അൽവക്​റ സ്​റ്റേഡിയം നിശ്​ചിത സമയത്ത്​ പൂർത്തിയാവും 

ദോഹ: 2022ലെ ലോകകപ്പ്​ ഫുട്​ബാൾ മാമാങ്കത്തിനായി  ഒരുങ്ങുന്ന ഖത്തറിലെ കളിത്തട്ടുകൾ അതിവഗേം  പൂർണതയിലേക്ക്​. ലോകകപ്പിന്​ അഞ്ചു വർഷം മുമ്പുതന്നെ  പ്രധാന സ്​റ്റേഡിയങ്ങളിലൊന്ന്​ ഉദ്​ഘാടനം ചെയ്​ത്​  ലോകത്തെ അതിശയിപ്പിച്ച ഖത്തർ രണ്ടാമത്തെ സ്​റ്റേഡിയവും  നിശ്​ചിത സമയത്തിനുള്ളിൽ സജ്ജമാവുമെന്ന്​ പ്രഖ്യാപിച്ചു. 

ഖലീഫ സ്​റ്റേഡിയമാണ്​ ഇൗ വർഷമാദ്യം തുറന്നത്​.  അതിനുപിന്നാലെ അൽവക്​റ സ്​റ്റേഡിയം അടുത്തവർഷം  ഉദ്​ഘാടനം ചെയ്യുമെന്നാണ്​ രാജ്യത്തി​​െൻറ പ്രഖ്യാപനം. സ്​റ്റേഡിയത്തി​​െൻറ നിർമാണപ്രവർത്തനങ്ങൾ ഭംഗിയായി  മുന്നോട്ടുപോയിക്കൊണ്ടിരിക്കുകയാണെന്ന​ും നിശ്​ചിത  സമയത്തിനുള്ളിൽ പൂർത്തിയാവുമെന്നും പ്രൊജക്റ്റ്​ മാനേജർ  താനി ഖലീഫ അൽസാറ അറിയിച്ചു. സ്​റ്റേഡിയത്തി​​െൻറ  കോൺക്രീറ്റ്​ ജോലിയുടെ 50 ശതമാനത്തിലധികം  പൂർത്തിയായിക്കഴിഞ്ഞു. മേൽക്കുരക്കുള്ള സ്​റ്റീലും  എത്തിയിട്ടുണ്ട്​. ഉപരോധം നിർമാണപ്രവർത്തനങ്ങളെ  ബാധിച്ചിട്ടില്ലെന്നും ബദൽ വിപണികളിൽനിന്ന്​ ആവ​ശ്യമായ  സാധനങ്ങളെല്ലാം എത്തുന്നുണ്ടെന്നും അൽസാറ  കൂട്ടിച്ചേർത്തു. 

കഴിഞ്ഞവർഷം അന്തരിച്ച പ്രശസ്​ത ആർക്കിടെക്​റ്റ്​ സഹ മുഹമ്മദ്​ ഹദീദ്​ ആണ്​ മുത്തുവാരൽ തൊഴിലാളികൾ  ഉപയോഗിച്ചിരുന്ന പരമ്പരാഗത പായക്കപ്പലി​​െൻറ  മാതൃകയിലുള്ള അൽവക്​റ സ്​റ്റേഡിയം രൂപകൽപന ചെയ്​തത്​. 40,000 പേർക്ക്​ കളി കാണാനുള്ള സൗകര്യമുണ്ട്​ സ്​റ്റേഡിയത്തിൽ. നീന്തൽകുളങ്ങൾ, സ്​പാകൾ, ഹരിത  മേൽക്കൂരയുള്ള ഷോപ്പിങ്ങ്​ സ​െൻറർ, മൾട്ടിപർപ്പസ്​ റൂം എന്നിവയും സ്​റ്റേഡിയത്തോടനുബന്ധിച്ചുണ്ട്​. ലോകകപ്പിന​ുശേഷം അൽവക്​റ സ്​റ്റേഡിയം, അൽവക്​റ സ്​​േപാർട്​സ്​  ക്ലബി​​െൻറ ഹോം​ഗ്രൗ​ണ്ടായി മാറും. അതോടെ സ്​റ്റേഡിയത്തി​ ​െൻറ ശേഷി 20,000 ആയി കുറക്കും. ബാക്കി 20,000 സീറ്റുകൾ  വികസ്വര രാജ്യങ്ങളിലെ കായിക അടിസ്​ഥാന സൗകര്യ വികസനത്തിനായി സംഭാവന ചെയ്യും.