പാലക്കാട്​ സ്വദേശി കുഴഞ്ഞു വീണു മരിച്ചു

അൽബാഹ: പാലക്കാട് മണ്ണാർക്കാട് തച്ചമ്പാറ തെക്കുംപുറം മുഹമ്മദലി (56) അൽബാഹയിൽ കുഴഞ്ഞു വീണു മരിച്ചു. കഴിഞ്ഞ ദിവസം ഇശാ നമസ്കാരത്തിനിടെയാണ് മരണം. അൽബാഹയിലെ മന്ദഖിൽ ബഖാല ജീവനക്കാരനാണ്. പരേതരായ തമ്പി റാവുത്തറി​െൻറയും  ഫാത്തിമയുടെയും മകനാണ്.

 

33 വർഷമായി പ്രവാസിയായ മുഹമ്മദലി സൗദിയുടെ പല ഭാഗങ്ങളിലും ജോലി ചെയ്തിട്ടുണ്ട്. ഭാര്യ: വട്ടക്കാട്ടിൽ സുഹ്റ. മക്കൾ: റിയാസ്, രഹ്ന. മരുമക്കൾ: റഷീദ് ,സബൂറ. സഹോദരങ്ങൾ: അസീസ് (റിയാദ്), ഹനീഫ, ഹമീദ്. മൃതദേഹം അൽബാഹയിൽ  ഖബറടക്കും.