മയക്കുമരുന്നുമായി രണ്ടു വിദേശികൾ പിടിയിൽ
text_fieldsമസ്കത്ത്: മയക്കുമരുന്ന് കൈവശം വെച്ച കേസിൽ രണ്ടു വിദേശികൾ പിടിയിൽ. ബോഷറിൽനിന്നാണ് ഇവർ പിടിയിലായതെന്ന് റോയൽ ഒമാൻ പൊലിസ് അറിയിച്ചു. പിടിയിലായവർ ഏഷ്യൻ വംശജരാണ്. 68 മയക്കുമരുന്ന് ക്യാപ്സൂളുകളും ഹെറോയിനും ഇവരിൽനിന്ന് പിടിച്ചെടുത്തിട്ടുണ്ട്. വിൽപനക്കും ഉപയോഗത്തിനുമായാണ് ഇവർ മയക്കുമരുന്ന് കൈവശം വെച്ചിരുന്നതെന്ന് പൊലീസ് അറിയിച്ചു. വിശദ അന്വേഷണത്തിനും നിയമ നടപടികൾക്കുമായി പിടിയിലായവരെ ജുഡീഷ്യൽ അതോറിറ്റിക്ക് കൈമാറി. മയക്കുമരുന്ന് വിരുദ്ധ പോരാട്ടത്തിനായി പൊതുജനങ്ങൾ സഹകരിക്കണമെന്നും ആർ.ഒ.പി അഭ്യർഥിച്ചു. മയക്കുമരുന്ന് കടത്തുകാരെ കുറിച്ച് വിവരം ലഭിക്കുന്നവർ 9999 എന്ന നമ്പറിലോ ടോൾഫ്രീ നമ്പറായ 1444ലോ അടുത്തുള്ള പൊലീസ് സ്റ്റേഷനിലോ വിവരം അറിയിക്കണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.