Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദി...

സൗദി ആരോഗ്യമന്ത്രാലയവുമായി നോർക റൂട്ട്​സ്​ കരാറൊപ്പിട്ടു

text_fields
bookmark_border
സൗദി ആരോഗ്യമന്ത്രാലയവുമായി നോർക റൂട്ട്​സ്​ കരാറൊപ്പിട്ടു
cancel

റിയാദ്​: സൗദി ആരോഗ്യമന്ത്രാലയത്തി​​​െൻറ ഇന്ത്യയിലെ ഒൗദ്യോഗിക റിക്രൂട്ടിങ്​​ ഏജൻറായി ഇനി നോർക റൂട്ട്​സും. ഇത്​ സംബന്ധിച്ച കരാറിൽ ഇരുപക്ഷവും ഒപ്പുവെച്ചു. വ്യാഴാഴ്​ച രാവിലെ റിയാദിലെ ആരോഗ്യമന്ത്രാലയത്തിൽ നടന്ന ചടങ്ങിൽ മന്ത്രാലയം ഹ്യൂമൻ റിസോഴ്​സ്​ വിഭാഗം ജനറൽ മാനേജർ ആയിദ്​ അൽഹർതിയും നോർക റൂട്ട്​സ്​ സി.ഇ.ഒ ഡോ. കെ.എൻ രാഘവനുമാണ്​ ഉടമ്പടിയിൽ ഒപ്പുവെച്ചത്​. സൗദി അറേബ്യയിലേക്ക്​ ആവശ്യമായ ഡോക്​ടർ, നഴ്​സ്​, മറ്റ്​ പാരാമെഡിക്കൽ ജീവനക്കാരെ റിക്രൂട്ട്​ ചെയ്യാനുള്ള അംഗീകാരമാണിത്​. ഇതോടെ റിക്രൂട്ട്​മ​​െൻറ്​ കൂടുതൽ സുതാര്യവും ഉത്തരവാദപരവും ചെലവ്​ കുറഞ്ഞതുമാകുമെന്ന്​ സി.ഇ.ഒ ഡോ. കെ.എൻ രാഘവൻ പിന്നീട്​ വാർത്താസമ്മേളനത്തിൽ അറിയിച്ചു. 

റിക്രൂട്ട്​മ​​െൻറ് നടപടികൾ വളരെ സുതാര്യവും എളുപ്പവുമാകും. ചെലവ്​ 20,000 രൂപയും ജി.എസ്​.ടി ശതമാനവും ചേർന്ന തുകയായിരിക്കും. റിക്രൂട്ടിങ്​ രംഗത്തെ കുറഞ്ഞ ചെലവാണിത്​. സർക്കാർ ഏജൻസിയാണെന്ന ഉത്തരവാദിത്തം റിക്രൂട്ട്​മ​​െൻറുകൾക്കുണ്ടാവും. ഉദ്യോഗാർഥികൾക്ക്​ പൂർണ നിയമ സുരക്ഷ ഉറപ്പാക്കാം. കേരളത്തിൽ നിന്നുള്ളവർക്കാണ്​ മുൻഗണന നൽകുക. എന്നാൽ യോഗ്യരായ മറ്റ്​ സംസ്​ഥാനക്കാർ അപേക്ഷിച്ചാൽ അവഗണിക്കില്ല. തൊഴിലവസരങ്ങളെ കുറിച്ചുള്ള വിവരങ്ങൾ അപ്പപ്പോൾ നോർക റൂട്ട്​സ്​ വെബ്​സൈറ്റും (www.norkaroots.net) മാധ്യമങ്ങളും വഴി പരസ്യപ്പെടുത്തും. അവസരം തേടുന്നവർ www.jobsnorka.gov.in എന്ന ജോബ്​ പോർട്ടലിൽ രജിസ്​റ്റർ ചെയ്യണം. 

