എസ്.എം.സി.എ ക്രിസ്മസ്–പുതുവത്സരാഘോഷം
text_fieldsകുവൈത്ത് സിറ്റി: എറണാകുളം -അങ്കമാലി രൂപതയിലെ നിർധനരായ 50 പേർക്ക് വീടുെവച്ചുനൽകുന്ന പദ്ധതിയിൽ പങ്കാളിത്തം പ്രഖ്യാപിച്ച് സീറോ മലബാർ കൾചറൽ അസോസിയേഷൻ (എസ്.എം.സി.എ) ക്രിസ്മസ് - പുതുവത്സര ആഘോഷം. അസോസിയേഷന് കീഴിൽ പന്ത്രണ്ടാമത്തെ ഭവന പദ്ധതിക്കാണ് തുടക്കമിട്ടത്. ആഘോഷം മാർ തോമസ് തുരുത്തിമറ്റം ഉദ്ഘാടനം ചെയ്തു. എസ്.എം.സി.എ പ്രസിഡൻറ് ജോൺസൺ ദേവസ്യ നീലങ്കാവിൽ അധ്യക്ഷത വഹിച്ചു. ജോബി ജോസ്, വികാരി ജനറൽ ഫാ. മാത്യൂസ് കുന്നേൽ പുരയിടം, ഫാ. ജോൺസൺ നെടുമ്പുറത്ത്, എസ്.എം.വൈ.എം പ്രസിഡൻറ് ജോഷി ജോസഫ് ഉള്ളാട്ടിൽ, ബാലദീപ്തി പ്രസിഡൻറ് എയ്ഞ്ചൽ ജോസ്, ജോർജ് തോമസ് കാലായിൽ എന്നിവർ സംസാരിച്ചു. സുവനീർ പ്രകാശനം, മെഗാ റാഫിൾ ഉദ്ഘാടനം, എസ്.എം.സി.എ മലയാളം മിഷൻ വെബ്സൈറ്റ് ഉദ്ഘാടനം, വിവാഹ ജൂബിലി ആഘോഷിക്കുന്നവരെ ആദരിക്കൽ, കലാമത്സരത്തിലെ കലാപ്രതിഭ,- കലാതിലകം ട്രോഫി വിതരണം, പ്രവാസ ജീവിതം മതിയാക്കുന്ന ചാക്കോയ്ക്ക് യാത്രയയപ്പ് എന്നിവയുമുണ്ടായി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.