ചൂട്: പെട്രോള്‍ പമ്പുകളില്‍ ഫാനുകള്‍  സ്ഥാപിക്കാന്‍ ആവശ്യം

ദോഹ: പെട്രോള്‍ പമ്പുകളില്‍ ഫാനുകള്‍ സ്ഥാപിക്കണമെന്ന അഭ്യര്‍ത്ഥന സോഷ്യല്‍ മീഡിയകളില്‍ വ്യാപകമാകുന്നു. പകല്‍ സമയങ്ങളില്‍ ശക്തമായ ചൂട് സഹിച്ച് മണിക്കൂറുകള്‍ ഇവിടെ ജോലി ചെയ്യുന്ന തൊഴിലാളികളെ പ്രത്യേകം പരിഗണിക്കണമെന്ന ആവശ്യമാണ് ഉയര്‍ന്നിരിക്കുന്നത്. പുറം ജോലിക്കാര്‍ക്കുള്ള സമയ ക്രമം പൊതുവെ പട്രോള്‍ പമ്പിലെ തൊഴിലാളികളെ ബാധിക്കാറില്ല. എന്നാല്‍ ഇവരും തൊഴിലെടുക്കുന്നത് പുറം ജോലിക്കാര്‍ക്ക് സമാനമാണ്. ശക്തമായ ചൂടില്‍ ഒലിച്ചിറങ്ങുന്ന വിയര്‍പ്പുമായാണ് ഇവര്‍ പകല്‍ സമയങ്ങളില്‍ ജോലി ചെയ്യുന്നത്. ഇവരുടെ ജോലി ഭാരം കുറക്കുകയോ ആവശ്യമായ സൗകര്യങ്ങള്‍ ചെയ്ത് കൊടുക്കുകയോ വേണമെന്ന അഭ്യര്‍ത്ഥനയാണ് ഉയര്‍ന്നിരിക്കുന്നത്.