മക്കയിൽ സീസണുകളിലെ ടാക്​സി ജോലി സ്വദേശികൾക്ക്​ മാത്രമാക്കണം ^ഡെപ്യൂട്ടി ഗവർണർ

ജിദ്ദ: മക്ക പട്ടണ പരിധിക്കുള്ളിൽ സീസണുകളിലെ ടാക്​സി ജോലികൾ സ്വദേശികൾക്ക്​ മാത്രമാക്കണമെന്ന്​  ഡെപ്യൂട്ടി ഗവർണർ അമീർ അബ്​ദുല്ല ബിൻ ബന്ദർ പറഞ്ഞു. മേഖല തൊഴിൽ സ്വദേശിവത്​കരണ പദ്ധതി ഉദ്​ഘാടനം ചെയ്യുകയായിരുന്നു ഡെപ്യൂട്ടി ഗവർണർ. ജിദ്ദ ഗവർണറേറ്റ്​ ആസ്​ഥാനത്ത്​ നടന്ന പരിപാടിയിൽ തൊഴിൽ സാമൂഹ്യ വികസന സഹമന്ത്രി അഹ്​മദ്​ ബിൻ സ്വാലിഹ്​ അൽഹുമൈദാൻ, ബന്ധപ്പെട്ട വകുപ്പ്​ പ്രതിനിധികൾ പ​െങ്കടുത്തു. 
 സ്വദേശി യുവതി യുവാക്കൾക്ക്​ കൂടുതൽ തൊഴിൽ നൽകുകയാണ്​ പദ്ധതിയിലൂടെ ലക്ഷ്യമിടുന്നതെന്ന്​  മന്ത്രി പറഞ്ഞു. 
കഴിവുകൾ വളർത്തിക്കൊണ്ടു വരുന്നതിന്​ പരിശീലനം നൽകുന്നതടക്കമുള്ള കാര്യങ്ങൾ പദ്ധതിയിലുണ്ട്​. വിവിധ വകുപ്പുകളുമായി സഹകരിച്ചായിരിക്കും  ഇത്​ നടപ്പിലാക്കുക. മേഖല ഗവർണറുടെ മേൽനോട്ടത്തിൽ  സമിതികൾ ഉണ്ടായിരിക്കും. സ്വദേശിവത്​കരണ തീരുമാനം നടപ്പിലാക്കുന്നുണ്ടോ എന്ന്​​ ഉറപ്പുവരുത്തും. ഇതിനായി സ്​ഥാപനങ്ങൾ പരിശോധിക്കുമെന്നും തൊഴിൽ സഹമന്ത്രി പറഞ്ഞു.