നമുക്കു ക​​െണ്ടത്താം  മലയാളി ജീനിയസ്സിനെ 

ദുബൈ: അറിവും ആകാംക്ഷയും പകരുന്ന ഒ​േട്ടറെ ക്വിസ്​ മത്സരങ്ങൾ നാം ആസ്വദിക്കാറുണ്ട്​. എന്നാൽ നമ്മെ ഇത്ര മാത്രം അത്​ഭുതപ്പെടുത്തിയ ക്വിസ്​ മാസ്​റ്റർ ആരെന്ന ചോദ്യത്തിന്​ നവയുഗ മലയാളിക്ക്​ ഒരൊറ്റ ഉത്തരമേയുള്ളു. കഥയും കവിതയും ചരിത്രവും ശാസ്​​ത്രവും പാട്ടും പരാവർത്തനവുമെല്ലാം ഒന്നിച്ചു പൂക്കുന്ന ഒറ്റ മരം പോലുള്ള ഗ്രാൻറ്​ മാസ്​റ്റർ ജി.എസ്​. പ്രദീപ്​. റിവേഴ്​സ്​ ക്വിസ്സിലൂടെ അറിവി​​െൻറ അശ്വമേധം തീർത്ത ​ഗ്രാൻറ്​ മാസ്​റ്റർ കമോൺ കേരളയിലെത്തുന്നത്​ മലയാളി ജീനിയസിനെ കണ്ടെത്താനാണ്​. 26,27 തീയതികളിൽ നടക്കുന്ന മലയാളി ജീനിയസ്​ മത്സരം പോലൊന്ന്​ നമുക്കിടയിൽ നടന്നിട്ടില്ലെന്ന്​ തറപ്പിച്ചു പറയാനാവും. 26ന്​ വിദ്യാർഥികൾക്ക്​ മാത്രമായാണ്​ മത്സരം. 

27ന്​ ​പ്രായഭേദമില്ലാതെയുള്ള പോരാട്ടവും. 26ന്​ ഉച്ചക്ക്​ രണ്ടര മുതൽ അഞ്ചര വരെയും 27ന്​ ഉച്ചക്ക്​ ഒന്നര മുതൽ നാലര വരെയും നടക്കുന്ന  അറിവി​​െൻറ മാറ്റുരക്കലിൽ ഒരു കൈ നോക്കാൻ ആ​​ഗ്രഹിക്കുന്നവർക്ക്​ 0502505698 എന്ന നമ്പറിൽ വാട്ട്​സ്​ ആപ്പ്​ ചെയ്​ത്​ പേരു നൽകാം. വ്യക്​തികൾക്ക്​ പുറമെ സംഘടനകൾ, സ്​ഥാപനങ്ങൾ, സുഹൃദ്​സംഘങ്ങൾ, സ്​കൂളുകൾ എന്നിവക്കും മത്സരാർഥികളെ നിർദേശിക്കാം. ഇവർക്കിടയിൽ ആദ്യ റൗണ്ട്​ പ്രശ്​നോത്തരി നടത്തി തെരഞ്ഞെടുക്കപ്പെടുന്ന ആറു പേർ തമ്മിലാണ്​ ജീനിയസ്​ പട്ടത്തിനായി മത്സരിക്കുക. അറിവി​​െൻറ ഇൗ പങ്കുവെപ്പ്​ കുഞ്ഞു മക്കൾ മുതൽ വയോധികർക്ക്​ വരെ ഒരു പോ​ലെ ആസ്വദിക്കാനാവും.