കമോൺ കേരള മഹാമേളക്ക് ഇന്ന് കൊടിയേറ്റം
text_fieldsഷാർജ: ഇന്തോ-അറബ് സൗഹൃദ ചരിത്രത്തിൽ തിളക്കമാർന്ന പുത്തനധ്യായം രചിക്കാെനാരുങ്ങി കമോൺ കേരള വാണിജ്യ സാംസ്കാരിക നിക്ഷേപ മേളക്ക് വ്യാഴാഴ്ച കൊടിയേറ്റം. യു.എ.ഇ സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമിയുടെ രക്ഷകർതൃത്വത്തിൽ ‘ഗൾഫ് മാധ്യമം’ സംഘടിപ്പിക്കുന്ന മേളക്ക് ഷാർജ എക്സ്പോ സെൻററാണ് ആതിഥ്യമരുളുക. കേരളത്തിെൻറ ഗ്രാമീണ കാഴ്ചകൾ പുനഃസൃഷ്ടിച്ച് തയാറാക്കിയ പ്രൗഢസുന്ദരവേദിയിൽ ഇന്നു മുതൽ 27 വരെ നീളുന്ന കമോൺ കേരള ഗൾഫ് മേഖലയിലെ ഏറ്റവും വലിയ ഇന്ത്യൻ വ്യാപാരമേളയാണ്.
രാവിലെ 11ന് ഷാർജ ഭരണാധികാരി ഉദ്ഘാടനം നിർവഹിക്കുന്ന ചടങ്ങിൽ ദുബൈ ഇന്ത്യൻ കോൺസൽ ജനറൽ വിപുൽ, ഷാർജ രാജകുടുംബാംഗങ്ങൾ, ഉദ്യോഗസ്ഥ പ്രമുഖർ തുടങ്ങിയവർ സംബന്ധിക്കും. ‘ഗൾഫ് മാധ്യമം’ ചീഫ് എഡിറ്റർ വി.കെ.ഹംസ അബ്ബാസ്, ‘മാധ്യമം^മീഡിയവൺ’ ഗ്രൂപ് എഡിറ്റർ ഒ. അബ്ദുറഹ്മാൻ, കല്യാൺ ജ്വല്ലേഴ്സ് മാനേജിങ് ഡയറക്ടർ ടി.എസ്. കല്യാണരാമൻ, മെയ്ത്ര ഹോസ്പിറ്റൽ ചെയർമാൻ ഫൈസൽ ഇ. കൊട്ടിക്കൊള്ളൻ എന്നിവർ സംസാരിക്കും. ബിസിനസ് കോൺക്ലേവിെൻറ ഉദ്ഘാടനം ഗൾഫാർ പി. മുഹമ്മദലി നിർവഹിക്കും. ‘മാധ്യമം’ പബ്ലിഷർ ടി.കെ. ഫാറൂഖ്, ‘മീഡിയവൺ’ ഡയറക്ടർമാരായ വി.പി. അബൂബക്കർ, ഡോ. അഹ്മദ്, കല്യാൺ ജ്വല്ലേഴ്സ് എക്സിക്യൂട്ടിവ് ഡയറക്ടർ രാജേഷ് കല്യാണ രാമൻ, മെയ്ത്ര ഹോസ്പിറ്റൽ ഡയറക്ടർ െക.ഇ. മൊയ്തു എന്നിവർ സംബന്ധിക്കും. വിപണന മേള, സംരംഭകത്വ ശിൽപശാല, ബിസിനസ് കോൺക്ലേവ്, ഭക്ഷണത്തെരുവുകൾ, കലാസാംസ്കാരിക പ്രകടനങ്ങൾ തുടങ്ങി വൈവിധ്യമാർന്ന പരിപാടികളാണ് കമോൺ കേരളയിൽ സംഘടിപ്പിച്ചിരിക്കുന്നത്.
ഷാർജ ചേംബർ ഒാഫ് കോമേഴ്സ് ആൻഡ് ഇൻഡസ്ട്രിയുടെ കൂടി പങ്കാളിത്തത്തിൽ മെയ്ത്ര ഹോസ്പിറ്റൽ, കല്യാൺ ജ്വല്ലേഴ്സ്, മിനാർ ടി.എം.ടി എന്നിവരുടെ സഹകരണത്തോടെ സംഘടിപ്പിക്കുന്ന പരിപാടിയിൽ കേരളത്തിൽ നിന്നും ഗൾഫ് രാജ്യങ്ങളിൽ നിന്നുമായി നൂറുകണക്കിന് വാണിജ്യ സാംസ്കാരിക പ്രമുഖരും സ്ഥാപനങ്ങളും കൈകോർക്കുന്നുണ്ട്.
