You are here

ചിക്കിങ്​ ബ്രിട്ടനിലേക്ക്;  2025ഓടെ  1000 ഔട്ട്​ലെറ്റുകൾ തുറക്കും

10:01 AM
13/08/2017
വാർത്താസമ്മേളനത്തിൽ ചിക്കിങ്​ ചെയർമാനും എം.ഡിയുമായ എ.കെ.മൻസൂർ സംസാരിക്കുന്നു

ദുബൈ: ദുബൈ ആസ്ഥാനമായി പ്രവർത്തിക്കുന്ന ചിക്കിങി​​െൻറ ​ബ്രിട്ടനിലെ ആദ്യ സ്വന്തം ഒൗട്ട്​ലെറ്റ്​  ഇൗ മാസം 14ന്​ തിങ്കളാഴ്ച ​ ലണ്ടനിലെ ആക്ടൻ 169 ഹൈസ്ട്രീറ്റിൽ പ്രവർത്തനം തുടങ്ങും.  യു.കെയിലെ​ രണ്ടാമത്തെ ഔട്ട്ലെറ്റ്​ സെപ്​തംബർ 22ന്​ ലണ്ടനിലെ മാലിബണിലെ എഡ്ജ്വെയര് റോഡിലും മൂന്നാമത്തേ്​ ഡിസംബറിലും തുറക്കുമെന്ന്​  ചെയർമാനും എം.ഡിയുമായ എ.കെ.മൻസൂർ വാർത്താസമ്മേളനത്തിൽ അറിയിച്ചു.

2020 ആകുമ്പോഴേക്കും സ്വന്തമായും  ഫ്രാഞ്ചൈസികളായും 50 ഒൗട്ട്​ലെറ്റുകൾ യു.കെയിൽ തുടങ്ങാനാണ്​ കമ്പനി ലക്ഷ്യമിടുന്നത്​.  ഇതോടൊപ്പം കിഴക്കൻ യൂറോപ്യൻ മാർക്കറ്റിലേക്ക് പ്രവേശിക്കുന്നതി​​െൻറ ഭാഗമായി സ്വീഡൻ, മാൾട്ട എന്നീ രാജ്യങ്ങളിൽ ഇൗ വർഷം അവസാനം മാസ്​റ്റർ ഫ്രാഞ്ചൈസി കരാറുകൾ ഒപ്പുവെക്കുകയും ഒൗട്ട്​ലെറ്റുകൾ തുറക്കുകയും ചെയ്യും. 

ജി.സി.സി രാജ്യങ്ങളിൽ പ്രവർത്തനം വ്യാപിപ്പിക്കുന്നതി​​െൻറ ഭാഗമായി സൗദി അറേബ്യയിൽ കമ്പനിയുടെ ആദ്യ സ്വന്തം ​ഒൗട്ട്​ലെറ്റ്​ റിയാദ്​ ബാത്തയിൽ പ്രവർത്തനമാരംഭികും. ​ആഫ്രിക്കയിൽ ​െഎവറികോസ്​റ്റിൽ ചിക്കിങ്​ തുടങ്ങിക്കഴിഞ്ഞു. രണ്ടു ഒൗട്ട്​ലെറ്റുകൾ കുടി ഒക്​ടോബറിൽ ആരംഭിക്കും. ജിബൂട്ടി, ന്യൂസിലാൻറ്​, മാലിദ്വീപ്​ എന്നിവിടങ്ങളിലും ഒൗട്ട്​ലെറ്റുകൾ തുറക്കും. എം.ബി.ഐ ഇൻറർനാഷണൽ എന്ന മലേഷ്യൻ കമ്പനിയുമായി ചിക്കിങ്​ മാസ്​റ്റർ ഫ്രാഞ്ചൈസി കരാറുകൾ ഒപ്പുവെച്ചു.

ചൈന, ഫിലിപ്പൈൻസ്​, സിംഗപ്പൂർ, തായ്​ലൻറ, വിയറ്റ്നാം, തായ്​വാൻ, മ്യാൻമർ,കമ്പോഡിയ, ബ്രൂണേ എന്നീരാജ്യങ്ങളിൽ മൂന്നു വർഷങ്ങൾക്കുള്ളിൽ 500 ലേറെ  ഒൗട്ട്​ലറ്റുകളാണ്​ ഇൗ ഫ്രാഞ്ചൈസി കരാർ വഴി ആരംഭിക്കുന്നത്​. 2000 ത്തിൽ ദുബൈ കേന്ദ്രമായി തുടങ്ങിയ ചികിങ്​ 17 വർഷം കൊണ്ട്​ ലോകബ്രാൻഡായി വളർന്നത്​ വേറിട്ട രുചിക്കൂട്ടുകൊണ്ടും ആരോഗ്യകരമായ ഭക്ഷണം വിളമ്പിയുമാണ്​.നിരവധി ക്വിക്​ സർവീസ്​ റസ്​റ്റോറൻറ്​ ബ്രാൻഡുകൾ നിലനിൽക്കുന്ന  ലോക വിപണിയിൽ പൂർണമായും ഹലാലായ ബ്രാൻഡ്​ എന്നതും ചിക്കിങ്ങിനെ വേറിട്ടതാക്കുന്നു. ആറരലക്ഷം ഉപഭോക്താക്കളാണ് ഒരുമാസം ചിക്കിംഗ് ഔട്ട്ലെറ്റുകളിൽ എത്തുന്നത്​. 
നിലവിൽ യു.എ.ഇ, ഒമാൻ, ഇന്ത്യ, മലേഷ്യ, ഇന്തോനേഷ്യ, ഐവറികോസ്റ്റ്, അഫ്ഗാനിസ്ഥാന്  എന്നീരാജ്യങ്ങളിലായി നൂറിലേറെ ഒൗട്ട്​ലെറ്റുകളാണുള്ളതെന്ന്​ മാനേജിങ്​ ഡയറക്​ടർ പറഞ്ഞു. 2025ഒാടെ ലോകമാകെ 1000 ഒൗട്ട്​ലെറ്റുകളാണ്​ ലക്ഷ്യം.ചിക്കിങ്​ ഗ്ലോബൽ ​ഫ്രാഞ്ചൈസി മാനേജ്​മ​െൻറ്​ വിഭാഗമായ ബി.എഫ്​.​െഎ ചീഫ്​ എക്​സിക്യൂട്ടീവ്​ ഒാഫീസർ ശ്രീകാന്ത്​ എൻ.പിള്ള, ഒാപ്പറേഷൻസ്​ ഡയറക്​ടർ മഖ്​ബൂൽ മോദി എന്നിവരും വാർത്താസമ്മേളനത്തിൽ സംബന്ധിച്ചു.

COMMENTS