വാറ്റി​​െൻറ വിവരങ്ങൾ ആറ്റിക്കുറുക്കി ഷാർജയിൽ ‘ഗൾഫ്​ മാധ്യമം’ സെമിനാർ 

ദുബൈ: യു.എ.ഇയില്‍ ജനുവരി ഒന്നുമുതല്‍ നടപ്പാക്കുന്ന മൂല്യവർധിത നികുതിയെക്കുറിച്ച്​  ചെറുതും വലുതുമായ അനവധി​ സംശയങ്ങളുമായി എത്തിയ  കച്ചവടക്കാർക്ക്​ നികുതി നടപടിക്രമങ്ങൾ അതി ലളിതമായി വിശദീകരിച്ചു നൽകി ഗൾഫ്​മാധ്യമം^പൊളോസിസ്​ ഇ.ആർ.പി ‘എ ചാറ്റ്​ ഒാൺ വാറ്റ്​’സെമിനാർ. ​ആരംഭിക്കുന്നതിന്​ മണിക്കൂർ മുൻപു തന്നെ ഷാര്‍ജ  നെജും അല്‍ ഇമാറത്ത് ഹോട്ടലിലെ പാർട്ടി ഹാൾ പ​െങ്കടുക്കാൻ എത്തിയവരെ കൊണ്ട്​ നിറഞ്ഞിരുന്നു.  
എച്ച് ആൻറ്​ ടി ടാക്‌സ് കണ്‍സള്‍ട്ടൻറ്​ സീനിയര്‍ ടാക്‌സ് കണ്‍സള്‍ട്ടൻറ്​ സി.എം.എ ആബിദ്  വാറ്റി​​െൻറ വിവിധ വശങ്ങൾ പരിചയപ്പെടുത്തി. പോളോസിസ് ഓപ്പറേഷന്‍ മാനേജര്‍ മുഹമ്മദ് യൂസുഫ് യാസീന്‍ ഡിജിറ്റല്‍ വാറ്റ് ഡോക്യുമെ​േൻറഷന്‍  വിശദീകരിച്ചു. ഗൾഫ്​ മാധ്യമം റസിഡൻറ്​ എഡിറ്റര്‍ പി.ഐ. നൗഷാദ്  ഉദ്ഘാടനം ചെയ്തു. 
ഏറെ ഗവേഷണം നടത്തിയും അന്താരാഷ്​ട്ര നികുതി രീതികൾ വിശകലനം ചെയ്​തുമാണ്​ യു.എ.ഇ വാറ്റ്​ നടപ്പാക്കുന്നതെന്നും ലോകത്തെ തന്നെ ഏറ്റവും കുറഞ്ഞ നികുതി നിരക്കാണ്​ നടപ്പാക്കുന്നതെന്നും സെമിനാർ ചൂണ്ടിക്കാട്ടി.  പ്രോഗ്രാം കണ്‍വീനര്‍ സവ്വാബ് അലി ആമുഖം പറഞ്ഞു. വരും ദിനങ്ങളില്‍ മറ്റു എമിറേറ്റുകളിലും സെമിനാര്‍ നടക്കും. 
താൽപര്യമുള്ളവർ 50 250 5698 എന്ന നമ്പറിൽ പേര്​, സ്​ഥാപനത്തി​​െൻറ പേര്​, ഫോൺ നമ്പർ എന്നിവ വാട്ട്​സ്​ആപ്പ്​ ചെയ്യണം.