െഎ.എസ്.ഡിയിൽ ഒാപൺ സ്കൂൾ ക്ലാസുകൾക്ക് തുടക്കം
text_fieldsമസ്കത്ത്: ദാർസൈത്ത് ഇന്ത്യൻ സ്കൂളിൽ നാഷനൽ ഇൻസ്റ്റിറ്റ്യൂട്ട് ഒാഫ് ഒാപൺ സ്കൂളിെൻറ (എൻ.െഎ.ഒ.എസ്) ക്ലാസുകൾ ഉദ്ഘാടനം ചെയ്തു. ഇന്ത്യൻ സ്കൂൾ ബോർഡ് ഡയറക്ടർ ബേബി സാം സാമുവൽ മുഖ്യാതിഥിയായിരുന്നു. ഒാപൺ സ്കൂൾ അസോസിയേറ്റ് കോഒാഡിനേറ്ററും സീനിയർ സെക്ഷൻ വൈസ് പ്രിൻസിപ്പലുമായ അലക്സാണ്ടർ ഗീവർഗീസ് മുഖ്യാതിഥിയെ സ്വാഗതം ചെയ്തു. എസ്.എം.സി പ്രസിഡൻറ് അജയൻ പൊയ്യാര, പ്രിൻസിപ്പൽ ഡോ. ശ്രീദേവി പി.തഷ്നത്ത്, മുഖ്യാതിഥി ബേബി സാം സാമുവൽ എന്നിവർ സംസാരിച്ചു.
ഒാപൺ സ്കൂൾ സൂപ്പർ വൈസർ രാധാകൃഷ്ണ കുറുപ്പ് നന്ദി പറഞ്ഞു. എൻ.െഎ.ഒ.എസ് അംഗീകാരം ലഭിക്കുന്ന ഒമാനിലെ ആദ്യ സി.ബി.എസ്.ഇ സ്കൂളാണ് ദാർസൈത്തിലേത്. വിവിധ കാരണങ്ങളാൽ മുഖ്യധാരാ വിദ്യാഭ്യാസം സാധ്യമാകാൻ കഴിയാതെ പോയവർക്ക് ഒാപൺ സ്കൂളിൽ േചർന്ന് പഠനം പൂർത്തിയാക്കാവുന്നതാണ്. സെക്കൻഡറി, സീനിയർ സെക്കൻഡറി വിഭാഗങ്ങളിലാണ് ക്ലാസുകൾ നടക്കുക. പത്താം ക്ലാസിൽ ചേരുന്നവർക്ക് 14 വയസ്സും 12ാം ക്ലാസിൽ ചേരുന്നവർക്ക് 15 വയസ്സും പൂർത്തയാകണമെന്ന് പ്രിൻസിപ്പലും ഒാപൺ സ്കൂൾ ക്ലാസുകളുടെ കോഒാഡിനേറ്ററുമായ ഡോ. ശ്രീദേവി പി.തഷ്നത്ത് പറഞ്ഞു. ഇംഗ്ലീഷ് നിർബന്ധ വിഷയമാണ്. മറ്റു നാലു വിഷയങ്ങൾ വിദ്യാർഥികൾക്ക് തെരഞ്ഞെടുക്കാൻ അവസരമുണ്ടാകും.
വിവിധ കാരണങ്ങളാൽ സ്കൂൾ പഠനം സാധ്യമാകാൻ കഴിയാതെ പോയവർക്ക് പുതിയ അധ്യയന വർഷം രജിസ്റ്റർ ചെയ്യാവുന്നതാണ്. ഒരാഴ്ചക്കുള്ളിൽ ക്ലാസുകൾ ആരംഭിക്കും. ഫീസ്, ക്ലാസ് സമയം തുടങ്ങിയ വിവരങ്ങൾ സ്കൂൾ ഒാഫിസിൽനിന്നോ www.isdoman.com എന്ന വെബ്സൈറ്റിൽനിന്നോ ലഭിക്കും. ഒാപൺസ്കൂൾ പഠനം പൂർത്തിയാക്കിയവർക്ക് രാജ്യത്തെ മുൻനിര സർവകലാശാലകളിൽ അടക്കം തുടർപഠനം നടത്താൻ സാധ്യമാകും. പത്താംക്ലാസ് പൂർത്തിയാക്കുന്നവർക്ക് 11ാം ക്ലാസിൽ െറഗുലർ സ്കൂളിൽ അധ്യയനം തുടരാനും സാധിക്കുമെന്ന് സ്കൂൾ അധികൃതർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.