2015 മുതൽ വിദേശ റിക്രൂട്ട്​മ​​െൻറ്​ രംഗത്ത്​ നോർക റൂട്ട്​സുണ്ട്​. സൗദിയിലെ സ്വകാര്യമേഖലയിലേക്ക്​ നിലവിൽ വിവിധ തസ്​തികകളിൽ റിക്രൂട്ട്​മ​​െൻറ്​ നടത്തിവരുന്നുണ്ട്​. സ്വകാര്യ ആരോഗ്യ സ്​ഥാപനങ്ങളിലേക്ക്​  പ്രതിമാസം 200ഒാളം റിക്രൂട്ട്​മ​​െൻറുകളാണ്​​ നടക്കുന്നുത്​​. പൊതുമേഖലയിലെ അവസരങ്ങൾ കൂടി വരുന്നതോടെ ഇൗ കണക്കിൽ വലിയ വർധനയുണ്ടാവും. മാത്രമല്ല മന്ത്രാലയവുമായി ഒപ്പുവെച്ചതോടെ കൂടുതൽ സ്വകാര്യ സ്ഥാപനങ്ങളും തങ്ങളെ സമീപിച്ച്​ തുടങ്ങുമെന്നും ഡോ. രാഘവൻ പറഞ്ഞു. ഇന്ത്യയിൽ നിന്ന്​ റിക്രൂട്ട്​ ചെയ്യാൻ സൗദി സർക്കാറി​​​െൻറ അംഗീകാരം ലഭിക്കുന്ന രണ്ടാമത്തെ സർക്കാർ ഏജൻസിയാണ്​ നോർക. ഒഡെപെക്​ ആണ്​ ആദ്യത്തേത്​. രണ്ടും കേരളത്തി​േൻറതാണെന്ന പ്രത്യേകതയുമുണ്ട്​. 

നോർക റൂട്ട്​സ്​ ഇതാദ്യമായാണ്​ ഒരു വിദേശ മന്ത്രാലയവുമായി കരാറുണ്ടാക്കുന്നത്​. ഇതര​ രാജ്യങ്ങളിലെ ആരോഗ്യ വകുപ്പുകളുമായും സമാനമായ ഉടമ്പടിക്ക്​ ശ്രമം നടത്തും. വിദേശത്ത്​ പോകുന്ന ഉദ്യോഗാർഥികൾക്ക്​ മുൻകൂട്ടി പരിശീലനം നൽകുന്ന പദ്ധതിയും നോർക ആരംഭിച്ചിട്ടുണ്ട്​. ​സ്​കിൽ അപ​്​ഗ്രേഡേഷൻ ട്രെയിനിങ്​, പ്രീ ഡിപ്പാർച്ചർ ഒാറിയ​േൻറഷൻ​ പ്രോഗ്രാം എന്നിവയുടെ കീഴിൽ നിരവധി ഉദ്യോഗാർഥികൾക്ക്​ പരിശീലനം നൽകിവരുന്നു. പരിശീലനം പൂർത്തിയാക്കുന്നവർക്ക്​ സർട്ടിഫിക്കറ്റ്​ നൽകുന്നതിനെയും അറബി ഭാഷ പരിശീലിപ്പിക്കാനുള്ള പദ്ധതി തുടങ്ങുന്നതിനെയും കുറിച്ച്​ ആലോചിക്കുമെന്നും ഡോ. രാഘവൻ കൂട്ടിച്ചേർത്തു. കരാർ ഒപ്പുവെക്കൽ ചടങ്ങിൽ മന്ത്രാലയം ഉ​ന്നതോദ്യോഗസ്​ഥൻ ഡോ. മുഹമ്മദ്​ അൽദഖൈതർ, നോർക റൂട്ട്​സ് ജനറൽ മാനേജർ ബി. ഗോപകുമാരൻ നായർ, സൗദി പ്രതിനിധി ശിഹാബ്​ കൊട്ടുകാട്​, ലുലു ഗ്രൂപ്​ റിയാദ്​ റീജനൽ ഡയറക്​ടർ ഷെഹീം മുഹമ്മദ്​ എന്നിവരും പ​െങ്കടുത്തു.​ 


തിരുവനന്തപുരത്ത്​ ‘ലോക കേരള സഭ’ സംഘടിപ്പിക്കും
ലോകത്താകമാനമുള്ള പ്രവാസി മലയാളികളുടെയും ഇന്ത്യയിലെ ഇതര സംസ്​ഥാനങ്ങളിൽ കഴിയുന്ന മറുനാടൻ മലയാളികളുടെയും വിവിധ പ്രശ്​നങ്ങൾ ചർച്ച ചെയ്യുന്നതിന്​ നോർക റൂട്ട്​സി​​​െൻറ ആഭിമുഖ്യത്തിൽ ‘ലോക കേരള സഭ’ സംഘടിപ്പിക്കുമെന്ന്​ സി.ഇ.ഒ ഡോ. കെ.എൻ രാഘവൻ റിയാദിൽ വാർത്താസമ്മേളനത്തിൽ അറിയിച്ചു. അടുത്ത വർഷം ജനുവരിയിലാകും സഭ ചേരുക. ഇതിന്​ വേണ്ടി പ്രവാസി സംഘടനകളുടെ രജിസ്​ട്രേഷൻ ആരംഭിച്ചിട്ടുണ്ട്​. നോർക റൂട്ട്​സി​​​െൻറ വെബ്​സൈറ്റിലാണ്​ സംഘടനകൾ രജിസ്​റ്റർ ചെയ്യേണ്ടത്​. സ്വന്തം അംഗങ്ങളിൽ 500 പേർക്കെങ്കിലും നോർക തിരിച്ചറിയൽ കാർഡുള്ള സംഘങ്ങൾക്കാണ്​ സഭയിൽ പ്രാതിനിധ്യം വഹിക്കാൻ മുന്തിയ പരിഗണന ലഭിക്കുക. ലോകത്ത്​ വിവിധയിടങ്ങളിലായി മൊത്തം 24 ലക്ഷം പ്രവാസിമലയാളികളുണ്ടെന്നാണ്​ അനുമാനം. ഇത്​ ശരിയായ കണക്കാകണമെന്നില്ല. 

