തെരഞ്ഞെടുപ്പ്​ ഫലങ്ങൾ മോദിയുടെ പരാജയത്തി​െൻറ അടയാളങ്ങൾ –ഷി​ബു മീ​രാ​ന്‍

ദോഹ: മോദിയുടെ നേതൃത്വത്തിലുള്ള ഫാഷിസ്​റ്റ്​ സർക്കാറി​​​െൻറ പരാജയം അടുത്താണെന്നും ഇതിനുള്ള സൂചനകളാണ്​ അടുത്തിടെ നടന്ന തെരഞ്ഞെടുപ്പ്​ ഫലങ്ങളെന്നും മു​സ്​ലിം യൂ​ത്ത് ലീ​ഗ് ദേ​ശീ​യ നി​ര്‍വാ​ഹ​ക​സ​മി​തി​യം​ഗം ഷി​ബു മീ​രാ​ന്‍ പറഞ്ഞു. ജിഗ്​നേഷ്​ മേവാനിയും ഹാർത്തിക്​ പ​േട്ടലും സംഘ്​പരിവാറിന്​ ഉയർത്തുന്ന വെല്ലുവിളികൾ കനത്തതാണ്​. ഇത്തരം കൂട്ടായ്​മകളെ പിന്തുണക്കുകയാണ്​ മതേതര കക്ഷികൾ ചെയ്യേണ്ടതെന്നും അദ്ദേഹം ദോഹയിൽ വാ​ര്‍ത്താ​സ​മ്മേ​ള​ന​ത്തി​ല്‍ പ​റ​ഞ്ഞു. മ​തേ​ത​ത​ര ചേ​രി ശ​ക്തി​യാ​ര്‍ജി​ക്കു​ന്നു​ണ്ട്​. ഒത്തൊരുമിച്ച്​ പൊ​രു​തി​യാ​ല്‍ ന​രേ​ന്ദ്ര​മോ​ദി​യെ​യും ഫാ​ഷി​സ്റ്റ് ഭീ​ഷ​ണി​ക​ളെ​യും കീ​ഴ്പ്പെ​ടു​ത്താ​നാ​കു​ം. ഫാ​ഷി​സ​ത്തെ പ്ര​തി​രോ​ധി​ക്കാ​ന്‍ നി​ല​വി​ലു​ള്ളത് കോ​ണ്‍ഗ്ര​സാ​ണ്. ഗു​ജ​റാ​ത്ത്, രാ​ജ​സ്ഥാ​ന്‍ തെ​ര​ഞ്ഞെ​ടു​പ്പു​ക​ളി​ലെ​ല്ലാം ഇ​തു വ്യ​ക്ത​മാ​ക്കു​ന്നു​ണ്ട്. ക​ര്‍ണാ​ട​ക​യി​ല്‍ കോ​ണ്‍ഗ്ര​സ് വീ​ണ്ടും​ തി​രി​ച്ചെ​ത്താ​നാ​ണ് സാ​ധ്യ​ത. ബി​ജെ​പി​യെ​യും സം​ഘ​പ​രി​വാ​ര്‍ രാ​ഷ്ട്രീ​യ​ത്തെ​യും ചെ​റു​ക്കു​ന്ന​തി​ന് കോ​ണ്‍ഗ്ര​സി​ന് സാ​ധി​ക്കു​ന്നു​ണ്ട്. ഗു​ജ​റാ​ത്ത് തെ​ര​ഞ്ഞെ​ടു​പ്പി​ലു​ള്‍പ്പ​ടെ വ​ര്‍ഗീ​യ​തയാ​ണ് ബി​ജെ​പി പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. 

