സന്ദർശക വിസയിലെത്തിയ മാഹി സ്വദേശി അബൂദബിയിൽ മരിച്ചു

അബൂദബി: സന്ദർശക വിസയിലെത്തിയ മാഹി സ്വദേശി അബൂദബിയിൽ ഹൃദയാഘാതം കാരണം മരിച്ചു. മാഹി കോളജിന്​ സമീപം ‘വഹീദാസി’ൽ മുഹമ്മദ്​ സാലി (51) ആണ്​ മരിച്ചത്​. ജോലി അന്വേഷിച്ച്​ അബൂദബിയിലെത്തിയ മകനോടൊപ്പം വന്നതാണ്​ ഇദ്ദേഹം. നാല്​ ദിവസം മുമ്പ് ഹൃദയാഘാതമുണ്ടായി ഖലീഫ ആശുപത്രിയിൽ ചികിത്സയിലായിരുന്നു. വ്യാഴാഴ്​ച ഉച്ചക്ക്​ ശേഷമാണ്​ മരണം. മൃതദേഹം അബൂദബി ബനിയാസ്​ ഖബറിടത്തിൽ ഖബറടക്കി. ഭാര്യ: വഹീദ. മക്കൾ: മുഹമ്മദ്​ സാബിത്ത്​, യഹ്​യ, സബാഹ, സബീന. മരുമക്കൾ: റഫീഖ്​ (അബൂദബി), അബ്​ദുൽ മജീദ്​ (ദുബൈ).