കമോൺ കേരള ഇന്ത്യ–യു.എ.ഇ ബന്ധത്തിന് കൂടുതൽ കരുത്താവും–സുൽത്താൻ അൽ ഖർജി
text_fieldsഉമ്മുൽ ഖുവൈൻ: ഷാർജ ഭരണാധികാരി ശൈഖ് സുൽത്താെൻറ ആശിർവാദത്തോടെ സംഘടിപ്പിക്കുന്ന കമോൺ കേരള ഏറെ പ്രതീക്ഷ പകരുന്ന പദ്ധതിയാണെന്ന് യു.എ.ഇ ആരോഗ്യ മന്ത്രിയുടെ ഉപദേഷ്ടാവ് സുൽത്താൻ റാഷിദ് അൽ ഖർജി അഭിപ്രായപ്പെട്ടു. ഇന്ത്യൻ സമൂഹവും യു.എ.ഇയും തമ്മിൽ മികച്ച ബന്ധമാണ് നിലവിലുള്ളത്. അത് കൂടുതൽ ശക്തമാവുന്നത് ഇരു രാജ്യങ്ങളുടെയും അജണ്ടയാണ്. ഉമ്മുൽ ഖുവൈൻ ഇന്ത്യൻ അസോസിയേഷനിൽ നടന്ന ചടങ്ങിൽ പ്രവേശന ടിക്കറ്റ് ഏറ്റുവാങ്ങി സംസാരിക്കുകയായിരുന്നു അദ്ദേഹം. അസോസിയേഷൻ പ്രസിഡൻറ് നിക്സൺ ബേബി ടിക്കറ്റ് കൈമാറി. മുൻപ്രസിഡൻറും സ്ഥാപകാംഗവുമായ സി.എം. ബഷീർ, ജനറൽ സെക്രട്ടറി വഹാബ് പൊയക്കര, ജോ.ജന. സെക്രട്ടറി സജ്ജാദ് സഹീർ നാട്ടിക, മാധ്യമം പ്രതിനിധി നവാസ് വടകര തുടങ്ങിയവർ സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.