അറിവിെൻറ ആഘോഷത്തിന് നിറപ്പകിട്ടാര്ന്ന തുടക്കം
text_fieldsദുബൈ: ഗൾഫ്മേഖലയിലെ ഇന്ത്യൻ വിദ്യാർഥികളും രക്ഷിതാക്കളും അധ്യാപകരും കാത്തിരുന്ന അറിവിെൻറ ഉൽസവം^ എജ്യുകഫേയുടെ മൂന്നാം പതിപ്പിന് ദുബൈയിൽ വർണാഭ തുടക്കം. ദുബൈ പൊലീസ് അസിസ്റ്റൻറ് കമാൻഡൻറ് ഇൻ ചീഫും ദുബൈ പൊലീസ് അക്കാദമി പ്രിൻസിപ്പാളുമായ മേജർ ജനറൽ ഡോ. മുഹമ്മദ് ബിൻ അഹമ്മദ് ബിൻ ഫഹദ് ആണ് നൂറുകണക്കിന് കുടുംബങ്ങളെ സാക്ഷി നിർത്തി ഗൾഫിലെ ഏറ്റവും വലിയ ഇന്ത്യൻ വിഭ്യാഭ്യാസ മാർഗ നിർദേശ മേള ഉദ്ഘാടനം ചെയ്തത്. അറിവിനായി കൊതിക്കുന്ന കുഞ്ഞുങ്ങളുടെ മുന്നിൽ നിൽക്കുന്നതു തന്നെ ഏറെ ശാന്തിയും സന്തോഷവും പകരുന്ന കർമമാണെന്ന് അദ്ദേഹം പറഞ്ഞു.
എജ്യുകഫേ സാമൂഹിക ദൗത്യ നിർവഹണത്തിെൻറ ഭാഗം – ഹംസ അബ്ബാസ്
ദുബൈ: ക്ലാസ്മുറിക്കുള്ളിൽ നിന്ന് ലഭിക്കുന്ന അറിവിലല്ല, മറിച്ച് അതിരുകൾ ഭേദിച്ച് അറിവുനേടാനുള്ള പ്രയാണത്തിലാണ് വിദ്യാഭ്യാസത്തിെൻറ പൂർണതയെന്ന് ഗൾഫ് മാധ്യമം ചീഫ് എഡിറ്റർ വി.കെ. ഹംസ അബ്ബാസ്. ഒരു പത്രത്തിെൻറ പ്രവർത്തനം ലോകമൊട്ടുക്കു നിന്നും ലഭിക്കുന്ന വാർത്തകൾ സ്വരൂപിച്ച് വായനക്കാർക്ക് പകർന്നു നൽകുക മാത്രമല്ല മറിച്ച് കുഞ്ഞുങ്ങളെയും യുവ തലമുറയെയും ലോകത്തിെൻറ മികച്ച മേഖലകളിലേക്ക് വഴി കാണിക്കുക കൂടിയാണ് എന്നു തിരിച്ചറിഞ്ഞാണ് എജുകഫേ എന്ന ദൗത്യനിർവഹണവുമായി ഗൾഫ്മാധ്യമം മുന്നിട്ടിറങ്ങിയത്. വിദ്യാർഥികൾക്ക് മികച്ച വിദ്യാഭ്യാസ സാധ്യതകളെക്കുറിച്ച് വിവരങ്ങൾ പങ്കുവെക്കുേമ്പാൾ ഒരു സമൂഹത്തിെൻറ നല്ല നാളെയാണ് സൃഷ്ടിക്കപ്പെടുന്നത്. വായനാസമൂഹം ഗൾഫ് മാധ്യമത്തിൽ അർപ്പിച്ച വിശ്വാസത്തിന് നൽകുന്ന പ്രത്യഭിവാദ്യമാണ് എജുകഫേ ഉൾപ്പെടെയുള്ള സാമൂഹിക ഉത്തരവാദിത്വ പ്രവർത്തനങ്ങളെന്നും അദ്ദേഹം വ്യക്തമാക്കി.
