സ്കൂൾ ഭരണ സമതിയുമായി ഒ.െഎ.സി.സി ചർച്ച നടത്തി
text_fieldsജിദ്ദ: ഇന്ത്യൻ സ്കൂൾ ഭരണസമിതിയുമായി ഒ.ഐ.സി.സി ജിദ്ദ വെസ്റ്റേൺ റീജണൽ കമ്മിറ്റി ഭാരവാഹികൾ ചർച്ച നടത്തി. ഒമ്പതാം ക്ലാസ് മുതലുള്ള കുട്ടികൾക്കു കൂടി അഡ്മിഷൻ സാധ്യമാക്കണമെന്നും, രക്ഷിതാക്കളെ ബുദ്ധിമുട്ടിക്കുന്ന തരത്തിൽ ഫീസ് വർധന ഉണ്ടാക്കരുതെന്നും ആവശ്യപ്പെട്ടു.
രക്ഷിതാക്കളുടെ ആശങ്കകൾ ഇല്ലാതാക്കുന്നതിന് വേണ്ട നടപടികൾ സ്വീകരിക്കുമെന്നും, എല്ലാവശവും പരിശോധിച്ച് യുക്തമായ തീരുമാനം കൈകൊള്ളുമെന്നും, ഭരണ സമതി അറിയിച്ചു. ചെയർമാൻ ആസിഫ് ദാവൂദി, അംഗങ്ങളായ ഇഖ്ബാൽ പൊക്കുന്ന്, അഡ്വ. കെ. ശംസുദ്ദീൻ, മോഹൻ ബാലൻ, നൂറുൽ അമീൻ, താഹിർ അലി എന്നിവരുമായി ഒ.ഐ.സി.സി റീജണൽ കമ്മിറ്റി പ്രസിഡൻറ് കെ.ടി.എ മുനീർ, ജനറൽ സെക്രട്ടറിമാരായ സാകിർ ഹുസൈൻ എടവണ്ണ, ജോഷി വർഗീസ്, നൗഷാദ് അടൂർ എന്നിവർ ചർച്ച നടത്തിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.