മെലിയൽ മരുന്നിന്​ ദുബൈയിൽ നിരോധം

ദുബൈ: ശരീരഭാരം കുറയാൻ ഉപകരിക്കുമെന്ന അവകാശവാദത്തോടെ പ്രചരിക്കുന്ന ചൈനീസ്​ മരുന്നിന്​ ദുബൈയിൽ വിലക്ക്​. മാജിക്​ സ്ലിം എന്ന പേരുള്ള കാപ്​സ്യൂളാണ്​ ദുബൈ നഗരസഭ നിരോധിച്ചത്​. ഫിനോൽഫ​തലൈൻ, സിബുട്രാമൈൻ എന്നീ നിരോധിത വസ്​തുക്കൾ അടങ്ങിയതാണ്​ മരുന്ന്​. കടകളിൽ സൂക്ഷിച്ചിരുന്ന മരുന്ന്​ സ്​റ്റോക്കുകളെല്ലാം നീക്കം ചെയ്യാൻ നിർദേശിച്ചിട്ടുണ്ട്​. നഗരസഭാ ഇൻസ്​പെക്​ടർമാർ പരിശോധനയും നടത്തുന്നുണ്ട്​. ഏറെ പാർ​ശ്വഫലങ്ങളുള്ള ഇൗ സാമഗ്രികൾ ചേർന്ന 15 മരുന്നുകൾ നേരത്തേ നിരോധിച്ചിരുന്നു.