അബ്ദുറഹ്മാൻ രണ്ടത്താണിക്ക് സ്വീകരണം നൽകി
text_fieldsഅബൂദബി: മുസ്ലിംലീഗ് സംസ്ഥാന സെക്രട്ടറിയായി തെരഞ്ഞെടുക്കപ്പെട്ട താനൂർ മുൻ എം.എൽ.എ അബ്ദുറഹ്മാൻ രണ്ടത്താണിക്ക് അബൂദബി കൽപകഞ്ചേരി പഞ്ചായത്ത് കെ.എം.സി.സി ഇന്ത്യൻ ഇസ്ലാമിക് സെൻററിൽ സ്വീകരണം നൽകി. തിരൂർ മണ്ഡലം ജനറൽ സെക്രട്ടറി സി.കെ. ഹുസൈൻ ഉപഹാരം നൽകി. മണ്ഡലം വൈസ് പ്രസിഡൻറ് ടി.പി. അബ്ദുൽ കരീം പൊന്നാടയണിയിച്ചു.അബൂദബി കൽപകഞ്ചേരി പഞ്ചായത്ത് കെ.എം.സി.സി കമ്മിറ്റിയുടെ അടുത്ത ഒരു വർഷത്തേക്കുള്ള കർമപദ്ധതി അബ്ദുറഹ്മാൻ രണ്ടത്താണി പ്രകാശനം ചെയ്തു. അബൂഹാജി കളപ്പാട്ടിൽ യോഗം ഉദ്ഘാടനം ചെയ്തു. മുഹമ്മദ് ബദർ അധ്യക്ഷത വഹിച്ചു. ഇസ്ലാമിക് സെൻറർ ട്രഷറർ സലാം ഒഴൂർ, നാസർ പറമ്പിൽ, അഷ്റഫ് പൊന്നാനി, ഹിദായത്തുല്ല, ഹംസ ഹാജി മാറാക്കര, ഹംസു ഹാജി പാറയിൽ, നാസർ പറമ്പാട്ട് എന്നിവർ സംസാരിച്ചു. മുഹമ്മദ് ജാസിം സ്വാഗതവും ബഷീർ ചെമ്മുക്കൻ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.