ഗൾഫ് മാധ്യമം ചീഫ് എഡിറ്റർ വി.കെ. ഹംസ അബ്ബാസ് ആമുഖ പ്രഭാഷണം നടത്തി. ചടങ്ങിൽ എ.പി.എം. മുഹമ്മദ് ഹനീഷ് െഎ.എ.എസ്, നിഷ് അക്കാദമിക് കൗൺസിലർ സുബ്ഹാൻ അബൂബക്കർ, വെല്ലൂർ ഇൻസ്റ്റിറ്റ്യൂട്ട് ഒാഫ് ടെക്നോളജി ഡയറക്ടർ ഡോ. മണിവർണൻ, റെയ്സ് ഡയറക്ടർ അഫ്സൽ, ഇഖ്റഅ് ഗ്രൂപ്പിെൻറയും ഇന്ത്യൻ അക്കാദമി സ്കൂളിെൻറയും ഗ്രൂപ്പ് മാനേജർ ഫജിഫെർ ബിൻ ഇസ്മായിൽ, സ്മാർട് ട്രാവൽ എം.ഡി അഫി അഹ്മദ്, മാധ്യമം സീനിയർ ജനറൽ മാനേജർ സിറാജ് അലി , ജനറൽ മാനേജർ മുഹമ്മദ് റഫീക്ക്, മീഡിയാവൺ ജി.സി.സി ഒാപ്പറേറ്റിങ് ഡയറക്ടർ മുഹമ്മദ് റോഷൻ, ഗൾഫ് മാധ്യമം റസിഡൻറ് എഡിറ്റർ പി.െഎ. നൗഷാദ്, സി.ഒ.ഒ സക്കരിയാ മുഹമ്മദ്, സീനിയർ മാർക്കറ്റിങ് മാനേജർ ഹാരിസ് വള്ളിയിൽ, മാർക്കറ്റിങ് മാനേജർ ജുനൈസ് എന്നിവരും പെങ്കടുത്തു. പി.എം. ഫൗണ്ടേഷനും ഗൾഫ് മാധ്യമവും ചേർന്ന് ഗൾഫ് മേഖലയിൽ നടത്തിയ പ്രതിഭാ നിർണ്ണയ പരീക്ഷയിൽ യു.എ.ഇ. തലത്തിൽ മുന്നിലെത്തിയ 16 കുട്ടികൾക്ക് പുരസ്ക്കാരങ്ങൾ നൽകി. തുടർന്ന് ‘നോളഡ്ജ്: വിന്നേഴ്സ് ആൻറ് ലൂസേഴ്സ്’എന്ന വിഷയത്തിൽ മുഹമ്മദ് ഹനീഷും ‘വാട്ട് മേക്ക്സ് ചാമ്പ്യൻസ് ഡിഫറൻറ് ’എന്ന വിഷയത്തിൽ ഡോ. സംഗീത് ഇബ്രാഹിമും ക്ലാസ് എടുത്തു.
ശനിയാഴ്ച രാവിലെ 10 ന് പ്ലസ് വണ്, പ്ലസ് ടു വിദ്യാര്ഥികള്ക്ക് കേരള മെഡിക്കല്, എന്ജിനീയറിങ് പ്രവേശ പരീക്ഷയുടെ സിലബസ് അടിസ്ഥാനമാക്കിയുള്ള മാതൃക പരീക്ഷ മേളയില് നടക്കും. രക്ഷിതാക്കൾക്കും അധ്യാപകർക്കും വേണ്ടി നടത്തുന്ന സെഷനിൽ പ്രമുഖ വിദ്യാഭ്യാസ വിദഗ്ധയും എഴുത്തുകാരിയുമായ ആരതി സി. രാജരത്നം ക്ലാസെടുക്കും. 11.30ന് ഒക്യുപേഷണൽ തെറാപ്പിസ്റ്റ് ഡോ. മഹെക് ഉത്തംചന്താനി സംസാരിക്കും. 2.30 ന് എജുക്കേഷൻ കൺസൾട്ടൻറും കൗൺസറുമായ രമാ മേനോൻ, മൂന്നിന് സിനിമാ താരം വിജയ് മേനോൻ, നാലിന് അൻസാർ ശൈഖ് െഎ.എ.എസ്. എന്നിവരുടെ സെഷനുകൾ നടക്കും. വൈകിട്ട് ആറിന് മോട്ടിവേഷണൽ ഹിപ്നോട്ടിസ്റ്റ് മാജിക് ലിയോ സ്റ്റേജിലെത്തും. ശനിയാഴ്ച രാവിലെ മുതല് മുഖ്യവേദിയിലെ പരിപാടികള്ക്ക് സമാന്തരമായി വിദ്യാര്ഥികള്ക്കും രക്ഷിതാക്കള്ക്കുമുള്ള സൈക്കോളജിക്കല് കൗണ്സലിങും കരിയർ കൗണ്സലിങും നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.