എൽസാൽവഡോറിലേക്ക് അമീറിന് ക്ഷണം
text_fieldsദോഹ: ഖത്തറിൽ ഔദ്യോഗിക സന്ദർശനത്തിനെത്തിയ എൽസാൽവഡോർ വിദേശകാര്യമന്ത്രി ഹ്യൂഗോ മാർട്ടിനെസ് അമീർ ശൈഖ് തമീം ബിൻ ഹമദ് ആൽഥാനിയുമായി കൂടിക്കാഴ്ച നടത്തി. ഖത്തറിലെത്തിയ മാർട്ടിനെസ് അമീരി ദീവാനിൽ നൽകിയ സ്വീകരണത്തിനിടെയാണ് കൂടിക്കാഴ്ച നടത്തിയത്. കൂടിക്കാഴ്ചയിൽ എൽസാൽവഡോർ സന്ദർശിക്കുന്നതിനുള്ള ക്ഷണം മാർട്ടിനെസ് അമീറിനെ അറിയിക്കുകയും പ്രസിഡൻറ് സാൽവഡോർ സാഞ്ചസ് സെറെൻറ ക്ഷണക്കത്ത് അമീറിന് കൈമാറുകയും ചെയ്തു.
ഖത്തർ ഫൗണ്ടേഷൻ ചെയർപേഴ്സൺ ശൈഖ മൗസ ബിൻത് നാസറുമായും ഹ്യൂഗോ മാർട്ടിനെസ് കൂടിക്കാഴ്ച നടത്തി. അടിസ്ഥാന വിദ്യാഭ്യാസം ലഭിച്ചിട്ടില്ലാത്തവർക്കുള്ള മികച്ച വിദ്യാഭ്യാസം കൂടിക്കാഴ്ചയിൽ ചർച്ചയായി. ഖത്തർ ഫൗണ്ടേഷനും എൽസാൽവഡോറും തമ്മിലുള്ള പരസ്പര സഹകരണം സംബന്ധിച്ചും ചർച്ച ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.