മലബാർ ഗോൾഡ്​ ആൻഡ്​​ ഡയമണ്ട്​സ്​ സൗജന്യ ആരോഗ്യ പരിശോധനാ ക്യാമ്പ്​ നടത്തി 

മസ്കത്ത്: മലബാർ ഗോൾഡ് ആൻഡ് ഡയമണ്ട്സ് തങ്ങളുടെ സാമൂഹിക ഉത്തരവാദിത്ത പദ്ധതിയുടെ ഭാഗമായി റൂവിയിൽ സൗജന്യ ആരോഗ്യ പരിശോധനാ ക്യാമ്പ് നടത്തി. അർഹരായവർക്ക് മരുന്നുകളും വിതരണം ചെയ്തു. അപ്പോളോ ആശുപത്രിയുമായി സഹകരിച്ച് നടത്തിയ ക്യാമ്പിൽ സ്വദേശികളും വിദേശികളുമായി 1200 ലധികം പേർ പരിശോധനക്ക് എത്തി. 
ജനറൽ പ്രാക്ടീഷനർമാർക്ക് പുറമെ വിദഗ്ധ ഡോക്ടർമാരുടെയും സേവനം ക്യാമ്പിൽ ലഭ്യമായിരുന്നു. ബ്ലഡ് ഷുഗർ, ബ്ലഡ് പ്രഷർ, ബോഡിമാസ് ഇൻഡക്സ് തുടങ്ങിയവ പരിശോധിച്ചു. സാമൂഹിക ഉത്തരവാദിത്ത പദ്ധതികൾ നടപ്പാക്കുന്നതിൽ മലബാർ ഗോൾഡ് എന്നും മുൻപന്തിയിലാണെന്ന് മലബാർ, ഗോൾഡ് ആൻഡ് ഡയമണ്ട്സ് റീജനൽ മേധാവി കെ. നജീബ് പറഞ്ഞു.