ഡോ. റീന, ലിസ മായിൻ, ഷഫീന യൂസുഫലി മികച്ച വനിത സംരംഭകർ
ജി.സി.സി പുരസ്കാരം ശൈഖ അംന, റഷ ദൻഹാനി എന്നിവർക്ക്
ദുബൈ: പെൺമയുടെ പെരുമയേറ്റിയ അഞ്ച് സംരംഭകത്വ പ്രതിഭകൾക്ക് പ്രഥമ ഇന്തോ^അറബ് വിമൻ എൻറർപ്രണർഷിപ്പ് അവാർഡ്. ഗൾഫ് മാധ്യമം സംഘടിപ്പിക്കുന്ന കമോൺ കേരള പ്രഥമ ഇന്തോ- അറബ് വാണിജ്യ^സാംസ്കാരിക നിക്ഷേപ സൗഹൃദ സംഗമത്തിെൻറ ഭാഗമായി ഏർപ്പെടുത്തിയ പുരസ്കാരത്തിന് കേരളത്തിൽ നിന്ന് ഡോ.റീന അനിൽ കുമാർ, ലിസ മായിൻ എന്നിവർ അർഹരായി. ശൈഖ അംന അൽ നുെഎമി, റഷ അൽ ദൻഹാനി, ഷഫീന യൂസുഫലി എന്നിവരാണ് ജി.സി.സിയിൽ നിന്ന് തിരഞ്ഞെടുക്കപ്പെട്ടത്.
കേരളത്തിന് ഉതകുന്ന സംയോജിത ജൈവ കൊതുക് നിയന്ത്രണരീതികൾ പരിചയപ്പെടുത്തിയതാണ് ഡോ. റീന അനിൽ കുമാറിനെ അവാർഡിനർഹയാക്കിയത്. ദക്ഷിണേന്ത്യയിലെ ആദ്യ ടെന്നിസ്ബാൾ ഫാക്ടറി സ്ഥാപിച്ച് വിജയപഥത്തിലെത്തിച്ചതാണ് ലിസ മായിെൻറ മികവ്. ജില്ല വ്യവസായ കേന്ദ്രങ്ങളുടെ സഹകരണത്തോടെ മുൻ ചീഫ് സെക്രട്ടറിമാരായ നളിനി നെറ്റോ, ഡോ. ഷീലാ തോമസ്, കൊച്ചി മെട്രോ റെയിൽ ലിമിറ്റഡ് എം.ഡി എ.പി.എം. മുഹമ്മദ് ഹനീഷ് എന്നിവരടങ്ങിയ ജൂറിയാണ് കേരളത്തിൽ നിന്നുള്ള ജേതാക്കളെ കണ്ടെത്തിയത്.
ടേബിൾസ് എന്ന പുതുമയാർന്ന ഭക്ഷ്യശാലാ സങ്കൽപവും ജി.സി.സിയിൽ സാമൂഹിക പ്രതിബദ്ധതയിലൂന്നിയ സംരംഭകത്വവുമാണ് ഷഫീന യൂസുഫലിയെ ശ്രദ്ധേയയാക്കിയത്.
അജ്മാൻ രാജകുടുംബാംഗം കൂടിയായ ശൈഖ അംന ആർട്ടി എന്ന ഡിസൈൻ ഫർണിച്ചർ സ്റ്റുഡിയോയുടെ സ്ഥാപകയാണ്. പപ്പറൊട്ടി ഇൻറർനാഷനൽ ജനറൽ ട്രേഡിങ്, ബ്രാൻഡ് നോയിസ്, അൽ റഷ ഇൻവെസ്റ്റ്മെൻറ് എന്നിവയുടെ ചാലക ശക്തിയാണ് റഷ അൽ ദൻഹാനി. പ്രമുഖ ഭേക്ഷ്യാൽപന്ന ബ്രാൻഡായ ഇൗസ്റ്റേൺ ഗ്രൂപ്പുമായി സഹകരിച്ച് ഏർപ്പെടുത്തിയ പുരസ്കാരം 27ന് നടക്കുന്ന കമോൺ കേരള സമാപന ചടങ്ങിൽ സമർപ്പിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.