തിരുവനന്തപുരം സ്വദേശി ഹാഇലിൽ മരിച്ചു

ഹാഇൽ: ഹൃദയാഘാതം മൂലം മലയാളി ഹാഇലിൽ മരിച്ചു. തിരുവനന്തപുരം വള്ളക്കടവ്​ സ്വദേശി നാസറാണ്​ (53) ഞായറാഴ്​ച പുലർച്ചെ 4.30ഒാടെ ഇവിടെ ആശുപത്രിയിൽ മരിച്ചത്​. 30 വർഷമായി ഹാഇലിൽ ജോലി ചെയ്യുന്നു. നാട്ടിൽ അവസാനം പോയി മടങ്ങിയത്​ രണ്ടര വർഷം മുമ്പാണ്​. ഭാര്യ: ഹംസത്ത്​. മക്കൾ: നൂഹ (പ്ലസ്​ വൺ വിദ്യാർഥിനി), നൗഫ (ആറാം ക്ലാസ്​ വിദ്യാർഥിനി). പരേതരായ മസൂദ്​, സുഹറാ ബീവി എന്നിവരാണ്​ മാതാപിതാക്കൾ. ഹാഇൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ഇവിടെ തന്നെ ഖബറടക്കും.