മഴ; പലയിടത്തും ഗതാഗത കുരുക്ക്​

മനാമ: മഴ പെയ്​തതോടെ ഇന്നലെ ബഹ്​റൈനിൽ പലയിടങ്ങളിലായി ചെറിയ തോതിൽ വാഹനാപകടങ്ങളുണ്ടായി. പെ​െട്ടന്നുള്ള ബ്രേക്കിങ്​ മൂലം വാഹനങ്ങൾ തമ്മിൽ ഇടിച്ച സംഭവങ്ങളാണ്​ കൂടുതലും റിപ്പോർട്ട്​ ചെയ്​തത്​. ഇതുമൂലം വിവിധ ഭാഗങ്ങളിൽ ദീർഘനേരം ഗതാഗത കുരുക്ക്​ അനുഭവപ്പെട്ടു. മനാമ, ഗുദൈബിയ, സൽമാനിയ ഭാഗങ്ങളിൽ വലിയ തോതിൽ ഗതാഗത കുരുക്കുണ്ടായി. മഴയത്ത്​ വാഹനങ്ങൾ തെന്നാൻ സാധ്യതയുള്ളതിനാൽ വാഹനമോടിക്കുന്നവർ അതീവ ജാഗ്രത പാലിക്കണമെന്ന്​ ട്രാഫിക്​ ജനറൽ ഡയറക്​ടറേറ്റ്​ അറിയിച്ചു. വാഹനങ്ങൾ തമ്മിൽ കൃത്യമായ അകലം പാലിക്കാൻ ശ്രദ്ധിക്കണമെന്നും അറിയിപ്പിൽ പറഞ്ഞു. വരും ദിവസങ്ങളിലും മഴ തുടരുമെന്നാണ്​ റിപ്പോർട്ട്​.