ഇവിടെയിതാ മഞ്ഞുകാലത്തെ സുകൃതം
text_fieldsറിയാദ്: ഇൗ കമ്പിളിപ്പുതപ്പുകൾ അർഹരായ പാവങ്ങളെ കാത്തിരിക്കയാണ്. കൊടുംതണുപ്പ് താങ്ങാനാവാതെ ദുരിതമനുഭവിക്കുന്ന പാവങ്ങളെ സഹായിക്കാനാണ് റിയാദിലെ അൽ റയാൻ ഡിസ്ട്രിക്ടിലെ സുമനസ്സുകൾ ഇങ്ങനെ ഒരു ആശയം നടപ്പിലാക്കിയത്. റോഡിലെ തണൽമരങ്ങളിൽ തൂക്കിയിട്ടിരിക്കുന്ന കമ്പിളിക്കിറ്റുകൾ അർഹരായവർക്ക് എടുക്കാം. കാശില്ലാത്തതിെൻറ പേരിൽ ഇവിടെയാരും തണുത്ത് വിറക്കരുത് എന്ന സന്ദേശം പകരുന്ന കാഴ്ച. ഇതിെൻറ വീഡിയോ സാമൂഹിക മാധ്യമങ്ങളിൽ വൈറലായി. ഇൗ സുകൃതം മറ്റുള്ളവരും മാതൃകയാക്കണമെന്ന് അഭിപ്രായമുയരുന്നുണ്ട്.
അതേ സമയം അഭിപ്രായവ്യത്യാസങ്ങളും ചിലർ രേഖപ്പെടുത്തി. ഏതായാലും നല്ല ആശയമാണെന്നും കൂടുതൽ പേർ ഇത് മാതൃകയാക്കണമെന്നുമാണ് ഭൂരിപക്ഷം പേരും പറയുന്നത്. ഇൗ വർഷം നല്ല തണുപ്പ് ഉണ്ടാവുമെന്ന് സോഷ്യൽ മീഡിയയിൽ നേരത്തെ പ്രചാരണമുണ്ടായിരുന്നു. കാലാവസ്ഥ അധികൃതർ പക്ഷെ കൊടുംതണുപ്പ് പ്രവചിക്കുന്നില്ല. ഏതായാലും റിയാദിൽ രണ്ട് ഡിഗ്രി വരെ അന്തരീക്ഷ ഉൗഷ്മാവ് താഴ്ന്ന അവസ്ഥയുണ്ടായി. നാല് ദിവസമായി തണുപ്പിന് ആശ്വാസമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.