കൃത്യമായ വിവരശേഖരണത്തിന്​ നോർക റൂട്ട്​സ്​ ശ്രമം തുടങ്ങിയിട്ടുണ്ട്​. പ്രവാസി സംഘടനകൾ വഴിയുള്ള വിവര ശേഖരണവും നടക്കുന്നുണ്ട്​. ഒാൺലൈൻ രജിസ്​ട്രേഷനിലൂടെയും വിവരം ശേഖരിക്കുന്നുണ്ട്​. വിദേശത്ത്​ തൊഴിലെടുക്കുന്ന മലയാളികളുടെ തസ്​തിക തിരിച്ച്​ തന്നെയുള്ള കണക്ക്​ ശേഖരിക്കും. തിരിച്ചറിയൽ കാർഡിന്​ അപേക്ഷിക്കുന്നവരുടെ എണ്ണത്തിൽ വൻവർധനയുണ്ടായിട്ടുണ്ട്​. കഴിഞ്ഞ വർഷം മാത്രം രണ്ടുലക്ഷം പേർ അപേക്ഷിച്ചു. ഇത്രയും കനത്തതോതിൽ അപേക്ഷകളെത്തിയപ്പോൾ പെ​െട്ടന്ന്​ കൈകാര്യം ചെയ്യാനുള്ള സൗകര്യമില്ലാത്തതാണ്​ കാർഡ്​ വിതരണം വൈകിപ്പിക്കുന്നത്​.

അപേക്ഷകൾ കൈകാര്യം ചെയ്യാൻ കുടുംബശ്രീക്കാരെയും മറ്റും ഉപയോഗപ്പെടുത്താൻ തീരുമാനിച്ചിട്ടുണ്ട്​. ഒാൺലൈനിലൂടെ അപേക്ഷ നൽകാനുള്ള സൗകര്യം ഏർപ്പെടുത്തിയിട്ടുണ്ട്​. കാർഡിനുള്ള ഫീസ്​ ഒാൺലൈനായി അടക്കാനുള്ള സംവിധാനം അടുത്ത മാസത്തോടെ നിലവിൽ വരും. നോർക റൂട്ട്​സി​​​െൻറ കീഴിലുള്ള സാന്ത്വനം പോലുള്ള പദ്ധതികളിലേക്ക്​ ഒാൺലൈനായി അപേക്ഷിക്കാനുള്ള സംവിധാനം വന്നിട്ടുണ്ട്​. പ്രവാസി പുനരധിവാസ പദ്ധതിയിൻ കീഴിൽ ഇതുവരെ 16,500 സ്വയം തൊഴിൽ സംരംഭകർ വായ്​പക്ക്​ അപേക്ഷിച്ചു. എന്നാൽ 1,500 പേർക്ക്​ മാത്രമേ വായ്​പ ലഭിച്ചിട്ടുള്ളൂ. നിലവിൽ പൊതുമേഖല ബാങ്കുകളിൽ നിന്ന്​ മാത്രമേ വായ്​പ കിട്ടുന്നുള്ളൂ. ഇനി സഹകരണ ബാങ്കുകളെയും പിന്നോക്ക വികസന കോർപ്പറേഷനെയും മറ്റ്​ ധനകാര്യസ്ഥാപനങ്ങളെയും വായ്​പപദ്ധതിയിൽ ഉൾപ്പെടുത്തും. അപ്പോൾ കൂടുതലാളുകൾക്ക്​ വായ്​പ കിട്ടും. വ്യവസ്​ഥ പ്രകാരം സബ്​സിഡിയും പലിശയിൽ നിരക്കിളവും നൽകുന്നുണ്ട്​. വാർത്താസമ്മേളനത്തിൽ ജനറൽ മാനേജർ ബി. ഗോപകുമാരൻ നായർ, ശിഹാബ്​ കൊട്ടുകാട്​, ലുലു ഗ്രൂപ്​ പ്രതിനിധി ഷഹീം മുഹമ്മദ്​ എന്നിവരും പ​െങ്കടുത്തു. 

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsmalayalam newssaudi health ministryNorka Root
News Summary - saudi health ministry sign with norka roots-Gulf news
Next Story