അ​തി​നെ​തി​രെ മ​തേ​ത​ര​ചേ​രി സ്വാ​ധീ​നം വീ​ണ്ടെ​ടു​ക്കു​ന്നു​ണ്ടെന്നും അദ്ദേഹം പറഞ്ഞു.പി​ണ​റാ​യി വി​ജ​യ​​​​െൻറ നേ​തൃ​ത്വ​ത്തി​ലു​ള്ള ഇ​ട​തു​സ​ര്‍ക്കാ​ർ ഭ​ര​ണ​ത്തി​ല്‍ സം​ഘ​്​പ​രി​വാ​ര്‍ സ്വാ​ധീ​നം വ​ര്‍ധി​ക്കു​ക​യാ​ണ്​. കേരളത്തിൽ പോലും ആളുകളെ ശാരീരികമായി കൈയേറ്റം ചെയ്യുന്നു. എന്നാൽ ഇതിനെതിരെ സർക്കാർ ഒന്നും ചെയ്യുന്നില്ല. പറവൂരിൽ മുജാഹിദ്​ പ്രവർത്തകർ ആക്രമിക്ക​െപ്പട്ടത്​ ഇതിന്​ ഉദാഹരണമാണ്​. വി​ദ്യാ​ഭ്യാ​സ, സാ​മൂ​ഹി​ക മേ​ഖ​ല​ക​ളി​ലെ​ല്ലം സം​ഘ​്​പ​രി​വാ​റി​​​​െൻറ വ​ര്‍ധി​ച്ച സ്വാ​ധീ​നം പ്ര​ക​ട​മാ​ണ്. ഒ​രു ക​മ്യൂ​ണി​സ്റ്റ് ഭ​ര​ണ​കൂ​ട​ത്തി​ന് മ​റ്റെ​ന്തെ​ല്ലാം കു​റ​വു​ക​ളു​ണ്ടെ​ങ്കി​ലും ആ​ര്‍എ​സ്എ​സി​നും സം​ഘ്​​പ​രി​വാ​ര്‍ ശ​ക്തി​ക​ള്‍ക്കു​മെ​തി​രെ ശ​ക്ത​മാ​യ നി​ല​പാ​ട് സ്വീ​ക​രി​ക്കു​മെ​ന്ന വി​ശ്വാ​സം പൊ​തു​സ​മൂ​ഹ​ത്തി​നു​ണ്ടാ​യി​രു​ന്നു. ആ ​വി​ശ്വാ​സം പി​ണ​റാ​യി സ​ര്‍ക്കാ​ര്‍ ത​ക​ര്‍ത്തു. 

പോ​ലീ​സ് സേ​ന പോ​ലും ആ​ര്‍എ​സ്എ​സ് ചി​ന്താ​ഗ​തി​ക്കാ​രു​ടെ നി​യ​ന്ത്ര​ണ​ത്തി​ലാ​ണ്. വ​ര്‍ഗീ​യ ഫാ​ഷി​സ​ത്തെ​യും സി​പി​എ​മ്മി​​​​െൻറരാ​ഷ്ട്രീ​യ ഫാ​ഷി​സ​ത്തെ​യും ചെ​റു​ത്തു​തോ​ല്‍പ്പി​ച്ച് ജ​നാ​ധി​പ​ത്യം സം​ര​ക്ഷി​ക്കേ​ണ്ട അ​വ​സ്ഥ​യാ​ണ് നി​ല​വി​ലു​ള്ള​ത്.​ ക​ണ്ണൂ​ര്‍ മ​ട്ട​ന്നൂ​രി​ലെ ഷു​ഹൈ​ബും കോ​ണ്‍ഗ്ര​സും അ​വി​ട​ത്തെ സി​പി​എ​മ്മി​ന് ഒ​രു വെ​ല്ലു​വി​ളി​യു​മ​ല്ലാ​തി​രു​ന്നി​ട്ടു​പോ​ലും അ​സ​ഹി​ഷ്ണു​ത​യു​ടെ പേ​രി​ല്‍ ഷുഹൈബിനെ കൊ​ല​പ്പെ​ടു​ത്തു​ക​യാ​യി​രു​ന്നു. ആ​ള്‍ക്കൂ​ട്ട​കൊ​ല​പാ​ത​ക​ത്തി​​​​െൻറ വേ​രു​ക​ള്‍ കേ​ര​ള​ത്തി​ലേ​ക്കും പ​ട​രു​ന്നു​ണ്ട്.മു​സ്​ലിം ​യൂ​ത്ത് ലീ​ഗ് ദേ​ശീ​യ​ത​ല​ത്തി​ല്‍ സാ​ന്നി​ധ്യം ശ​ക്തി​പ്പെ​ടു​ത്തു​ക​യാ​ണ്. ജാ​ര്‍ഖ​ണ്ഡി​ലും മ​ഹാ​രാ​ഷ്ട്ര​യി​ലും ഉ​ള്‍പ്പ​ടെ പ്ര​വ​ര്‍ത്ത​നം ശ​ക്തി​പ്പെ​ടു​ത്തു​ന്നതായും ദേശീയതലത്തിൽ ശക്​തമായ പ്രവർത്തനം കാഴ്​ചവെക്കാനാണ്​ ശ്രമമെന്നും അ​ദ്ദേ​ഹം വ്യ​ക്ത​മാ​ക്കി.