Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightഫാഷിസത്തിനെതിരെ...

ഫാഷിസത്തിനെതിരെ പ്രതിരോധം തീർക്കുക –എം. മുകുന്ദൻ 

text_fields
bookmark_border
ഫാഷിസത്തിനെതിരെ പ്രതിരോധം തീർക്കുക –എം. മുകുന്ദൻ 
cancel
camera_alt???????? ????? ???????????? ?????????????? ??. ???????? ??????????????

മനാമ: ഫാഷിസം എഴുത്തുകാരെ ഭയപ്പെടുത്താൻ ശ്രമിക്കുകയാണെന്ന്​ നോവലിസ്​റ്റ്​ എം.മുകുന്ദൻ പറഞ്ഞു. ഇതി​​െൻറ ഭാഗമായാണ്​ ഗൗരി ​ല​േങ്കഷിനെ കൊലപ്പെടുത്തിയതെന്നും അദ്ദേഹം കൂട്ടിച്ചേർത്തു. ബഹ്​റൈൻ സന്ദർശനത്തിനെത്തിയ അദ്ദേഹം ‘പ്രതിഭ’ നൽകിയ സ്വീകരണത്തിൽ സംസാരിക്കുകയായിരുന്നു. 
ഇപ്പോൾ പേനയെ ആരോ പിറകോട്ട് വലിക്കും പോലെയാണ്​ .

ബഷീർ എഴുതിയ പോലൊന്നും കഥക്ക് പേരിടാൻ പോലുമാകില്ല. എം.ടിയുടെ ‘നിർമാല്യത്തി’ലെ വെളിച്ചപ്പാടിന്​ ഇപ്പോൾ വിഗ്രഹത്തിന് നേരെ തുപ്പാൻ കഴിയുമെന്നും തോന്നുന്നില്ല.ഫാഷിസ്​റ്റുകൾ അടിസ്​ഥാനപരമായി ഭീരുക്കളാണ്​. അവർ ഭയപ്പെടുന്നത് നിർഭയമായ എഴുത്ത് കാണുമ്പോഴാണ്. 
അതാണ് ജർമനിയിൽ ഹിറ്റ്​ലർ എഴുത്തുകാരെ തിരഞ്ഞു പിടിച്ചുകൊന്നത്. വിക്ടർ ഹ്യൂഗോ  എന്ന എഴുത്തുകാര​​െൻറ നോവലി​​െൻറ സ്വാധീനത്താലാണ്​ ഫ്രാൻസിലെ ഏകാധിപതിക്ക് വാഴാൻ കഴിയാതെ പോയത്. ഹിറ്റ്​ലർക്ക് മുമ്പ് വിക്ടർ     ഹ്യൂഗോ  എന്ന എഴുത്തുകാരൻ ജർമനിയിൽ ജീവിച്ചിരുന്നെങ്കിൽ ഒരു ഹിറ്റ്​ലർ ഉണ്ടാകുമായിരുന്നില്ല. അതാണ് എഴുത്തി​​െൻറ ശക്തി.

 ഇക്കഴിഞ്ഞ ദിനം കേരള മുഖ്യമന്ത്രി പിണറായി വിജയൻ ഒരു യോഗത്തിൽ  എഴുത്തുകാരോട് പറഞ്ഞത് ‘നിങ്ങൾ ഭയക്കേണ്ടതില്ല, കേരളം കൂടെയുണ്ട്’ എന്നാണ്. യോഗം കഴിഞ്ഞ് ഒന്നിച്ചിറങ്ങുമ്പോൾ ഞാൻ അദ്ദേഹത്തോട്​ പറഞ്ഞു ആ വാക്കുകൾ ഞങ്ങൾക്ക്‌ ബലമാണെന്ന്​. കേരള മന:സാക്ഷി ആ വിധമാണ് പ്രതിലോമകാരികൾക്കെതിരെ പടച്ചട്ട അണിഞ്ഞിരിക്കുന്നത്. ഞാൻ 40 വർഷം ജീവിച്ച ഡൽഹിയടങ്ങിയ ഉത്തരേന്ത്യയിൽ നിന്നുള്ള വാർത്തകൾ ഭീതിജനകമാണ്. നാം പ്രതിരോധങ്ങൾ കൂടുതൽ സുസജ്ജമാക്കേണ്ടതുണ്ട്.അടുത്ത മാസം 16ന് ഡൽഹിയിൽ  കേരള മുഖ്യമന്ത്രി ഡൽഹി മുഖ്യമന്ത്രി കെജ്​രിവാളുമായി കൈകോർത്ത് എഴുത്തുകാരുടെ ഒരു സംഗമം വിളിച്ചു ചേർക്കുന്നുണ്ട്.

വലിയ പ്രതീക്ഷയോടെയാണ് ഇന്ത്യയെമ്പാടുമുള്ള  എഴുത്തുകാർ ഫാഷിസത്തിനെതിരെയുള്ള  ഈ നീക്കത്തെ  നോക്കി കാണുന്നത്. പ്രവാസികളും ആത്മ പ്രതിരോധത്തിലൂടെ ഫാഷിസ്​റ്റ്​ ശക്തികൾക്കെതിരായ നീക്കത്തിൽ പങ്കാളികളാകണം. അത് എല്ലാ അതിരുകളും  ലംഘിച്ച്  എഴുതാൻ എഴുത്തുകാർക്ക് ബലം നൽകുമെന്നും അദ്ദേഹം പറഞ്ഞു.ചടങ്ങിൽ ‘പ്രതിഭ’ ജനറൽ സെക്രട്ടറി ഷെറീഫ് കോഴിക്കോട് സ്വാഗതം പറഞ്ഞു.പ്രസിഡൻറ്​ കെ.എം.മഹേഷ് അധ്യക്ഷനായിരുന്നു. പി.ശ്രീജിത്ത്​  ആശംസ നേർന്നു.സാഹിത്യ വേദി കൺവീനർ ബിനു നന്ദി പ്രകാശിപ്പിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsmukundanmalayalam newsbahrain-
News Summary - Mukundan-bahrain-gulf news
Next Story