിയുകയും ചെയ്​തു.

കൃത്രിമ ബുദ്ധി ഉപയോഗിച്ച്​  കൃത്യമായി  ഭയത്തി​െൻറ സ്വഭാവത്തെ പഠിച്ചു.  തുടർന്ന്​ നടന്ന പഠനത്തിൽ നിന്ന്​ ഭയത്തെ കുറിച്ച്​ ബോധമില്ലാതിരിക്കു​േമ്പാഴും ഇവരുടെ തലച്ചോറിൽ ഭയം ഉദ്​​പാദിപ്പിക്കുന്ന പ്രത്യേക പാ​േറ്റൺ നിലനിൽക്കുന്നുവെന്ന്​ കണ്ടെത്തി​.

ഇൗ പാറ്റേണിൽ മാറ്റം വരുത്തി ഭയം ഇല്ലാതാക്കാമെന്നാണ്​ പഠനം പറയുന്നത്​. നാഷണൽ നേച്ചർ ഹ്യൂമൺ ബിഹേവിയർ എന്ന ജേണലിലാണ്​ പഠനം പ്രസിദ്ധീകരിച്ചത്​.

ഭയമുത്​പാദിപ്പിക്കുന്ന പ്രത്യേക പാറ്റേണിൽ മാറ്റംവരുത്തിയ ശേഷം ചിത്രം കാണിക്കു​േമ്പാൾ ഇവർക്ക്​ പേടി തോന്നിയില്ല. തലച്ചോറിലെ ഭയം ഉത്​പാദിപ്പിക്കുന്ന ഭാഗത്തെ പ്രവർത്തനങ്ങൾക്ക്​ വർധനവ്​ ഉണ്ടായില്ല എന്നും കാണാനായി. ഇത്​ സൂചിപ്പിക്കുന്നത്​ ഭയത്തെ കുറച്ചു കൊണ്ടുവരാൻ സാധിക്കുമെന്നു തന്നെയാണെന്ന്​ പഠനം നടത്തിയ ടോക്യോ സർവകലാശാലയിലെ പ്രധാന ഗവേഷകൻ അയ് ​കൊയ്​സുമി പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:artificial intelligencefear
News Summary - Want to conquer fear? Artificial intelligence can come to your help
Next Story