ആ​ശു​പ​ത്രി പൂ​ർ​ണ​മാ​യി  പ്ര​വ​ർ​ത്തി​ക്കു​ന്ന​തോ​ടെ മാ​ത്രം ഇ​ൻ​ഷു​റ​ൻ​സ്​

കു​വൈ​ത്ത്​ സി​റ്റി: കു​വൈ​ത്തി​ലെ ആ​രോ​ഗ്യ ഇ​ൻ​ഷു​റ​ൻ​സ്​ പ്രീ​മി​യം വ​ർ​ധ​ന നി​ർ​ദി​ഷ്​​ട ഇ​ൻ​ഷു​റ​ൻ​സ്​ ആ​ശു​പ​ത്രി പൂ​ർ​ണ​മാ​യി പ്ര​വ​ർ​ത്ത​നം ആ​രം​ഭി​ക്കു​ന്ന​തോ​ടെ മാ​ത്ര​മാ​ണെ​ന്ന്​ ആ​രോ​ഗ്യ മ​ന്ത്രാ​ല​യം വ്യ​ക്​​ത​മാ​ക്കി. കു​വൈ​ത്തി​ൽ നി​ർ​ദി​ഷ്​​ട ഇ​ൻ​ഷു​റ​ൻ​സ്​ ആ​ശു​പ​ത്രി​ക​ൾ പ്ര​വ​ർ​ത്ത​ന​സ​ജ്ജ​മാ​കു​ന്ന​തു​വ​രെ വി​ദേ​ശി​ക​ളു​ടെ ആ​രോ​ഗ്യ ഇ​ൻ​ഷു​റ​ൻ​സ് പ്രീ​മി​യം നി​ല​വി​ലെ 50 ദീ​നാ​ർ ആ​യി തു​ട​രും. 2020ൽ ​ആ​ശു​പ​ത്രി​ക​ളു​ടെ നി​ർ​മാ​ണം പൂ​ർ​ത്തി​യാ​കു​മെ​ന്നാ​ണ് മ​ന്ത്രാ​ല​യ​ത്തി​​െൻറ പ്ര​തീ​ക്ഷ. ഇ​തി​നു​ശേ​ഷം മാ​ത്ര​മാ​ണ്​ 130 ദീ​നാ​റാ​യി പ്രീ​മി​യം വ​ർ​ധി​പ്പി​ക്കു​ക.

ആ​രോ​ഗ്യ ഇ​ൻ​ഷു​റ​ൻ​സ്​ പ​ദ്ധ​തി​യു​ടെ​ത​ന്നെ ഭാ​ഗ​മാ​യു​ള്ള ര​ണ്ട്​ ക്ലി​നി​ക്കു​ക​ളാ​ണ്​ 2018 ജ​നു​വ​രി​യി​ൽ ഫ​ർ​വാ​നി​യ​യി​ലും ദ​ജീ​ജി​ലും പ്ര​വ​ർ​ത്ത​ന​മാ​രം​ഭി​ക്കു​ക. ഇ​ൻ​ഷു​റ​ൻ​സ്​ ക​മ്പ​നി​ക്കു കീ​ഴി​ൽ രാ​ജ്യ​വ്യാ​പ​ക​മാ​യി 12 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളും മൂ​ന്ന് വ​ലി​യ ആ​ശു​പ​ത്രി​ക​ളു​മാ​ണ് നി​ല​വി​ൽ​വ​രു​ക. അ​ഹ്​​മ​ദി, ഫ​ർ​വാ​നി​യ, ജ​ഹ്റ എ​ന്നി​വി​ട​ങ്ങ​ളി​ലാ​ണ് ഇ​ൻ​ഷു​റ​ൻ​സ്​ ആ​ശു​പ​ത്രി​ക​ൾ പ്ര​വ​ർ​ത്ത​നം ആ​രം​ഭി​ക്കു​ക. അ​ഹ്​​മ​ദി ആ​ശു​പ​ത്രി​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക്​ ക​ഴി​ഞ്ഞ​ദി​വ​സം തു​ട​ക്ക​മാ​യി. 36,793 ച​തു​ര​ശ്ര മീ​റ്റ​ർ ചു​റ്റ​ള​വി​ലു​ള്ള​താ​ണ് അ​ഹ്​​മ​ദി ഇ​ൻ​ഷു​റ​ൻ​സ്​ ആ​ശു​പ​ത്രി.

നാ​ലു നി​ല​ക​ളും ബെ​യ്സ്​​മ​െൻറു​മു​ള്ള ആ​ശു​പ​ത്രി​യി​ൽ 300 രോ​ഗി​ക​ളെ കി​ട​ത്തി ചി​കി​ത്സി​ക്കാ​നു​ള്ള സൗ​ക​ര്യ​മു​ണ്ടാ​കും. ഓ​രോ മൂ​ന്നു മാ​സ​ത്തി​ലും ഒ​രു ഹെ​ൽ​ത്ത് സ​െൻറ​ർ എ​ന്ന തോ​തി​ൽ ക്ലി​നി​ക്കു​ക​ൾ തു​ട​ങ്ങും. എ​ല്ലാ പ്രാ​ഥ​മി​ക ഹെ​ൽ​ത്ത് സ​െൻറ​റു​ക​ളും ആ​ശു​പ​ത്രി​ക​ളും 2020ഓ​ടെ വി​ദേ​ശി​ക​ൾ​ക്ക് തു​റ​ന്നു കൊ​ടു​ക്കാ​നാ​കു​ന്ന ത​ര​ത്തി​ലാ​ണ് പ​ദ്ധ​തി ത​യാ​റാ​ക്കി​യ​ത്. എ​ല്ലാം പൂ​ർ​ത്തി​യാ​യ​ശേ​ഷം മാ​ത്ര​മാ​ണ്​ ഇ​ൻ​ഷു​റ​ൻ​സ്​ പ്രീ​മി​യം 130 ദീ​നാ​റാ​യി വ​ർ​ധി​പ്പി​ക്കു​ക.